Lucas 22:42 - Qullan Arunaca

⁴² Saraquïnwa: “Awquejja, munsta ucajja, aca t'akhesiñatjja khespiyita; ucampis jan munañajja luratäpati, jan ucasti juman munañamac luraspan” sasa.

Aymar Bibliia 1986

⁴² Saraquïnwa: “Awquejja, munsta ucajja, aca t'akhesiñatjja khespiyita; ucampis jan munañajja luratäpati, jan ucasti juman munañamac luraspan” sasa.

Qullan Arunaka DC

⁴² Sarakïnwa: “Awkixay, munsta ukax, aka t'aqhisiñat qhispiyita; ukampis jan munañaxax luratäpati, jan ukasti juman munañamak luraspan” sasa.

Lucas 22:42 Jak'a apnaqawi uñst'ayäwi

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Isaías 51:17

Sartasim, sartasim, Jerusalén, sayt'asim. Jumaw Tatitun colerasiñapatjja t'akhestajja, cunjämtejj maynejj mä copa umt'asajj tak umsusajja machjasejja, uqhama.

Isaías 51:22

Tatitu Diosamajja, qhititejj marcaparu arjjatqui ucajj siwa: “Uca copa amparamat asakäma, cunampitejj jumajj machjascta uca; janiw jichhajj juc'ampi nayan colerasiñ copatjja umcjjätati.

Jeremías 25:15

Israelan Tatitu Diosapasti saraquituwa: “Uñjam aca copajja colerasiñajjampejj vinompi phokhantatjamawa. Jichhajj catum ucatsti cawquïri marcanacarutejj nayajj qhitcäma ucanacaru churam umantapjjañapataqui.

Mateo 11:25

Ucapachajj Jesusajj saraquïnwa: “Yupaychsmawa, Awquejja, munañaniraquïtawa alajjpachansa acapachansa. Jumawa yatiñ cancañ imanttajja wali yatiñan jakenacatjja; ucatsti juc'a yatiñan jakenacaruw uñacht'aytajja.

Mateo 11:26

Jïs, Tata, uqhamwa jumajj muntajja.

Mateo 20:22

Jesusasti ucjjarojj saraquïnwa: —Jumanacajj janiw yatipctati cuntejj mayipctas ucjja. ¿Cawquïr c'allc'u umtejj umt'cä ucjja umt'apjjasmati ucs catokapjjaraquismati? Jupanacasti sapjjänwa: —Lurapjjeristwa —sasa.

Mateo 26:39

Jesusasti juc'ampi nayrakatar sarasinwa, quillt'asisin Diosarojj mayïna aqham sasa: “Awquejjay, waquischi ucajja, aca t'akhesiñatjja khespiyita, ucampis jan nayan munañajjäpati jan ucasti juman munañamäpan” sasa.

Mateo 26:42

Wasitat sararaquiquïnwa, ucatsti aqham sasaraquiw mayisïna “Awquejjay, janitejj waquiscchi aca t'akhesiñata jaltañajjajja, ucampis jan nayan munañajjäpati jan ucasti juman munañamäpan.”

Mateo 26:44

Jupanacar jaytawayasinsti wasitat oración luririw sararaquiquïna, ucampejj quimsa cutëjjänwa. Ucansti uca quipca arunacampiraquiw mayisiraquïna.

Mateo 6:10

Munañamampisti apnakapjjeta. Munañamasti luratäpan acapachanjja, cunjämatï alajjpachana luratäqui uqhama.

Marcos 14:36

Ucatsti oracionapanjja sascaquïnwa: “Awquejjay, jumajj take cun lurañataquiw ch'amanïtajja. Aca c'allc'u um umt'añajjsa apakt'asitaya. Ucampis jan nayan munañajjäpati, ucatsipan juman munañamarjam luraspan” sasa.

Lucas 23:34

Ch'accatasipcän ucqhajj [Jesusajj sänwa: —Awquejja, perdonam, jupanacajj janiw cuna luratanacaps yatipquiti —sasa.] Soldadonacasti suerte jaktapjjäna Jesusan isip jupanaccam jaljasiñataqui.

Juan 18:11

Jesusasti uc uñjasinjja Pedrorojj sänwa: —Espadjja imañaparu uscum. Awquejjajj cuntï t'akhesiñ churquitu ucjja ¿janit t'akhesiñajjäquejja? —sasa.

Juan 4:34

Jesusasti jupanacarojj saraquïnwa: —Nayan mank'ajjajj qhititejj qhitanquitu ucan munañapa, uqhamarac lurañapa phokhañajjawa.

Juan 5:30

“Naya pachpatjja janiw cuns lurquiristti. Nayajj juchañchtwa cuntï Awquejjajj sisquitu uqhamarjama, juchañchañajjasti chekawa. Janiw nayajj munañajjarjama lurañ muncti, jan ucasti Awquejjajj qhitanquitu ucan munañaparjamaw lurta.

Juan 6:38

Nayasti janiw alajjpachat munañajj lurasir jutcti, jan ucasti qhitanquitu ucan munañap luririw jutta.

Hechos 21:14

Jan cunjämat jarc'añjamïpansti nanacajj sapjjtwa: —Tatitun munañapac lurasjjpan —sasa.