Lucas 6:38 - Qullan Arunaca

³⁸ Yakhanacarojj churapjjam, jumanacarusti Diosaw churapjjätam. Diosasti bolsanacamarojj wali phokt'at churapjjätam, suma thalantt'ata, limintt'ataraqui. Cunjämtï yakhanacarojj lurapcäta uca pachparacwa Diosajj jumanacampejj luraraquini.”

Aymar Bibliia 1986

³⁸ Yakhanacarojj churapjjam, jumanacarusti Diosaw churapjjätam. Diosasti bolsanacamarojj wali phokt'at churapjjätam, suma thalantt'ata, limintt'ataraqui. Cunjämtï yakhanacarojj lurapcäta uca pachparacwa Diosajj jumanacampejj luraraquini.”

Qullan Arunaka DC

³⁸ Yaqhanakarux churapxam, jumanakarusti Diosaw churapxätam. Diosasti wayaqanakamarux wali phuqt'at churapxätam, suma thalantt'ata, limintt'ataraki. Kunjämtix yaqhanakarux lurapkäta uka pachparak Diosax jumanakampix lurani”.

Lucas 6:38 Jak'a apnaqawi uñst'ayäwi

2 Samuel 19:36

Nayajj reyirojj aca Jordán jawira maqhatañapcamaquiw compañt'äjja, ¿ucatti reyejj uca jach'a cancaña nayar churañ munitani?

Ester (hebreo) 7:10

Uqhamaw Amán chacharojj warccatapjjäna, cawquïr jaychcatañtejj Mardoqueotaqui waquichaycäna ucaru. Uqham lurayasinwa reyejj colerapa apjtayasïna.

Ester (hebreo) 9:25

Ucampis cunapachatejj Ester reynajj reyin ucaru uñstcäna ucqhajja, jupasti mä carta tokew mayïna Amán chachajj cuna jan wali lurañanactejj judionac toke luraña amtcatayna uca jan walinacajja jupjjaruw jutäna. Uqhamatwa Amán chachampi, wawanacapampejj jaychcatasina warccatatänjja.

Job 42:11

Ucatsti take jilanacapawa jupar uñjirejj sarapjjäna, uqhamaraqui cullacanacapasa, amigonacapasa, nayra tiempo uñt'ata jakenacasa, ucatsti utapanjja mä jach'a mank'äwi lurapjjaraquïna. Job chachan take t'akhesitanacapatsti chuymachapjjänwa, cuna t'akhesiñanactejj Tatitojj jupjjaru apayancatayna take ucanacata; jupanacatsti sapa mayniraquiwa mä kawkha kollke churapjjäna, uqhamaraqui mä kori anillompi cuna.

Salmos 79:12

Tatay, marca masinacajjarojj pakallk cutimp cutiyam, jumar jan walinac luratapata.

Éxodo 21:24

nayratjja nayraraqui, lacatjja lacaraqui, amparatjja amparampiraqui, cayutjja cayumpiraqui,

Proverbios 10:22

Tatitun bendicionapawa kamiriptayi; janiw cuna llaquisiñsa ucampi chicajj apayanquiti.

Proverbios 19:17

Mä pobre jaker mayt'irejj Tatituruw mayt'asqui, ucatsti Tatit pachpawa uca manjja phokjjani.

Proverbios 22:9

Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Jeremías 32:18

Jumasti jakenacarojj qhuyapayasiñamjja wawanacapan wawanacaparuraquiw uñacht'aytajja, uqhamaraquiwa jakenacarus mutuyaractawa awquinacapan juchanacapatjja. ¡Jach'a ch'amani Dios, sutimajj Take Ch'amani Dios satawa!

Mateo 10:42

Qhititejj aca jisc'anacat mayniru mä vaso ch'uch'u umacsa wajjt'anejja nayar arcatap laycu ucajja, chekapuniw uqham luratapat churäwi catokani.”

Mateo 7:2

Cunjämtï jumanacajj jake masimarojj juchañchapctas uqhamaracwa Diosajj jumanacarojj juchañchapjjätam; cunjämtejj jumanacajj jakenacar lurapcäta uqhamaracwa jumanacarojj Diosajj lurapjjätam.

Marcos 4:24

Ucjjarusti sascaquïnwa: —Cuntejj ist'apctas ucatjja amuyt'asipjjam. Cuna tupumpitejj mayninacar tupt'apcätajja uca tupumpiraquiw jumanacarojj tupt'atäni. Ist'apctas ucanacarojj ucat juc'amp yapjjatatäniwa.

Lucas 6:30

Churam qhititejj mayctam ucarojja; qhititejj jumanquir apakstam ucarojj jan camsamsa.

Deuteronomio 15:10

Jumasti yanapt'añamapuniwa suma munasiñ chuymampi, Tatitu Diosamasti uca luratamatjja bendicïtamwa take luräwinacamanjja.

Santiago 2:13

Qhitinacatejj jan qhuyapt'ayasis mayniru uñjapjjchejja, jan qhuyapt'ayasiñampi juchañchataraquïniwa, ucampis qhuyapayasirinacajja taripäwi urunjja take cuna atipjasaw mistupjjani.

Jueces 1:7

Ucatsti Adonisedec chachajj saraquïnwa: “Nayrasti nayajja pakallko tunca reyinacaruwa amparanacatsa, cayunacatsa tayca luc'ananaca qhuchhurta, ucatsti mesajja manqhatwa jilt'a t'ant'a t'unanaca pallasiyta. Jichhasti Diosajj nayarojj cunjämtejj jupanacaru lurcäyäta uqhamaracwa lurayaraquitu” sasa. Ucatsti Jerusalén marcaruw apjjapjjäna, ucanwa jiwjjänjja.