Lucas 14:13 - Qullan Arunaka DC

¹³ Manq'añ wakichaykäta ukkhasti, jan kunaninakaru, suchunakaru, kayu usutanakaru, juykhunakar jawsayam;

Aymar Bibliia 1986

¹³ Uqham mä fiesta lurcät ucqhajja: pobrenacaru, manconacaru, cojonacaru, juyqhunacaru jawsayam;

Qullan Arunaca

¹³ Uqham mä fiesta lurcät ucqhajja: pobrenacaru, manconacaru, cojonacaru, juyqhunacaru jawsayam;

Lucas 14:13 Jak'a apnaqawi uñst'ayäwi

2 Samuel 6:19

ukatsti ukan tantachat israelit jaqinakarux, sapa mayni chacharu, warmiru, mä t'ant'kam lakiräna, dátiles achunakat lurat tortampi, waña uvanakat lurat tortampi. Uka qhipatsti taqiniw utanakaparkam kuttawayxapxäna.

2 Crónicas 30:24

Judá uraqin Ezequías reyipax, tantachasipkatayna uka jaqinakarux, waranqa vaca qallunaka, paqallq waranqa ovejanak waxt'äna, jilïrinakasti chuymapatjam jaqinakar churapxarakïna, waranqa vaca qallunaka, tunka waranqa ovejanaka. Walja sacerdotenakaw q'umachasipxäna.

Nehemías 8:10

Esdrasasti ukxarux sänwa: “Sarxapxam, manq'asinipxam sumïri manq'anaka, muxsa vino umasipxarakim, ukatsti khitinakantix manq'añapax jan utjki ukanakar churapxarakim; jichhürux Tatitusar luqtat uruwa. Jan llakisipxamti, Tatitusti kusisiñapampiw ch'amañchistani” sasa.

Nehemías 8:12

Ukatsti markachirinakax taqiniw manq'iri, umiri sarxapxäna, ukhamaraki manq'anakapa mayninakampi jaljasiri, mä jach'a phunchhäwi lurapxarakïna, kuntix jupanakar yatichaskäna ukanakxat amuyt'apxatapata.

Job 29:13

ijma warminakampi, jan kunan jaqinakampix yuspagarapxitänwa, yanapataxasti chuymanakap kusisiyirïna.

Proverbios 14:31

Jan kunan jaqir t'aqhisiyirix Diosaparuw jisk'achaski, pist'añan sarnaqir jaqit khuyapayasiristi Tatituruw jach'ar aptaski.

Proverbios 22:9

Khuyapayasiñampi mayninakar uñjir jaqix askinak katuqani, t'ant'ap jan kunan jaqinakamp jaljt'asitap layku.

Isaías 58:10

manq'at awtjatarus t'ant'am waxt'äta, t'aqhisitanakarus yanapt'arakïta ukapachaxa, ch'amak taypin qhantäta, chika uru qhanar uñtataw qhantäta.

Isaías 58:7

manq'at awtjatarux manq'a churañawa, jan utaninakarusti utamar katuqañawa, jan isinirux ist'ayañawa, jaqi masirusti yanapt'añarakiwa.

Mateo 15:30

Kawkhankkäntix Jesusax ukkharux walja jaqiw tantachasïna. Ukarusti kayu usutanaka, juykhunaka, jan amparaninaka, amutunaka, walja usutanakampi irpanipxäna, Jesusan jak'aparuw irpnuqapxäna, jupasti uka usutanakarux k'umaraptayänwa.

Mateo 22:10

Uywatanakasti thakhinakaruw mistupxäna, qawqhanirutix jikxatapkän ukanakaruw tantacht'apxäna, wali jan wali jaqinakaruw jawsthapipxäna; jaqichasïwi utasti jupanakampiw phuqhantasïna.

Lucas 11:41

Jumanakax chuymanakamatay churäwinakam luqtapxamxa, ukhamat taqpachax q'umäxani.

Lucas 14:12

Jawsayki uka jaqirux sarakïnwa: —Kunapachatix mä manq'añ wakichkäta ukkhaxa, jan jawsayamti uñt'at masinakamarusa, jilanakamarusa, wila masinakamarusa, janirak uta jak'aman qamir jaqinakarusa; jupanakax jawsayxarakïtamwa, ukhamat kutt'ayxapxätam.

Lucas 14:14

jumasti kusisitaw uñjasïta. Jupanakasti janiw kutiyapkätamti, ukampis jumax aski jaqinakan jakatatäwipan churäwim katuqxäta —sasa.

Lucas 14:21

Uywatasti kuttanxasin taqi uk uywiripar yatiyäna. Ukatsti uywirix wal phiñasïna, uywataparux sarakïnwa: ‘Jank'ak saram, plazanakata, marka thakhinakat irptanim jan kunaninakaru, suchunakaru, juykhunakaru, kayu usutanakaru’ sasa.

Hechos 9:39

Ukatsti Pedrox jupanakamp chikaw saräna. Puripansti, pata utaruw irpkatapxäna, Tabitá warmin jiwat janchipax uchatäkän uka utaru; ijma warminakasti taqiniw jacht'asis Pedrorux muyuntapxäna, ukatsti kuna isinaktix Tabitá warmix jakkasin jupanakatak lurkatayna ukanak uñacht'ayapxäna.

Deuteronomio 14:29

Ukhamat jan uraqini levitanakasa, jumanak taypin jakapki uka jayat jutir jaqinakasa, wajchanakasa, ijma warminakasa sist'asiñkam manq'apxañapataki. Aka yatichäwinaktix jaysapxätaxa, Tatit Diosamax taqi luratanakaman aski waxt'äwip churapxätam.

Deuteronomio 16:11

Ukatsti Tatit Diosam nayraqatan uruyapxäta, kawkha chiqarutix jupax sutipan utjäwipatak ajlliski uka chiqana, taqpach wawanakamampi, uywatanakamampi, levitanakampi, yaqha markat jutir jaqinakampi, wajchanakampi, ijmanakampi, khitinakatix jumanak taypin jakapki ukanakamp chika.

Deuteronomio 16:14

Uk uruyasasti, wawanakamampi, uywatanakamampi, levitanakampi, yaqha markat jutir jaqinakampi, wajchanakampi, ijmanakampi, taqi jupanakampiw kusisipxäta.

1 Timoteo 3:2

Uka irpiristi, jan khitinsa kamskay jaqïñapawa, mä sapa warmini, q'uma chuymani, amuyt'ir chuymani, yäqasir chuymani, qurpacht'ir chuymani, yatichañatakis suma wakicht'atäñapawa,

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

Tito 1:8

Jan ukasti, utapar sart'irir katuqañatakix jank'akïñapawa, taqirus khuyapt'ayirïñapawa, suma amuyun jaqi, chiqapa, Tatitur katuyat aski jaqi, suma yatichatarakïñapawa.

Filemón 1:7

Filemón jilata, wali kusisitätwa, ch'amañcht'atarakïtwa, juman yaqhanakar munasitam yatisina, jumaw Tatitun taqi markapankirinakarux chuymachtaxa, ch'amañcharaktaxa.

Hebreos 13:2

Utamar purinipki uka jaqinakar katuqt'añ jan armasipxamti, yaqhipanakasti ukham katuqasax jan yatkasaw angelanakar qurpachapxäna.