Lucas 5:26 - Qullan Arunaca

²⁶ Takeniraquiw wali sustjatäpjjäna, Diosarusti yupaychapjjaraquïnwa, ucatsti wali ajjsart'asaraquiw sapjjäna: —Jichhürojj wali muspharañanacwa uñjtanjja —sasa.

Aymar Bibliia 1986

²⁶ Takeniraquiw wali sustjatäpjjäna, Diosarusti yupaychapjjaraquïnwa, ucatsti wali ajjsart'asaraquiw sapjjäna: —Jichhürojj wali muspharañanacwa uñjtanjja —sasa.

Qullan Arunaka DC

²⁶ Uk uñjasinsti, taqiniw muspharat uñjasipxäna, Diosaruw yupaychapxarakïna, ukatsti wali axsart'asaw sapxäna: —Jichhürux wali muspharañanakpun uñjtanxa —sasa.

Lucas 5:26 Jak'a apnaqawi uñst'ayäwi

Jeremías 33:9

Jerusalenasti nayataquejj cusiscañäniwa, sumana uñjata, jach'achataraqui take marcanac nayrakatana aca orakenjja. Cunapachatejj jupanacajj ist'apjjani, cuna asquinactejj Jerusalenanquir jakenacjjaru apancä uqhamaraqui jach'aptañanacsa, churcäjja ucapachan uca yakha marcanacajj ajjsarañat qhathatipjjani.”

Oseas 3:5

Uca khepatsti israelitanacajj cuttanjjapjjaniwa, ucatsti Tatit Diosaparuraquiw thakapjjani, uqhamarac David reyiparusa. Khepa urunacansti alt'at chuymampiw Tatiturojj jac'achasipjjani, uqhamarac cuna asquinactejj jupajj churqui ucanacarusa.

Mateo 12:23

Take jakeraquiw cusisiñat wali muspharatäpjjäna, ucat sapjjaraquïna: “¿Acasti Davidan wawapäspati?” sasa.

Mateo 28:8

Warminacasti uc ist'asinjja janc'aquiw sepulturat sarjjapjjäna, wali sustjata ucampis cusisitaraqui. Jalapjjaraquïnwa cunatejj pascatayna uca discipulonacapar yatiyañataqui.

Mateo 9:8

Cunapachatejj jakenacajj uc uñjapcän ucqhajja wali ajjsarapjjäna, Diosarusti yupaychapjjaraquïnwa, uqham jakenacaru ch'ama churatapata.

Marcos 2:12

Suchu jakesti ucspachaw sartasin iquiñap apthapisi, ucatsti taken uñjcataraquiw mistuwayi. Uc uñjasinsti takeniw muspharapjjäna, Diosaruw yupaychapjjaraquïna: —Janipuniw cunapachas aqhamjja uñjirïctanti —sasa.

Lucas 1:65

Ucatsti take uta jac'apanquirinacajj wali ajjsarthapipjjäna, uqhamaraqui take uca Judea token utjirinacasa, takeniw yatipjjäna cunatï pascän ucjjata.

Lucas 5:8

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Lucas 8:37

Uc yatisinsti Gadara ucsan utjiri take jakew Jesusarojj achict'apjjäna: “Acat sarjjaquim” sasa, jupanacan wal ajjsarapjjatap laycu. Ucatwa Jesusajj boteru mantasin sarawayjjäna.

Hechos 4:21

Ucatsti jilïrinacajj ajjsarañanac churasawa qhitanucjjapjje. Marcar ajjsarasinsti janiw cunjämats mutuyañjamäcänti, takeni Diosar yupaychapjjatap laycu cunatejj lurascatayna ucata.

Gálatas 1:24

Nayatjja Diosarojj yupaychapjjaraquïnwa.