Mateo 18:4 - Qullan Arunaca

⁴ Yatipjjam, Diosan reinopanjja wali jilïrïniwa qhititejj acapachan mä wawjam catokqui ucajja.

Aymar Bibliia 1986

⁴ Yatipjjam, Diosan reinopanjja wali jilïrïniwa qhititejj acapachan mä wawjam catokqui ucajja.

Qullan Arunaka DC

⁴ Yatipxam, Diosan qhapaq markapanxa wali aytat jaqix, khititix akapachan aka wawjam llamp'u chuymanïki ukawa.

Mateo 18:4 Jak'a apnaqawi uñst'ayäwi

Isaías 57:15

Alajjpachanquiristi, qhititejj wiñayatac jacqui, sutipasti kollanaraqui, ucajj aqham siwa: “Nayajj mä alto kollan chekanwa jacta, ucampisa qhititejj alt'at chuymani, llact'ata sarnakaraqui ucanacarusti ch'amañcharactwa.

Mateo 18:1

Ucapachajj discipulonacajj Jesusar jac'achasisinjja jisct'apjjänwa: —¿Qhitis Diosan reinopan wali jilïrejja? —sasa.

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 18:5

Qhititejj mä wawaru sutejjar aca wawarjam catokqui ucajja, nayaruw catokasquitu.

Marcos 10:43

Jumanacampisti janiw uqhamäcaniti. Ucatsipana jumanac taypin jilïriñ munirejja mayninacar sirviñapawa.

Marcos 9:34

Jupanacasti janiw arsuñ munapcänti: “¿Qhitis jiwasanac taypin jilïrejja?” sasa thaquin parlapjjatapata.

Lucas 14:11

Qhititejj jach'a jach'a tucu ucajja, jisc'ar tucuyatäniwa, ucampis jisc'ar tucurïqui ucasti jach'ar tucuyatäniwa.”

Lucas 9:48

Ucat saraqui: —Qhititejj aca wawar sutejjan catokqui ucajj nayaruw catoketu; qhititejj nayar catokquitu ucajj qhitanquitu ucaruw catokaraqui. Uqhamasti qhititejj jumanac taypinjj juc'amp jisc'äqui ucaw juc'amp jach'aru tucuyatänejja —sasa.

Santiago 4:10

Dios nayrakatan jisc'ar tucupjjam, jupasti jach'aruw aptapjjätam.

1 Pedro 5:5

Uqhamaraqui, jumanacajj waynanaca, jilïri chuymaninacarojj ist'apjjam. Takeniw maynit mayniru ist'asipjjañama llamp'u chuymampi: “Diosajj jach'a jach'a tucurinacarojj jisc'achiwa, llamp'u chuymaninacarusti munasiñapanjja yanaparaquiwa.”