Lucas 8:43 - Qullan Arunaca

⁴³ Uca taypinsti mä warmiw utjäna, jupasti tunca payan marawa wila apa usumpi usurnucstatäna. Jupasti kollirinacaruw take cunaps inamay k'al tucjasitayna, janiw qhitis juparojj waliptaycänti.

Aymar Bibliia 1986

⁴³ Uca taypinsti mä warmiw utjäna, jupasti tunca payan marawa wila apa usumpi usurnucstatäna. Jupasti kollirinacaruw take cunaps inamay k'al tucjasitayna, janiw qhitis juparojj waliptaycänti.

Qullan Arunaka DC

⁴³ Uka jaqinak taypinsti mä warmiw utjäna, jupasti tunka payan maraw wila apa usumpi usurnukstatäna, jupasti qullirinakaruw taqi kunap inamay q'al tukjasitayna, janiw khitis juparux qullkataynati.

Lucas 8:43 Jak'a apnaqawi uñst'ayäwi

2 Crónicas 16:12

Quimsa tunca llätuncani mara apnakascäna ucqhajja, Asajj sintipuniwa cayunacapata usuntjjäna, ucampis uqham usutäsinsa janiw Tatitur thaktcänti, jan ucasti kollirinacaruquiw saräna.

Job 13:4

Jumanacajj cunatejj chekapäqui ucjja c'arisiñampiw imt'apjjtajja, kollirïsipctawa, ucampis janiw qhitirus kollapctati.

Salmos 108:12

Timanacajjar saycatañataquiy yanapt'apjjeta, jaken yanapapan inamayätap laycu.

Isaías 2:22

Jakenacar alcatasitanacamjja apanucupjjam, juc'ataquiquiraquiwa uca jakejja, jaken jacañapasti mä samanampi sasiquiraquiwa.

Marcos 12:44

Mayninacajj jilt'äquis ucatac churapjje. Aca warmisti pobrëcasinwa kawkhatï jacañapatac utjqui ucjpach churi.

Marcos 9:18

Cawqhansa uca ajayojj juparojj thalayaquiwa, lacapatjja jopokow juti, laca ch'aqhapsti t'urusiraquiwa, jupasti wali tucusitäjjewa. Discipulonacamaruw c'umaraptayañapatac achict'asta, jupanacasti ñankha ajayuru alissuñataquejj janiw ch'amanïpquiti —sasa.

Lucas 13:11

Tunca quimsakallkoni mara usurnucstata warmiw ucancascaraquïna. Mä ñankha ajayuw juparojj c'umthaptayatayna, jupasti janiw cunjämatsa chekaptañataqui ch'amanïcänti.

Lucas 13:16

Aca warmisti Abrahaman wawanacapat jutiriwa, supayasti juparojj tunca quimsakallkoni maraw aca usumpejj chinuntäna. ¿Janiti usupat jararañajj waquisqui samarañ urunjja? —sasa.

Lucas 8:27

Jesusajj wañar mistquipanwa marcanquir mä jakejj jupar jac'achasïna. Aca jakesti walja maranacaraquiw ñankha ajayunacan mantata sarnakäna. Janiw isimp uchasirïcänti, ni utansa jaquirïcänti, jan ucasti panteonanwa jacasirïna.

Lucas 8:42

Jupasti mä sapa imill wawaniquïnwa, tunca payan maranjama, ucawa jiwañampïscäna. Saripansti walja jakenacaraquiw arcasinjja Jesusarojj ñekthapipjjäna.

Lucas 8:44

Jupasti khepäjjat Jesusar maqhatasin isip llamct'i, ucatsti ucspachaw wila usupajj sayt'jjäna.

Juan 9:1

Mä cheka pascasinjja Jesusajj nacïwipatpacha mä juyqhu jakeruw uñjäna.

Juan 9:21

Ucampis janiw yatipcti cunjämat jichhajj uñjatapsa ucjja, ni qhitin nayrapat kollatapsa yatipcaracti. Juparuy jisct'apjjam, jupajj walja maranacanëjjewa, jupa pachpawa yatiyasipjjätam —sasa.

Hechos 3:2

Jakenacasti nacïwitpach mä cojo jakeruw templo puncur sapür apapjjerïna, templor mantirinacat mayjasiñapataqui, Hermosa satäquis ucawja puncuru.

Hechos 4:22

Milagro toke c'umaraptayatäcäna uca jakejj pusi tunc jila maranïnwa.