Lucas 8:44 - Qullan Arunaca

⁴⁴ Jupasti khepäjjat Jesusar maqhatasin isip llamct'i, ucatsti ucspachaw wila usupajj sayt'jjäna.

Aymar Bibliia 1986

⁴⁴ Jupasti khepäjjat Jesusar maqhatasin isip llamct'i, ucatsti ucspachaw wila usupajj sayt'jjäna.

Qullan Arunaka DC

⁴⁴ Jupasti qhipäxat Jesusar jak'achasisin isipat llamkt'äna, wila apa usupasti ukspachaw t'akt'awayxäna.

Lucas 8:44 Jak'a apnaqawi uñst'ayäwi

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Mateo 20:34

Jesusasti jupanac uñjasinjja qhuyapt'ayasïnwa, ucat nayranacap llamct'äna. Juyqhunacasti ucspacharaquiw uñj-jjapjjäna, ucat Jesusaruw arcjjapjjäna.

Mateo 8:3

Jesusasti juparojj amparapampiwa lokjjatäna, ucatsti saraquïnwa: —Muntwa, k'omäjjtawa —sasa. Uca aru arscän ucspachaw lepra usupatjja c'umaräjjäna.

Mateo 9:20

Sarquipanjja mä warmiw tunca payan mara usuta utjäna, uca warmisti wila apampi usutänwa. Jupasti Jesusaru jac'achasisinjja isipwa llamct'äna.

Marcos 6:56

Cawqui chekarutï Jesusajj purcänjja, jisc'a marcarusa, jach'a marcarusa, pampanacarusa, usutanacjja callenacaruw apnokapjjäna. Jesusarusti achict'asipjjaraquïnwa: Tatay, isimacsay llamct'ayapjjeta, sasa. Take qhitinacatï jupar llamct'apcän ucanacajj c'umaraptapjjänwa.

Lucas 13:13

Ucat jupjjaruw amparapamp Jesusajj lokjjati, uca warmisti ucspachaw chekaptjjäna, ucat Diosaru yupaycharaquïna.

Lucas 7:38

Ucat jacht'asisaw Jesusan cayupawjaru kont'asi, ucatsti jachapampiw Jesusan cayupjja jarekäna. Ucatjja ñic'utapampiraquiw ucjja wañsuyaraquïna, ucat jamp'att'asinwa uca k'apquir aceitempejj Jesusan cayuparojj warjjatäna.

Lucas 8:43

Uca taypinsti mä warmiw utjäna, jupasti tunca payan marawa wila apa usumpi usurnucstatäna. Jupasti kollirinacaruw take cunaps inamay k'al tucjasitayna, janiw qhitis juparojj waliptaycänti.

Lucas 8:45

Ucatwa Jesusajj jisct'äna: —¿Qhitis llamct'itu? —sasa. Takenis —Janiw qhitisa —sasaw sapjjäna. Pedrosti sänwa: —Yatichiri, jakew ñekjjtam ucsat acsata nuct'asa, jumasti: ‘¿Qhitis llamct'itu?’ sactawa.

Juan 5:13

Jupasti janiw qhitin jupar kollataps yatcänti, ucan walja jakenac utjatap laycu, Jesusasti sarjjaraquitaynawa.

Hechos 19:12

Jakenacasti Pablon pañuelopsa isinacapsa usutanacan ucaruw apapjjäna. Usutanacasti uqhamatwa waliptjjapjjäna. Uqhamaraquiw ñankha ajayunacas jupanacatjj mistjjaraquïna.

Hechos 5:15

Callenacaruw usutanac iquiñanacaru apsupjjäna. “Pedrojj pascasin inach ch'iwipaquis yakhepanacarojj puriwayaspa” sasa.

Deuteronomio 22:12

“Janjjatasipcta uca mantanacamsti pusi esquinpacha fleconacampi uchasipjjam.