Lucas 22:41 - Qullan Arunaka DC

⁴¹ Ukat Jesusax mä qala jaqt'arjamaw saräna, ukan Diosat mayisiñatakiw killt'asïna.

Aymar Bibliia 1986

⁴¹ Ucat Jesusajj mä kala jakt'arjamaw saräna, ucan orañataquiw quillt'asiraquïna.

Qullan Arunaca

⁴¹ Ucat Jesusajj mä kala jakt'arjamaw saräna, ucan orañataquiw quillt'asiraquïna.

Lucas 22:41 Jak'a apnaqawi uñst'ayäwi

Mateo 26:39

Jesusasti mä juk'a nayraqatar sartasinxa, killt'asisin ajanup uraqkam puriyasaw Diosarux mayisïna akham sasa: “Awkixay, wakischi ukax aka t'aqhisiñ apaqt'ita, ukampis jan nayan munañaxäpati, jan ukasti juman munañamäpan” sasa.

Marcos 14:35

Ukatsti Jesusax jupanakat mä juk'a nayraqataruw saräna, ukansti parap uraqir puriyañkamaw killt'asïna, ukatsti Diosaruw mayisïna, wakisispa ukkhax uka t'aqhisiñ apaqt'añapataki.

Lucas 18:11

Fariseox sayt'asisin Diosat mayisïna, akham sasa: ‘Diosaxay, yuspagarsmawa, nayax janiw yaqhanakjamäkti, lunthatasiri, jan wali jaqi, wachuq juchan sarnaqiri, janirakiw aka qullqi apthapir jaqjamäktsa.

Lucas 18:13

Ukampis qullqi apthapirix jayarukiw qhiparäna, janirakiw alaxpachar uñtañsa munkänti, jan ukasti jupapachaw chuymap liq'isïna, akham sasa: ‘¡Diosaxay, naya juchararat khuyapayasita!’ sasa.

Hechos 20:36

Taqi ukanak arsutatsti Pablox killt'asisaw jupanakamp chika Tatitut mayïna.

Hechos 21:5

Ukampis ukat paqallq ururusti saraskakiñatakiw mistuwayxapxta. Jilatanakasti warminakampi, wawanakampi kunaw nanak chikarak marka anqäxkam sarapxi. Quta thiyar purisinsti killt'asisaw Tatitur mayisipxta.

Hechos 7:60

Killt'asisinsti, jach'at art'äna: “¡Tatay, aka jucha luratat jan jupanakar juchañchamti!” sasa. Ukham arsusin jupax jiwawayxäna.

Hechos 9:40

Pedrosti taqiniruw anqar khitsunïna. Jupasti killt'asisin Diosat mayïna; jiwat warmir uñxatasinsti sarakïnwa: —¡Tabitá, sartam! —sasa. Ukspachaw warmix uñatatäna, Pedror uñkatasinsti, qunt'asïnwa.

Hebreos 5:7

Kunapachatix Cristox aka uraqinkaskän ukkhaxa, jupax jach'at arsusa, jacht'asisaw Diosarux achikt'asïna, khititix jiwañat qhispiyañatakix ch'amanïkän juparu; jaysirïtapatsti Diosax juparux ist'änwa.