Mateo 5:7 - Qullan Arunaka DC

⁷ “Kusisiñanïpxiw khuyapayirinakaxa, Diosasti jupanakarux khuyapayarakiniwa.

Aymar Bibliia 1986

⁷ “Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Qullan Arunaca

⁷ “Cusisiñanïpjjew qhitinacatejj qhuyapayasirïpqui ucanacajja, Diosasti jupanacatjja qhuyapt'ayasiraquiniwa.

Mateo 5:7 Jak'a apnaqawi uñst'ayäwi

2 Samuel 17:28

Jupanakasti Davidatakix ikiñanaka, chuwanaka, ñiq'i phukhunak aparapipxäna; ukhamarak trigo, cebada, jak'u, grano jamp'ita, habas, lentejas,

2 Samuel 22:26

“Tatay, aski jaqitakix askirakïtawa, jan kamskaya suma jaqitakix jan kamskayarakïtawa.

Salmos 112:4

Khuyapayasiñan aski jaqix, ch'amakan qhantir qhanjamaw k'ajti.

Salmos 112:9

Jan kunan jaqinakaruw churäwinak waxt'i, jaqir khuyapt'ayañapax jan tukuskiriwa, jan khitin kamskañaw p'iqip wayti.

Salmos 18:25

25 (26) Tatay, aski jaqitakix askirakïtawa, jan kamskayäki uka jaqitakis jan kamskayarakïtawa,

Salmos 37:26

Aski jaqix sapüruw khuyapayasi, mayt'araki; wawanakapasti aski katuqäwïkaspas ukhamawa.

Proverbios 11:17

Khuyapayasir jaqix, jupa pachpatakiw aski lurasi, qhuru jaqisti, jupa pachpatakiw jan wal lurasi.

Proverbios 11:25

Yanapt'añ yatir jaqiw juk'amp katuqi; waxt'ir jaqisti, katuqarakiwa.

Proverbios 14:21

Jaqi masipar jisk'achirix, juch luri, ¡jan kunan jaqit khuyapayasiristi kusisiñaniwa!

Proverbios 19:17

Jan kunan jaqir mayt'irix Tatituruw mayt'aski, Tatit pachpaw uka manu phuqxani.

Isaías 57:1

Aski jaqinakax jiwarawayxiwa, janiw khitis llakt'askiti; suma jaqinakas jiwarawayxiwa, janirakiw khitis ukham jiwatanakapampix, ñanqhat qhispipxatap amuykiti.

Daniel (hebreo) 4:27

27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Oseas 1:6

Gómer warmisti wasitat usur jaqiptarakiki, ukatsti mä imill wawa wawachasïna. Tatitux Oseas profetarux sänwa: “Jichhax uka imill wawarux Lo-ruhama sas suticham, ukasti ‘jan khuyapt'ayata’ sañ muni, nayasti Israel markarux janiw juk'ampi khuyapt'aykxäti, janirakiw juchanakapsa pampachkxäti.

Oseas 2:1

1 (3) Ukapachaw jumanakax jilanakamar sapxäta: “Tatitun markapa” sasa, kullakanakamarusti: “Khuyapt'ayata” sasaraki.

Oseas 2:23

23 (25) Markaxarusti nayatakikipuniw uraqir uskusï, Lo-ruhamatsti khuyapt'ayasïwa, Lo-amirusti ‘Markaxätawa’ sarakïwa, jupasti: ‘¡Diosaxätawa!’ sarakitaniwa.”

Miqueas 6:8

Tatitux niyaw sistam, kunsa lurasma askïñatakixa, kunsa jupax jumat suyixa: askïñama, taqinirus chiqap uñjañam muni, Tatit Diosamarus alt'at chuymamampi yupaychañama.

Marcos 11:25

Diosat mayiskasasti, khitimpitix jan walinkapktas ukarux pampachapxam, ukhamat alaxpachankir Awkimax juchanakam pampachani.

Lucas 6:35

Ukampis jumanakax uñisirinakamar munapxañamawa, aski lurapxañamaraki, jan kun katuqañ suyasak mayt'apxam. Ukhamat jumanakan katuqañamax jach'äni, jumanakasti Alaxpach Dios Awkin wawanakapäpxätawa. Diosax jupar jan yuspagaririnakatsa, juchararanakatsa khuyapt'ayasiwa.

Romanos 11:30

Nayra pachanxa, jumanakax janiw Diosarux jaysapkäyätati, jichhasti judionakan jan jaysirïtap laykuw Diosax jumanakat khuyapt'ayasipxtam.

1 Corintios 7:25

Jan jaqichasit warminakatakisti, janiw Tatitun wakiskir arupax utjkituti; ukampis nayan amuyuxat sista, Tatitun khuyapayasiñapan nayax askïkta ukarjama.

2 Corintios 4:1

Ukat nanakax jan qarjasipkti, Diosaw khuyapayasiñapan aka luräwi katuyapxitu.

Efesios 4:32

Ukatsipana jumanakax suma chuymanïpxam, maynit maynikam khuyapt'ayasisa, purapat pampachasipxam, kunjämtix Diosax jumanakar Cristo tuqi pampachapktam ukhama.

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

1 Timoteo 1:16

Ukat Diosax nayat khuyapayasitäna, Jesucriston naya tuqi munasiñap uñacht'ayañapataki. Ukhamat nayax nayraqat iyawsta, nayar uñtas mayninakan jupar iyawsasin wiñay jakañanïpxañapataki.

Hebreos 4:16

Ukhamasti munasir Dios Awkisarux iyawsañasampi jak'achasiñäni, jiwasat khuyapt'ayasiñapataki, munasiñapan wakisir urun yanapt'añapataki.

Hebreos 6:10

Diosax chiqapar uñjiriwa, kuntix jumanakax lurapkta ukat janiw armaskaniti, qullan markankir jilatanakar munasiñ uñacht'ayatamatsa, yanapt'atamatsa, jichhakamas ukham lurasipkaktawa.

Santiago 2:13

Ukampis khitinakatix mayninakat jan khuyapt'ayaski ukaxa, jan khuyapt'ayasiñampi taripatäniwa, khuyapayasirinakasti taripäwi urun sumakiw mistupxani.

Santiago 3:17

Ukampis khitinakatix Diosat jutir yatiñanïpki ukanakax q'uma jakawinïpxiwa; ukhamarus sumankayirinaka, munasirinaka, llamp'u chuymaninakäpxiwa. Jupanakax khuyapt'ayasirïpxiwa, chiqap uñjirinaka, chiq parlirinaka, sum luririnaka.

1 Pedro 2:10

Jumanakax nayrax janiw mä markäpkayätati, jichhasti Diosan markapäxapxtawa. Nayrax jupax janiw jumanakat khuyapayaskänti, ukampis jichhax khuyapayasxapxtamwa.