Lucas 14:13 - Qullan Arunaca

¹³ Uqham mä fiesta lurcät ucqhajja: pobrenacaru, manconacaru, cojonacaru, juyqhunacaru jawsayam;

Aymar Bibliia 1986

¹³ Uqham mä fiesta lurcät ucqhajja: pobrenacaru, manconacaru, cojonacaru, juyqhunacaru jawsayam;

Qullan Arunaka DC

¹³ Manq'añ wakichaykäta ukkhasti, jan kunaninakaru, suchunakaru, kayu usutanakaru, juykhunakar jawsayam;

Lucas 14:13 Jak'a apnaqawi uñst'ayäwi

2 Samuel 6:19

Ucana take israelitanacajj tantacht'atäpcän ucanacaru, chacharu, warmiru, t'ant'a churaraquïna, dátiles sata ucat lurat tortampi, maynïri tortasti waña uvanacat lurataraquïnwa. Take ucanaca pasatatsti utanacaparuw cuttawayjjapjjäna.

2 Crónicas 30:24

Ezequías Judá oraken reyipajj tantachata jakenacarojja churänwa waranka vaca kallunaca, uqhamarac pakallk waranka ovejanaca, ucatsti jilïrinacajja chuymapatjamwa jakenacarojj churapjjaraquïna waranka vaca kallunaca, tunca waranka ovejanaca. Walja sacerdotenacawa k'omachasipjjäna.

Nehemías 8:10

Ucjjarojj Esdras chachajj sänwa: “Sarjjapjjam, mank'asinipjjam sumïri mank'anaca, umapjjaraquim mojjsa vinonaca, ucatsti churapjjaraquim qhitinacantejj jan mank'añapajj utjqui ucanacaru, jichhürusti Tatitusaru loktatätap laycu. Janiraqui llaquisipjjamti, Tatitusti cusisiñapampiw jiwasar ch'amañchistani” sasa.

Nehemías 8:12

Ucatjja take jakenacawa mank'eri, umiri sarjjapjjäna, uqhamarac mank'apsa mayninacampi jaljasiri, uqhamarac jach'a fiesta luririraqui, jupanacajj amuyt'apjjänwa cuntï jupanacar yatichascäna ucata.

Job 29:13

Qhititejj aynacht'atäcän ucasti nayarojj yuspagaritänwa; yanapatajjasti ijma warminacarojj cusisiyänwa.

Proverbios 14:31

Pobreru t'akhesiyirirojj Diosaruwa jisc'achasqui, ucampis pobrer qhuyapayirejja Tatituruw jach'ar aptasqui.

Proverbios 22:9

Qhititejj mayninacaru qhuyapayasiñamp uñji ucajj bendicitawa, jupan t'ant'a pobrenacaru churatap laycu.

Isaías 58:10

uqhamaraqui jumapacha mank'at awtjatarus mank'ayäta, llact'atarus pist'ayasiñapanjja yanapt'araquïta ucapachajja, khanamajj ch'amacan khantani, ch'iwinacamasti chica uru khanar uñtataw khanani.

Isaías 58:7

mank'at awtjatarusti mank'a churaña, jan utaninacarusti utamaru catokaña, jan isinirojj ist'ayaña, jake masirusti yanapt'añaraqui.

Mateo 15:30

Walja jakenacaraquiw jupan ucarojj jutapjjaraquïna, irpanipjjaraquïnwa juyqhunaca, suchunaca, okaranaca, manconaca, walja usutanacampi. Jesusasti jupanacarojj c'umaraptayänwa.

Mateo 22:10

Uywatanacasti utat mistuwayasinjja callenacaru, sayt'asisinwa jakenacarojj wal jawsthapipjjäna. Wali jan wali cunayman jakenacaw casarasïwirojj jutapjjaraquïna. Casarasirin utapasti jake phokharaquïnwa.

Lucas 11:41

Jumanacajj chuymanacamatay limosnanacamjj churapjjamjja, uqhamanwa takpachajj k'omäjjanejja.

Lucas 14:12

Saraquïnwa jawsayqui uca jakerojj: —Cunapachatï mä mank'añ waquichäta ucqhajja, jan jawsayamti amigomaru, jilanacamarusa, familianacamarusa ni kamir uta jac'amanquirirusa; jupanacajj jawsayapjjaraquïtamwa, uqhamat cutt'ayjjapjjaraquïtam.

Lucas 14:14

jumajj cusisitäyätawa. Jupanacasti janiw jumarojj cuttayapquiristamti; ucampis jumajj asqui jakenacan jacatatäwipanwa catokjjäta —sasa.

Lucas 14:21

Uca uywatasti cuttanjjasinjja ucjj take uywiriparuw yatiyäna. Ucat uywirejj colerasi, uywataparusti saraquiwa: ‘Janc'aqui saram, plazanacat, callenacat irptanim pobrenacaru, manconacaru, cojonacaru, juyqhunacampiru.’

Hechos 9:39

Ucatsti Pedrojj jupanacamp chicaw saräna. Puripansti, cawqhanccäntejj jiwatajj ucaruw irpcatapjjäna. Ijma warminacasti takeniw jacht'asis Pedrorojj muyuntapjje. Cuna isinactejj Dorcas sat warmejj jaccasin lurcatayna ucanacwa uñacht'ayapjjaraquïna.

Deuteronomio 14:29

cunapachatejj levitanacajj jutapjjani, cawquïrinacatejj jan orakenïpqui, uqhamaraqui cawquïri jayat jutiri jakenacatejj jumanac taypin jacapqui, wajchanaca, viudanaca ucanacan sist'asiñcam mank'apjjañapataqui. Uqhamatwa Tatitu Diosamajj bendicipjjätam take cuntejj lurapcäta ucanacana.

Deuteronomio 16:11

Ucatsti uca fiestanacjja lurapjjätawa cawqha chekarutejj Tatitu Diosamajj utjäwipatac ajllisqui uca chekana, take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi, qhitinacatï jumanac taypin jacapqui ucanacampi.

Deuteronomio 16:14

Take wawanacamampi, uywatanacamampi, levitanacampi, yakha marcat jutir jakenacampi, wajchanacampi, viudanacampi uqhamaw uca fiestanjja cusisipjjäta.

1 Timoteo 3:2

Ucatpï cawquïritejj obispöchi ucajja, jan qhitins camscayaw jacañapa. Mä sapa warmini, mä suma jacañan jacañapawa, take amuyt'ampi uqhamarac respetompi. Utapar sart'irinac catokañataquejja waquicht'atäñapawa, yatichañataquis asquïñaparaqui.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

Tito 1:8

Jan ucasti janc'aquïñapawa utapar visitanac catokañataquejja, takerus qhuyapt'ayirïñapawa, suma amuyun jake, asquiraqui, Diosar catuyata, suma yatichataraqui.

Filemón 1:7

Uqhamasti jilata, wali cusisitätwa, ch'amañcht'ataraquïtwa, juman munasiñama utjatapata, uqhamarac juma toke chuymacht'atächi iyawsirinacan chuymapajj uca laycu.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.