Lucas 8:47 - Qullan Arunaca

⁴⁷ Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.

Aymar Bibliia 1986

⁴⁷ Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.

Qullan Arunaka DC

⁴⁷ Warmisti, jan juk'amp imantasirjamäsin khathatt'asisaw Jesusan kayupar killt'asïna. Ukatsti taqi jaqin nayraqatapan arsusïna kunatsa llamkt'atayna, kunjämsa ukspach k'umar tukkatayna ukanaka.

Lucas 8:47 Jak'a apnaqawi uñst'ayäwi

Salmos 2:11

Tatiturojj ajjsart'añamp loktapjjam, qhathatiñamp jupan nayrakatapan alt'apjjam, jupan jan k'apisiñapataqui, thaquin jan aynacht'apjjañamataqui, Tatitun k'apisiñapan mäc ch'alljjtirïtap laycu. ¡Jupamp arjjatayasirinacajj cusisiñanïpjjewa!

Salmos 38:9

Tatitojjay, jumaw takpach amtatanacajjar uñt'tajja, janiw aykotanacajjajj jumatac imantasquiti;

Salmos 66:16

Diosar arquirinaca, ist'ir jutapjjam, nayatac luratanacap yatiyapjjäma:

Isaías 66:2

¡Take acanacjja nayaw amparajjampi lurta, uqhamatwa utjañjja kalltapjjaraqui! Naya Tatituw ucjja arsta. “Cawquïr jaktejj nayajj uñtascta ucajj qhititejj pobre, llact'ata sarnakqui, arunacajjsa suma ist'caraqui, phokcaraqui ucawa.

Oseas 13:1

Cunapachatejj Efrainanquir jakenacajj parlapjjän ucqhajja, Israelanquir yakha tribunacajj juparojj ajjsarapjjänwa; ucampis Efrainajj jiwawayjjewa cunapachatejj juch lurcäna Baal diosaru yupaychasa uca urutpacha.

Oseas 5:3

Nayajj Efrainarojj uñt'twa; Israelasti janiraquiw nayanjj jan uñt'atäquitejja, Efrainajj wachoka jucharuw purejja, Israelasti k'añuchsutaraquiwa.”

Habacuc 3:16

Take ucanac ist'asajja ajjsarayastwa: janiw cunas arsuñjamäquiti; cayunacajjas janiw sayt'asiñataquejj ch'amanïcjjeti, take cuerpojjas janiraquiw ch'amanïcjjeti. Uqhamäquipansa, jan ajjsarañampiw suyt'äjja, cuna urutï Diosajj llaquisiñaru uchcani, jiwasanacaru t'akhesiyiri ejercitonacaparu.

Mateo 28:8

Warminacasti uc ist'asinjja janc'aquiw sepulturat sarjjapjjäna, wali sustjata ucampis cusisitaraqui. Jalapjjaraquïnwa cunatejj pascatayna uca discipulonacapar yatiyañataqui.

Marcos 5:33

Ucat warmejj ajjsarañat qhathatt'asisaw Jesusan nayrakatapar quillt'asïna, cunatï jupampi lurascatayna uca yatisa, take cunsa chekap arsusiraquïna.

Lucas 8:46

Jesusasti saraquïnwa: —Mayniw llamct'itu, amuyasiractwa ch'amajjampi mayniru kollatajja —sasa.

Lucas 8:48

Jesusasti ucjjarojj saraquïnwa: —Wawa, iyawsatam laycuw c'umaräjjtajja, sumac sarjjam —sasa.

Hechos 16:29

Ucatsti cárcel uñjirejj mä mecha khana mayisïna, janc'aquiw cárcel mankharojj jalantawayi. Wali qhathatisaw Pablompin Silasampin nayrakataparojj quillt'asi.

1 Corintios 2:3

Jumanac nayrakatanjja mä pisi ch'amanjamaw sarnakta ajjsarañatsa qhathatisaraqui.

2 Corintios 7:15

Jupansti jumanacataquejj juc'ampi munasiñapaw utji take asquinac mayitaparjama lurapjjatam amtasisajja, uqhamarac cunjämtï llamp'u ajjsarañ chuymampirac catokapjjatät ucatsa.

Filipenses 2:12

Ucatpï, munat jilatanaca, cunjämtï jumanacajj ist'apjjapunistajja cunapachatejj jumanacampïcäyät ucqhajja, jichhasti juc'ampi ist'apjjeta jayancatajj laycu. Jumanacan quipca khespiyasiñanacamatsti, alt'at chuymampi ajjsarañampirac phokhapjjam.

Hebreos 12:28

Ucampis cawquïr marctejj Diosajj churquistu ucajj janiw onjjtcaspati. Ucat jichhajj yuspagarañäni, take amuyusampi yupaychañäni uqhamarac take ajjsart'añampi, ucaw Diosarojj cusisiyi.

1 Samuel 16:4

Samuelosti cuntejj Tatitojj siscatayna ucanacwa luraraquïna. Cunapachatejj Belenar purcän ucqhasti, marcatjja jilïri jakenacaw mistunipjjäna jupar catokañataqui, mä juc'a ajjsarapjjaraquïnwa, jisct'apjjaraquïnwa: —¿Sumancaña munasati juttajja? —sasa.