Lucas 10:31 - Qullan Arunaca

³¹ Uqhamaruw mä sacerdotejj uca thac cheka sarascäna, ucampis uc uñjasinjja mays muyt'awayäna.

Aymar Bibliia 1986

³¹ Uqhamaruw mä sacerdotejj uca thac cheka sarascäna, ucampis uc uñjasinjja mays muyt'awayäna.

Qullan Arunaka DC

³¹ Uka kipka thakhinjam mä sacerdotew saraskäna, uka jaqir uñjasasti maysa tuqi muyt'awayäna.

Lucas 10:31 Jak'a apnaqawi uñst'ayäwi

2 Samuel 1:6

Uca uywatasti saraquïnwa: —Nayajj Gilboa kolluncascäyätwa. Uqhamaruw Saúl reyirojj pachpa lanzapjjaru liwjjattir uñjta, uqhamaraqui enemigon nuwasiña carronacapasa, caballeriapasa jac'achasiniraquïnwa niya jicjjatañatacjama.

Salmos 142:4

Cupi tokeruw uñtasta, janiw qhitis yanapt'ir jutquituti. Janiw qhitis arjjatir utjquituti. Janiw qhitis nayat llaquirejj utjquiti.

Salmos 69:20

Jaken toketanacapajj chuymajjaruw t'unanti, jan ch'amanipuniw uñjasta. Qhuyapayasiñ suyta, ucasti janiw jicjjatayasquituti, chuymachirinac suyta, jupanacarusti janiw jicjjatcti.

Proverbios 21:13

Qhititejj pobrenacan yanap mayitapar jan ist'cani ucarojja, janiraquiw ist'atäcaniti cunapachatï jupajj yanapa maycani ucqhajja.

Eclesiastés 9:11

Aca orakenjja yakhampwa uñjta, t'ijuñanjja janiw wali t'ijurinacapuniti atipt'apquejja, jan ajjsaririnacapunisa nuwasïwina atipjapquejja; janiw yatiñanïpqui ucanacapuniti t'ant'anïpquejja, ch'iqhinacapuniti kamirïpquejja, suma yatichatanacapunisa suma catokatäpquejja; jan ucasti horasajj jan walt'añajj takeniruw puri.

Isaías 58:7

mank'at awtjatarusti mank'a churaña, jan utaninacarusti utamaru catokaña, jan isinirojj ist'ayaña, jake masirusti yanapt'añaraqui.

Jeremías 5:31

Cuntejj profetanacajj yatiyapjje ucajj c'ariwa; sacerdotenacasti munañanacaparuw apnakapjjaraqui, ¡marcajjasti uqhamwa munaraqui! Ucampisa ¿cunsa lurapjjäta tucuya urojj purincan ucqhajja?’ ”

Oseas 5:1

“Sacerdotenaca, ist'apjjam aca arunaca; Israel marca, ist'apjjam jumanacasa; jumanaca, reyin utapan utjirinacasa ist'apjjaraquim: Taripäwisti jumanac conträniwa, jumanacajj Mizpanjja mä sipitjama uchatäpjjäyätawa ucata, uqhamarac Tabo kollu patansti mä känaru uñtata jant'acutäpjjaraquïyätawa,

Oseas 6:9

Sacerdotenacajj lunthatcamaquïpjjewa, jaket lunthatañac uñch'uquisipqui; jake jiwayapjje, cunayman jan walinacraqui lurapjje Siquem thaquinjja.

Malaquías 1:10

Take ch'amani Diosasti siwa: “Walïspawa cawquïrisa jumanacata templojjan puncupa jist'antaspa, uqhamata jan inamayataqui altarajjan ninapa aktayir sarañanacamataqui. Janiw jumanacataqui chuymajjajj utjquituti, janiraquiw ofrendanacamsa catokcaraquïti.

Lucas 10:30

Ucjjaruw Jesusajj saraqui: —Mä jakew Jerusalenat thaquinjam Jericó marcaru sarakasincäna, ucatsti juparojj lunthatanacaw jaljjatasin k'al isipamppacha lluch'suwayapjjäna, uqhamarac nuwjapjjäna ucatsti niya jiwatjam liwinucuwayasinwa sarjjapjjäna.

Lucas 10:32

Uqhamaraquiw mä levitajj uca chek sarascaraquïna. Ucasti uñjasinjja mays muyt'awayaraquiquïna.

Rut 2:3

Uqhamaw Rut warmejj pampar saräna; yawthapirinacajj jalaktayapcäna uca cebada puyanac apthapisaw arcäna. Uca yapusti Booz chachancänwa, jupasti Elimelec chachan familiaparaquïnwa.