Mateo 27:43 - Qullan Arunaca

⁴³ Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: ‘Diosan Yokapätwa’ saraquisä,” sasa.

Aymar Bibliia 1986

⁴³ Niyaquitejj Diosar wal catuyaschejja, jichhajj Diosajj juparojj khespiypanaya, juparojj chekapun munchi ucajja. Jupasti: “Diosan Yokapätwa” saraquisä —sasa.

Qullan Arunaka DC

⁴³ Diosaruxay jupax alkatchixa, munaschi ukax jichhax jupar qhispiypanaya. Jupasti: “Diosan Yuqapätwa” sischixaya —sasa.

Mateo 27:43 Jak'a apnaqawi uñst'ayäwi

Salmos 14:6

Jan yäkat jaken amtäwinacapat larusipjje, ucampis Tatituw jupanacarojj imasqui.

Salmos 22:8

jupanacasti sapjjaraquiwa: “Aca jakejj Tatiturojjay alcatchïnjja; Tatituy jichhajj khespiypan; juparojjay munchïnjja, khespiypanaya” sasa.

Salmos 3:2

waljaniw nayat sapjje: “Janiw Diosajj jupar khespiycaniti” sasa.

Salmos 42:10

Timanacajjan sawcasitanacapatjja, ch'aqhanacajjamppachaw usutu, urpachaw sapa cut jisqhipjjetu: “¿Cawquincarac Diosamasti?” sasa.

Salmos 71:11

Jupanacajj sapjjewa: “Arctapjjam, catuntapjjam, Diosajj jupar apanucjjewa, janiw qhitis arjjatcaniti” sasa.

Isaías 36:15

Ezequiasajj jumanacar parlañ munapjjätamjja, ‘Diosar jaysañäni, jupaw khespiyistani, jupajj janiw muncaraquiniti aca marcan Asirio reyin amparapar puriñapjja’ sasa,

Isaías 36:18

Ezequiasatejj ‘Tatituw khespiyistani’ sapjjätamjja, jan jupampi c'arintayasipjjamti. ¿Yakha marcanacarusti diosanacapajj khespiyiti Asirianquir reyin amparapatjja?

Isaías 37:10

“Juman Diosama, cawquïrirutejj jumajj iyawscta uca Diosaw jumarojj sistam Jerusalén marcajj jan nayan amparajjaru puriñapa, ucampis jumajj jan uca Diosamampejj c'arintayasimti.

Mateo 27:40

aqham sasa: Jumajj sistawa: “Templjja pamparuw tucuyä, ucatsti quimsürut sayt'ayä, sasa. Jichhajj juma quipca khespiyasim. Chekapuni Diosan Yokapästa ucajja, crusatsa sarakaniraquim” —sasa.

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 23:35

Ucanjja jakejj uñch'uquisipcänwa, uqhamaraquiw autoridadanacas jupatjja larusipjjäna: —Yakhanacarojj khespiyiwa; jichhajj jupa pachpa khespiyaspan, chekpachatï Diosan ajllit Cristöchi ucajja —sasa.

Lucas 23:37

Ucatsti sapjjänwa: —Jumatejj judionacan Reyipästa ucajja, jumapach khespiyasim —sasa.

Juan 10:30

Awquimpi nayampejja mayaquïpjjtwa —sasa.

Juan 10:36

Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: ‘Diosjjat parli’ sapjjta, ‘Diosan Yokapätwa’ satajjatacti?

Juan 19:7

Ucampis judionacajj sapjjaraquïnwa: —Nanacajj mä leyinïpjjtwa. Nanacan leyinacajjarjamajja jiwañapawa Diosan Yokapa tucutap laycu —sasa.