Mateo 18:4 - Qullan Arunaka DC

⁴ Yatipxam, Diosan qhapaq markapanxa wali aytat jaqix, khititix akapachan aka wawjam llamp'u chuymanïki ukawa.

Aymar Bibliia 1986

⁴ Yatipjjam, Diosan reinopanjja wali jilïrïniwa qhititejj acapachan mä wawjam catokqui ucajja.

Qullan Arunaca

⁴ Yatipjjam, Diosan reinopanjja wali jilïrïniwa qhititejj acapachan mä wawjam catokqui ucajja.

Mateo 18:4 Jak'a apnaqawi uñst'ayäwi

Isaías 57:15

Alaxpachankir Tatitu, khititix wiñayatak jakki, sutipasti qullanäkaraki, ukax akham siwa: “Nayax alay qullan chiqan jakta, ukampis khititix alt'at chuymani, llakt'ata sarnaqki ukarux ch'amañcharaktwa.

Mateo 18:1

Ukapachaw yatiqirinakax Jesusar jak'achasisin jupar jiskt'apxäna: —¿Khitis Diosan qhapaq markapan wali aytat jaqïspaxa? —sasa.

Mateo 18:3

sarakïnwa: —Qhanak sapxsma, jumanakatix jakañaman Diosar jan kutikipstapkäta, janirak mä wawjam tukupkäta ukax, janiw Diosan qhapaq markapar mantapkätati.

Mateo 18:5

Khititix sutixar aka wawarjam katuqkanixa, nayaruw katuqaskitu —sasa.

Marcos 10:43

Jumanakampisti janiw ukhamäñapäkiti. Ukatsipana jumanak taypin jilïrïñ munirix mayninakar luqtirïñapawa.

Marcos 9:34

Jupanakasti janiw arsuñ munapkänti, thakhin ¿khitis jiwasanak taypin jilïrixa?, sasa parlapxatapata.

Lucas 14:11

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Lucas 9:48

jupanakarusti sarakïnwa: —Khititix aka wawar sutixar katuqki ukax nayaruw katuqitu; khititix nayar katuqkitu ukasti khithankitu ukaruw katuqaraki. Ukhamasti khititix jumanak taypin juk'amp jisk'äki ukaw jach'ar tukuyatäni —sasa.

Santiago 4:10

Dios nayraqatan jisk'ar tukt'apxam, jupasti jach'aruw aptapxätam.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”