Lucas 13:1 - Qullan Arunaca

¹ Uca quicpa horasanraqui yakhepanacajj jac'achasisin Jesusarojj yatiyapjjäna, cunjämtï Pilatojj Galileanjj mä kawkha jakenacjja jiwayatayna, cunapachatï sacrificio loktasipcäna ucqha. Pilatosti uca animalanacan wilapampi, uca jakenacan wilapampwa quittäna.

Aymar Bibliia 1986

¹ Uca quicpa horasanraqui yakhepanacajj jac'achasisin Jesusarojj yatiyapjjäna, cunjämtï Pilatojj Galileanjj mä kawkha jakenacjja jiwayatayna, cunapachatï sacrificio loktasipcäna ucqha. Pilatosti uca animalanacan wilapampi, uca jakenacan wilapampwa quittäna.

Qullan Arunaka DC

¹ Uka urunakansti yaqhip jaqinakax, Jesusar yatiyiriw jutapxäna, kunjämtix Pilatox Galileankir mä qawqha jaqinakar jiwarayañatak khitkatayna, kunapachatix jupanakax Tatitun utapan wilañcha Diosar luqtasipkän ukkha.

Lucas 13:1 Jak'a apnaqawi uñst'ayäwi

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Mateo 27:1

Cunapachatejj niya khanjtanjjän ucqhajja, takpach judionacan jilïrinacapaw amtapjjäna, sacerdotenacan jilïrinacapampi, chuymani jilïrinacampi Jesusar jiwayañataqui.

Mateo 27:2

Juparusti ñach'antatwa apapjjäna Poncio Pilaton ucarojja.

Hechos 1:11

Uca chachanacasti Jesusan apostolonacaparojj sänwa: —Galileanquir jakenaca, ¿cunats alajjpachar uñch'uquisipcta? Cunjämtejj jumanac taypit Jesusar alajjpachar maqhatquir uñjapctajja, uqhamaraquiw jupajj wasitat cutt'anini —sasa.

Hechos 2:7

Uqham muspharat jicjjatasisinsti, sapjjaraquïnwa: —Uñjapjjam. ¿Janit take aca parlirinacajj Galileanquir jakenacäpquejja?

Hechos 5:37

Uca khepatsti, censo urunacanjja, Galileanquir Judas sataraquiw sartäna. Juparusti waljaniraquiw arcapjjäna. Ucampis juparojj jiwayapjjaraquiquïnwa, jupan arquirinacapasti aywinucjjapjjaraquïnwa.