Lucas 22:19 - Qullan Arunaca

¹⁹ Ucatsti, t'ant'a irtasin Diosar yuspagari; pachjasinsti jupanacaruw churi, ucat saraqui: —Acajj janchejjawa, ucasti jumanac laycu catuyatäniwa. Acjja nayat amtasisin lurapjjam.

Aymar Bibliia 1986

¹⁹ Ucatsti, t'ant'a irtasin Diosar yuspagari; pachjasinsti jupanacaruw churi, ucat saraqui: —Acajj janchejjawa, ucasti jumanac laycu catuyatäniwa. Acjja nayat amtasisin lurapjjam.

Qullan Arunaka DC

¹⁹ Ukatsti, t'ant'a irtasin Diosaruw yuspagaräna, pachjasinsti jupanakaruw churäna, sarakïnwa: —Akax janchixawa, ukasti jumanak layku jiwayañatak katuyatawa. Uksti nayat amtasisin lurapxam —sasa.

Lucas 22:19 Jak'a apnaqawi uñst'ayäwi

Salmos 111:4

amtascay muspharcañanac jupajj luri. Tatitojj munasiñaniwa, qhuyapayasiriraquiwa:

Cantar de los cantares 1:4

¡Janc'aqui jumamp chica irpita! ¡Oh, rey, utamar irpita! Jumampejj wali cusisitäñäniwa; munasiñamatsti vinot sipansa juc'ampwa amtasiñäni. ¡Ucatpï warminacajj munapjjaractamjja!

Ezequiel 37:11

Ucatsti Tatitojj saraquituwa: “Israel marcajj uca ch'aqhanacjamawa. Jupanacasti aqham sasaw sarnakapjjaraqui: ‘Ch'aqhanacasajj wañantatawa, janiraquiw cuna suyt'añanacapas utjcjjeti, k'ala aynacht'ataraquïtanwa’ sasa.

Ezequiel 5:5

“Naya Tatituw ucjja arsta: Ucäsquiwa Jerusalén marcajja. Nayaw take marcanaca, uqhamaraqui jach'a marcanac taypiru uscta.

Daniel (hebreo) 2:38

cawqha chekanacantejj jakenacajj jacapqui uca chekanacsa jumaruw catuyaractamjja, animalanacsa, jamach'inacsa; jupaw juma, jach'a reyiru, take ucanacjja catuyaractam, juma reyisti uca kori p'ekëtawa.

Mateo 14:19

Ucjjarusti uca pheska t'ant'ampi pä chawllampi catusinjja, alajjpach uñtasinwa Diosar yuspagaräna. T'ant'a pachjasinsti discipulonacaparuw laquintäna, ucat jupanacasti take jakenacaruw laquintapjjaraquïna.

Mateo 15:36

Uca pakallko t'ant'ampi, chawllanacampi catusinjja, alajjpach uñtasinwa Diosarojj yuspagaräna. T'ant'a pachjasinsti discipulonacaparuw laquintäna, jupanacasti take jakenacaruraquiw churaraquïna.

Lucas 22:17

Ucatwa amparapampi mä copa astasin Diosar yuspagari, ucat saraqui: —Ac catokapjjam, ucatsti jumanaccama jaljasipjjam.

Lucas 22:20

Copa astasinjja uca pachparac luraraqui, mank'añ tucuyatatjja, saraquiwa: —Aca copajj machak arust'äwiwa wilajj toke, acasti jumanacan asquimataquiw wartasi.

Lucas 24:30

Cunapachatï mesan jupanacamp chica kont'ascäna ucqhajja, t'ant'a irtasin Diosaruw yuspagaräna, pachjasinsti jupanacaruw churäna.

Juan 6:23

Ucchañcamasti yakha botenacaw Tiberias marcatjja purini, cawqhantejj Tatitojj yuspagarcäna, uqhamarac jupanacajj t'ant'a mank'apcänjja ucawjaru.

Juan 6:51

Nayätwa alajjpachat sarakanir jacañ churir t'ant'ajja. Qhititejj aca t'ant'at mank'cani ucajja wiñayataquiw jacani. Naya churcä uca t'ant'ajja nayan janchejjawa; ucsti churäwa acapachajj jacañanïñapataqui —sasa.

1 Corintios 10:16

Cunapachatï bendicita copat umctan Diosar yuspagarasina ucqhajja, Criston wilapan mayaquïtaswa uñacht'aytan. Cunapachatï t'ant'a pachjtan ucqhajja, Criston cuerpopan mayaquïtas uñacht'ayaractan.

1 Corintios 10:4

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Gálatas 1:4

Jupasti jacañap apt'asi juchanacas laycu, aca jan wali jacañat jiwasanacaru khespiyañataqui, Dios Awquisan munañaparjama.

Gálatas 4:25

Agar warmejja Arabianquiri Sinaí kolluruw uñtasi, acajj jichhüru Jerusalenäquis ucawa, niyaquejjay aca marcajj esclavo tucuyatächejja wawanacapamp chica.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

1 Tesalonicenses 5:18

Take cunatsa Diosar yuspagarapjjam, Diosasti jumanacatjja uqhamwa muni, Cristo Jesusan iyawsirinacapjamajja.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.