Lucas 8:47 - Qullan Arunaka DC

⁴⁷ Warmisti, jan juk'amp imantasirjamäsin khathatt'asisaw Jesusan kayupar killt'asïna. Ukatsti taqi jaqin nayraqatapan arsusïna kunatsa llamkt'atayna, kunjämsa ukspach k'umar tukkatayna ukanaka.

Aymar Bibliia 1986

⁴⁷ Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.

Qullan Arunaca

⁴⁷ Warmisti jan juc'ampi imantasirjamäsinjja, qhathatt'asisaw Jesusan cayupar quillt'asi. Take jaken nayrakatapanwa arsusi cunattï llamct'cäna, uqhamarac cunjämtï uca luratatjja c'umaräjjatayna ucanaca.

Lucas 8:47 Jak'a apnaqawi uñst'ayäwi

Salmos 2:11

Tatiturux axsart'añampi yupaychapxam; jupan nayraqatapan khathatiñampi alt'asipxam, q'apisini ukapachasti, jiwarataw uñjasipxasma, Tatitun jank'aki q'apisirïtap layku. ¡Jupampi arxatayasirinakax kusisiñanïpxiwa!

Salmos 38:9

9 (10) Tatay, jumaw taqpach amtatanakax uñt'taxa, ¡chuymaxan llakisitapas jumatakix qhanäskiwa!

Salmos 66:16

¡Jumanakax taqin jutapxam, jutapxam, Diosar yupaychirinaka! ¡Ist'apxam, kuntix Diosax nayatak lurki ukanak yatiyapxäma!

Isaías 66:2

¡Taqi akanak nayaw amparaxamp lurta, taqi kunas nayankiwa! Naya Tatituw uk arsta. “Kawkïr jaqirutix nayax uñtkta ukaxa, jan kunani, llakt'at sarnaqki, arunakaxsa sum phuqkaraki uka jaqiwa.

Oseas 13:1

Kunapachatix Efrainankir jaqinakax arsupkän ukkhaxa, Israelan maynïr ayllunakapax axsartañampiw isch'ukipxäna; ukampis Efrainax Baal diosar yupaychasa jucha luratapat jiwarakïna.

Oseas 5:3

Israelitanaka, Nayax jumanakan sarnaqatanakam yattwa; wachuqa jucha lurir warmjamaw sarnaqapxtaxa.”

Habacuc 3:16

Taqi ukanak ist'asax wal axsarayasta. Laka ispillunakaxas wal khathatiraki, kayunakaxas janiw sayt'asiñatakix ch'amanïkxiti, taqi janchixas janirakiw ch'amanïkxiti. Ukhamäkipansa, jan axsarañampiw suyt'ä, Tatitux jiwasanakar t'aqhisiyirinakar mutuykani ukapachkama.

Mateo 28:8

Warminakasti uk ist'asin wal mulljasipxäna, mä tuqit kusisipxarakïnwa, ukatsti jalakamaw yatiqirinakapar uka yatiyäwi yatiyir sarapxäna.

Marcos 5:33

Ukat warmix axsarañat khathatt'asisaw Jesusan nayraqatapar killt'asïna, kunatix jupampi luraskatayna uk yatiyäna, taqi kunsa chiqap arsusirakïna.

Lucas 8:46

Ukampis Jesusax saskakïnwa: —Mayniw llamkt'itu, ch'amaxampi maynir qullatax amuyasta —sasa.

Lucas 8:48

Jesusasti juparux sänwa: —Waway, iyawsatam laykuw k'umaräxtaxa, jichhax sumak sarxam —sasa.

Hechos 16:29

Ukatsti cárcel uñjirix nina wiya qhana mayisin, jank'akiw cárcel manqhar jalantawayi. Pablompina Silasampin nayraqatapar purisinsti, axsarañat wali khathatisaw killt'asi.

1 Corintios 2:3

Jumanak nayraqatansti jan ch'amanjama, axsarañatsa khathatisaw uñstapxäyäsma,

2 Corintios 7:15

Jupasti jumanakar walpun munasipxtam, jumanakan jaysasirïtanakam amtasisa, wali yäqañamp jupar katuqapxatät ukatsa.

Filipenses 2:12

Munat jilatanaka, jumanakampïkäyät ukkhax nayarux jaysapxapunistawa, jichhasti jumanakat jayankatax laykux juk'ampiy jaysapxita. Axsartañampi, khathatiñampiy qhispiyasiñamatak ch'amachasipxam;

Hebreos 12:28

Diosax kawkïr marktix churkistu ukax janiw unxtayatäkaspati. Taqi ukat yuspagarañäni, Diosarux taqi amuyusampi yupaychañäni, ukhamarak taqi axsart'añampi, ukaw juparux kusisiyi.

1 Samuel 16:4

Samuelusti kuntix Tatitux siskatayna uk luräna. Kunapachatix Belenar purkän ukkhaxa, markankir jilïri jaqinakax jupar katuqiriw mistunipxäna, juparusti jiskt'apxarakïnwa: —¿Sumankañampit jutta? —sasa.