Lucas 22:42 - Qullan Arunaka DC

⁴² Sarakïnwa: “Awkixay, munsta ukax, aka t'aqhisiñat qhispiyita; ukampis jan munañaxax luratäpati, jan ukasti juman munañamak luraspan” sasa.

Aymar Bibliia 1986

⁴² Saraquïnwa: “Awquejja, munsta ucajja, aca t'akhesiñatjja khespiyita; ucampis jan munañajja luratäpati, jan ucasti juman munañamac luraspan” sasa.

Qullan Arunaca

⁴² Saraquïnwa: “Awquejja, munsta ucajja, aca t'akhesiñatjja khespiyita; ucampis jan munañajja luratäpati, jan ucasti juman munañamac luraspan” sasa.

Lucas 22:42 Jak'a apnaqawi uñst'ayäwi

Salmos 40:8

8 (9) Dios Tatituxay, munañam lurañaw kusisiyitu; ¡yatichäwinakamax chuymaxankiwa!

Isaías 51:17

Jerusalén marka, sartasim, Jerusalén marka, sayt'asim, jumaw Tatitun phiñasitapat t'aqhistaxa, walpin t'aqhistaxa, jan sayt'kiriw uñjasiraktaxa.

Isaías 51:22

Tatitu Diosama, khititix markaparu arxatki ukax siwa: “Phiñasiñaxanxa, walpin jumanakarux mutuyapxsma, uraqiruw q'al liwnuqapxsma; ukampis jichhax janiw mayampsa mutuykxapxämati.

Jeremías 25:15

Israelan Tatitu Diosapasti sarakituwa: “Jeremías, amparaxankki uka qirux phiñasiñaxampix vinompi phuqhantatjamawa. Jichhax jum katxarum ukatsti kawkïr markanakarutix nayax khitkäma ukanakar umarayanim.

Mateo 11:25

Ukapachaw Jesusax sarakïna: “Yupaychsmaw Awkixa, jumaw alaxpacha, akapacha apnaqtaxa, jumaw yatiñ kankañ wali yatiñan jaqinakat imanttaxa; ukatsti juk'a yatiñan jaqinakaruw uñacht'aytaxa.

Mateo 11:26

Tatay, jumaw ukham muntaxa.”

Mateo 20:22

Jesusasti ukxarux sarakïnwa: —Jumanakax janiw yatipktati kuntix mayipkta ukxa. ¿Kawkïr k'allk'u umtix umt'kä uk umt'apxasmati? Jupanakasti sapxänwa: —Umt'apxiristwa —sasa.

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Mateo 26:42

Wasitat sararakikïnwa, ukatsti akham sasaw mayisïna: “Awkixay, t'aqhisiñaxatix wakisipunchixa, juman munañamax luraspan” sasa.

Mateo 26:44

Jupanakar jaytawayasinsti kimsïr kutiw Diosat mayisir saräna, uka kipka arunakampiw mayisirakïna.

Mateo 6:10

Qhapaq kankañamax nanakar jutpan. Munañamasti akapachan luratäpan, kunjämatix alaxpachan luratäki ukhama.

Marcos 14:36

Mayisïwipanxa akham sasaw arsüna: “Awkixay, jumax taqi kun lurañatakiw ch'amanïtaxa, aka k'allk'u um umt'añaxsa apaqt'asitaya; ukampis jan nayan munañaxäpati, jan ukasti juman munañamarjam luraspan” sasa.

Lucas 23:34

Jesusasti sänwa: “Awkixay, aka jaqinakar pampacham, jupanakasti janiw kuna luratapsa yatipkiti” sasa. Soldadonakasti Jesusan isip jupanakkam jaljasiñatakix suerte jaqtapxäna.

Juan 18:11

Jesusasti uk uñjasin Pedrorux sänwa: —Imañapar espadam uskum. Awkixax kuna t'aqhisiñtix churkitu uk ¿janit t'aqhisiñaxäkisti? —sasa.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 5:30

“Janiw nayax munañaxat kuns lurkiristti. Nayax Awkixan arsutaparjamaw taripta, taripäwixasti chiqawa, janiw nayax munañaxarjam lurañ munkti, jan ukasti khithankitu uka Awkixan munañap lurta.

Juan 6:38

Nayasti janiw alaxpachat munañax lurasir jutkti, jan ukasti, khithankitu uka Awkixan munañap luririw jutta.

Hechos 21:14

Jan kunjämat jupar jark'añjamïpansti, nanakax sapxtwa: —Tatitun munañapak lurasxpan —sasa.