Mateo 16:14 - Qullan Arunaca

¹⁴ Jupanacasti sapjjänwa: —Mayninacajj: ‘Bautisiri Juanaw’ sapjjewa, mayninacasti: ‘Eliasaw’ sasaraqui, yakhepanacasti: ‘Jeremiasaw’ sapjjaraquiwa, jan ucajj: ‘Yakha profetäpachaw’ sapjjaraquiwa.

Aymar Bibliia 1986

¹⁴ Jupanacasti sapjjänwa: —Mayninacajj: “Bautisiri Juanaw” sapjjewa, mayninacasti: “Eliasaw” sasaraqui, yakhepanacasti: “Jeremiasaw” sapjjaraquiwa, jan ucajj: “Yakha profetäpachaw” sapjjaraquiwa.

Qullan Arunaka DC

¹⁴ Jupanakasti sapxänwa: —Yaqhipanakax ‘Bautisiri Juanaw’ sapxiwa; yaqhipanakasti ‘Eliasaw’ sapxiwa, mayninakasti ‘Jeremiasaw’ sapxiwa, jan ukax ‘yaqha profetäpachaw’ sapxarakiwa —sasa.

Mateo 16:14 Jak'a apnaqawi uñst'ayäwi

Jeremías 1:1

Jeremiasan arsüwinacapampi, luräwinacapampi: jupasti Hilcías jaken yokaparaquïnwa. Jeremiasajj sacerdotenac familiat jutirïnwa, jupanacasti Anatot sisqui uca marcan jacasipjjaraquïna, Benjamín tribun orakepana.

Malaquías 4:5

“Jumanacasti uñjapjjam, nayasti Elías profetaruw qhitanipjjäma janïra Diosan urupa jutquipana, cawquïri urutï wali jach'äni, uqhamarac wali ajjsarcayäni.

Mateo 14:2

Jupanacampïscän ucanacarusti saraquïnwa: “Ucajja Bautisiri Juanaw jiwatanac taypit jactanpacha, ucatwa jupajj ch'amani uca milagronaca lurañataquejja” sasa.

Mateo 16:15

Ucat saraquïnwa: —Jumanacasti ¿qhitiwa sapjjaraquistasa? —sasa.

Mateo 17:10

Discipulonacapasti Jesusarojj jisct'apjjaraquïnwa: —¿Cunataraqui ley yatichirinacasti: “Eliasaw nayrakata jutañapajj” sapjjesti?

Mateo 3:1

Uca urunacansti, Bautisiri Juanajj Judea wasararuw jutäna Diosan arunacap parlasa.

Marcos 6:15

Yakhepanacasti sapjjänwa: “Elías profetawa. Yakhepanacasti sapjjaraquïnwa: Mä profetäpachawa, cunjämatï profetanacajj nayrapachanjj utjcänjja uqhama” sasa.

Marcos 8:28

Jupanacasti ucjjarojj sapjjänwa: —Yakhepanacajj ‘Bautisiri Juanaw’ sapjjtamwa. Mayninacasti ‘Eliasaw’ sapjjtamwa. Mayninacasti ‘Profetanacat maynïrïpachaw’ sapjjaractamwa —sasa.

Lucas 9:8

Mayninacasti: “Elías profetaw uñstanpacha” sapjjänwa, yakhepanacasti: “Nayra profetanacat mayniw jactanpacha” sapjjaraquïnwa.

Juan 1:21

Ucjjarusti wasitampiwa jisct'apjjäna: —Uqhamasti ¿qhitïtasa? ¿Elías profetätati? —sasa. Juanasti saraquïnwa —Janiw ucäctsa —sasa. Ucjjarusti jisct'apjjaraquïnwa: —Uqhamasti ¿qhä profeta jutañapäqui ucätati? —sasa. Juanasti sänwa: —Janiw ucäctsa —sasa.

Juan 7:12

Walja jakenacaw jupjjat parlapjjäna. Mayninacajj sapjjänwa: “Suma jakewa” sasa; ucampis mayninacajj sapjjaraquïnwa: “Janiw wali jakequiti, jakerojj sallkjiwa” sasa.

Juan 9:17

Wasitampiw jisct'apjjäna juyqhücäns uca jakerojja: —Jumajj ¿camstasa nayram kollctam uca jaketjja? —sasa. Jupasti saraquïnwa: —Mä profetäpachaw —sistwa, sasa.