Lucas 13:19 - Qullan Arunaca

¹⁹ Mä mostaza jatjamawa cunjämtejj mä jakejj orakeparojj phawanti, mistusinjja jilsuwayi, mä jach'a kokar tucuñcama, uca layminacaparusti jamach'inacajj tapachasipjjewa —sasa.

Aymar Bibliia 1986

¹⁹ Mä mostaza jatjamawa cunjämtejj mä jakejj orakeparojj phawanti, mistusinjja jilsuwayi, mä jach'a kokar tucuñcama, uca layminacaparusti jamach'inacajj tapachasipjjewa —sasa.

Qullan Arunaka DC

¹⁹ Mä mostaza jathar uñtatawa, mä jaqix uraqiparuw uka jatha satanti, ukatsti mä jach'a quqar tukuñkamaw jilsu, uka layminakaparusti jamach'inakax tapachasipxiwa.”

Lucas 13:19 Jak'a apnaqawi uñst'ayäwi

Cantar de los cantares 4:12

Munat cullaquitajjay, jumajj mä suma imat yapjamätawa, mä suma uma jalsjamaraquïtawa;

Cantar de los cantares 4:16

Amstanquir thaya, ¡sartasim! Aynach thaya, ¡thayt'aniraquim! ¡Pankar yapojjar thayt'anim k'aphinacapsti take toker k'aphitatayam! Munatajjay, jutam juman pankar yapumaru, ucatsti suma mojjsa frutanacapa mank'asim.

Cantar de los cantares 6:2

Nayan munatajjajj pankar yapuparuw sarjje, suma k'aphichat pankar yapuparu, tamapa awatisiri, lirio pankaranaca apthapiriraqui.

Cantar de los cantares 8:13

¡Pankaranac taypinquir reina, suma arumjja ist'ayita! ¡Amigonacasasti arumjja ist'añwa munapjje!

Isaías 53:1

¿Qhitirac ist'atasarusti iyawsani? ¿Qhitirurac Tatitusti ch'amapjja uñacht'ayataynasti?

Isaías 53:10

Tatituw juparojj uqham t'akhesiyäna. Niyaquejjay jupajj jucha laycu sacrificiot catuyaschïnjja, jichhajj wali jaya maranacaw jacaraquini; wawanacapsti uñjasiraquiniwa, jupa tokeraquiw Tatitun amtatanacapajj suma phokhasini.

Isaías 58:11

Nayajj jumarojj irpascapunïmawa, wasaransti mank'añjja jilarquir churaraquïma, janchimarusti ch'amañcharaquïmawa, mä suma karpata pankar yapjamaw tucuraquïta, mä uma jalsur uñtataw tucüta, umamasti janiw tucuscaraquiniti.

Isaías 61:11

Cunjämatejj oraketjja alinacajj sartanejja, mä pankar yapun ayrunacajj ch'ichtanejja, uqhamracwa Tatitojj atipjañapjja sartayani, take marcanacasti yupaychaña k'ochunac k'ochupjjani.”

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Jeremías 31:12

“Jutapjjaniwa, ucatsti Sión kollu patan cusisiñat k'ochupjjani, cuna asquinactejj Tatitojj jupanacaru lurcani ucanacatwa cusisipjjaraquini: trigo, vino, aceite, ovejanaca, uqhamaraqui vacanacsa. Suma karpata fruta yapunacar uñtatäpjjaniwa, ch'amanacapasti janiraquiw mayampsa tucuscjjaniti.

Ezequiel 31:6

Uca ramanacarusti alajjpach jamach'inacaw tapanacapa tapachasipjjaraquïna. Montenquir animalanacaraquiwa uca koka c'uchunacan wawachasipjjaraquïnjja. Ch'iwinacap c'uchunacansti walja marcanacaw jacapjjaraquïnjja.

Daniel (hebreo) 4:12

Laphinacapas wali sumaraquïnwa, achunacapasa waliraqui, take jakenacaru mank'ayañataquisa phokt'ataraqui. Pampanquir animalanacasti uca kokan ch'iwiparuw jutapjjäna; jamach'inacas layminacaparuw tapachasipjjäna, take acapachasti uca kokatwa jacapjjäna.

Daniel (hebreo) 4:21

suma laphinacani, achunacapas waljaraqui, take jakenacaru mank'ayañatacjama, pampanquiri animalanacas uca kokan ch'iwiparu jutapjjäna, uqhamaraqui layminacaparu jamach'inacasa tapachasipjjäna;

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Mateo 17:20

Jesusasti jupanacarojj sänwa: —Jumanacan iyawsañamajj wali pisiwa. Khanacwa sapjjsma, jumanacantejj iyawsañamajj utjaspa mä mostaz jatha ucch'aquisa, aca kollurojj: ‘Sartam acawjata, yakha chekaru’ sapjjasmawa, ucat uca kollusti yakhawjaruw sartaspa. Janiw cunas ch'amäcaspati, jumanacantejj iyawsañajj utjaspa ucajja.

Marcos 4:30

Jesusasti saraquïnwa: “¿Cunar uñtasitas Diosan reinopajja? Jan ucajj ¿cuna uñtasïwimpich chicayañäni?

Lucas 17:6

Tatitusti jupanacarojj saraquïnwa: —Iyawsañanacamatejj utjaspajja, mä mostaz jatjamaquisa, ucat aca sicómoro kokarojj sapjjasmajja: ‘Acat liwstam, ucat kotar ayruntasim’ sasa, uca kokasti jaysapjjeristamwa.

Hechos 2:41

Qhitinacatejj Pedron arunacapar ist'asinjja jaysapcän ucanacajja, Diosaruw cutiquipstanjjapjjäna bautisasisina. Ucürusti mä quimsa warank jakenacjamaw iyawsirinacarojj yapjjattäna.

Hechos 21:20

Ucanac ist'asinsti jupanacajj Diosaruw wal yuspagarapjjäna. Pablorusti sapjjaraquïnwa: —Waliquiw jilata, ucampis jumajj yattawa judionacatjja walja warank jakenacan iyawsapjjatapa. Take jupanacasti, ‘Moisesan leyinacapajj phokhañapapuniwa’ sapjjänwa.

Hechos 4:4

Ucampis waljaniw Diosan arunacap ist'irinacatjja iyawsapjjäna. Takpach iyawsirinacasti chachanaccamaquiw mä pheska warankjamäna.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.