Lucas 13:19 - Qullan Arunaka DC

¹⁹ Mä mostaza jathar uñtatawa, mä jaqix uraqiparuw uka jatha satanti, ukatsti mä jach'a quqar tukuñkamaw jilsu, uka layminakaparusti jamach'inakax tapachasipxiwa.”

Aymar Bibliia 1986

¹⁹ Mä mostaza jatjamawa cunjämtejj mä jakejj orakeparojj phawanti, mistusinjja jilsuwayi, mä jach'a kokar tucuñcama, uca layminacaparusti jamach'inacajj tapachasipjjewa —sasa.

Qullan Arunaca

¹⁹ Mä mostaza jatjamawa cunjämtejj mä jakejj orakeparojj phawanti, mistusinjja jilsuwayi, mä jach'a kokar tucuñcama, uca layminacaparusti jamach'inacajj tapachasipjjewa —sasa.

Lucas 13:19 Jak'a apnaqawi uñst'ayäwi

Cantar de los cantares 4:12

Jumax kullakitay, nayan munasitaxay, suma uyuchrantat panqar yapütawa, chimpuntat uma jalsütawa;

Cantar de los cantares 4:16

Amsta thaya, ¡sartasim! Aynach thaya, ¡aksar thayt'anim! ¡Panqar yapuxar thayt'anipxam, suma q'aphinakap taqi tuqir phusanukupxam! Munasitaxay, panqar yapumar jutam, suma muxsa achunakap manq'asim.

Cantar de los cantares 6:2

Munasitaxax panqar yapuparuw sari, suma q'apkir panqar yapuparu, uywa tamap awatiri, rosa panqaranak apthapiri.

Cantar de los cantares 8:13

¡Panqar yapunakan reinapa, arsutam ist'ayita! ¡Jilat masinakasax arsutam ist'añ munapxi!

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Isaías 58:11

Nayax jumarux irpaskapunïmawa, wasaranxa manq'añ jilarkir churäma, janchimarusti ch'amañcharakïmawa, suma qarpata panqar yapjamaw tuküta, uma jalsur uman phuqt'ataw tukurakïta.

Isaías 61:11

Kunjämatix uraqit alinakax sartanixa, mä panqar yapun ayrunakax ch'ichtanixa, ukhamarak Tatitux atipjañap sartayani, taqi markanakasti yupaychañ q'uchunak q'uchupxani.

Isaías 9:7

7 (6) Davidan qunuñapan qunt'asini; aka uraqpach apnaqani, samarañapasti jan tukuskayäniwa. Jupan apnaqäwipax suma utjnuqatäniwa, kunatix chiqapar uñjañäki, askïkaraki ukanakxar utt'ayatäniwa, jichhürut qalltasina wiñaykama. Taqi akanaksti Tatitun jach'a munasiñapaw lurani.

Jeremías 31:12

“Jerusalén markar purinisinsti, kusisiñat q'uchupxani, Tatitut katuqapkani uka askinakat kusisipxani: trigo, vino, aceite, ovejanaka, vacanaka, taqi ukanakata. Suma qarpata muxsa achunak churir yapjamäxaniwa, janirakiw ch'amapas tukuskxaniti.

Ezequiel 31:6

Markanakasti jumat yanap mayiriw jutapxäna; jamach'inakar uñtataw layminakamarux tapanakap tapachasipxäna, ch'uminkir animalanakjamaw quqa kayunakam ch'iwipar jutapxäna.

Daniel (hebreo) 4:12

12 (9) Laphinakapax wali sumänwa, achunakapas waljapunïnwa, taqi jaqinakar manq'ayañatakiw utjarakïna. Pampankir laq'unakax uka quqan ch'iwiparuw ch'iwicht'asir jutapxäna; jamach'inakas layminakapan tapachasipxäna, taqi akapachan jakirinakax uka quqan achunakapat manq'asipxäna.

Daniel (hebreo) 4:21

21 (18) suma laphinakani, achunakapas waljaraki, taqi jaqinakar manq'ayañatakjama, pampankir laq'unakas uka quqan ch'iwipar jutapkäna, jamach'inakas layminakapar tapachasipkarakïna;

Zacarías 2:11

11 (15) Kunapachatix ukhamäni ukkhaxa, walja markanakaw Tatituru jaqkattapxani. Jupasti sarakiniwa: “Aka markanakasti nayan markaxarakïniwa. Nayasti ukkhax jumanak taypin jakarakï” sasa. Ukhamat jumanakax amuyapxäta taqi ch'amani Tatitun nayar khithanitapa.

Mateo 17:20

Jesusasti jupanakarux sänwa: —Pisi iyawsañanïpxatam laykuwa. Qhanak sapxsma, mä jisk'a mostaza jatha ukch'akis iyawsañanakamax utjaspaxa, aka qullurux: ‘Akawjat yaqha chiqar jittam’ sapxasmawa, qullusti yaqhawjaruw jittaspa. Janiw kunas jumanakatakix ch'amäkaspati.

Marcos 4:30

Jesusasti saskakiwa: “¿Kunar uñtasitas Diosan qhapaq markapaxa? Jan ukax ¿kuna uñtasïwimpich qhanañchsnaxa?

Lucas 17:6

Tatitusti jupanakarux sarakïnwa: —Iyawsañanakamatix mostaza jatha ukch'aki utjaspaxa, aka quqarux sapxasmawa: ‘Akat liwstam, ukat qutar ayruntasim’ sasa, uka quqasti jaysapxiristamwa.

Hechos 2:41

Ukatsti, Pedron arunakapar ist'asin jaysirinakax, bautismo katuqapxäna; ukürusti niya kimsa waranqa jaqinakaw iyawsirinakarux yapxattäna.

Hechos 21:20

Ukanak ist'asinsti jupanakax Diosaruw wal yuspagarapxäna. Pablorusti sapxänwa: —Walikiw jilata, walja judío jaqinakaw Jesusar iyawsapxi, jumax niy uñjtawa. Ukampis taqi jupanakax sapxiwa: “Moisesan kamachinakap phuqhañax wakisiskakiwa” sasa.

Hechos 4:4

Ukampis Diosan arunakap ist'irinakat waljaniw iyawsapxäna; iyawsirinakasti chachanakkamaki jakhutax niya phisqa waranqanïnwa.

Romanos 15:19

jach'a ch'aman unañchäwinak tuqi, muspharkañ luräwinakap tuqi, Diosan Qullan Ajayun ch'amap tuqiraki. Ukhamat Criston suma yatiyäwi arunakap arsuñ phuqta, Jerusalenat qalltasa Iliria chiqanakkama.

Apocalipsis 11:15

Paqallqür angelasti trompetap phust'äna, ukatsti alaxpachan jach'at art'asir arunakaw ist'asïna: “Akapach markanakax Tatit Cristosaruw jaqkattxapxi, jichhax jupaw wiñayan wiñayapatak marka apnaqani” sasa.