Lucas 10:15 - Qullan Arunaca

¹⁵ Jumasti, Capernaum marca, ¿amuyastati alajjpachcam aptatäña? ¡Mic'aya mankhacama jakontataw uñjasïta!

Aymar Bibliia 1986

¹⁵ Jumasti, Capernaum marca, ¿amuyastati alajjpachcam aptatäña? ¡Mic'aya mankhacama jakontataw uñjasïta!

Qullan Arunaka DC

¹⁵ Jumasti, Cafarnaúm marka, ¿alaxpachkam aptatäñti amuyasta? ¡Mik'ay manqhakam jaquntataw uñjasïta!

Lucas 10:15 Jak'a apnaqawi uñst'ayäwi

Génesis 11:4

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

Isaías 5:14

Jiwañasti mä ajjsarcañ animalar uñtataraquiw lacapjja ansatati marcpacharu, jilïrinacapampiru mank'antañataqui, cusist'añanacana, thokt'añanacana sarnakasquirinacarusa.

Jeremías 51:53

Babiloniajj alajjpachcamas maqhatascpan, jach'a ch'amapa jach'aru aptañataqui, ucarus jupanacataquejj uñisirinacapjja qhitascaquïwa ucan jupanacaru t'unjañapataqui. Naya Tatituw ucjja arsta.”

Ezequiel 26:20

cawqhancquitejj jiwatanacajja ucacamaw puriyaraquïma, cawqhantejj nayra urunacan jaquir jakenacajj uñjasipqui ucacama. Aca oraketjja juc'ampi mankharuw jakontäma, wiñay aynacht'añ marcaruw jakontaraquïma, ucanjja jiwatanac taypinwa jacaraquïta. Jumansti janipuniw jakejj jacjjaniti, janiraquiw wasitatsa sayt'ayatäcjjätati, aca jaquirinacan orakepanjja.

Ezequiel 31:18

Edenanquiri kokanacatsti janipuniw maynis uca kokampi uñtasirejj utjcänti, sumäñapampi, jach'äñapampisa; ucampisa Edenanquiri yakha kokanacampi chicaw sarakaraquini, uca orake mankhanquir chekaru jan Diosar uñt'irinacampi chica jacañataqui, cawquïri jakenacatejj guerran jiwarapcäna ucanacampi chica jacañataqui: ‘Uca kokasti Faraón reyiwa uqhamaraqui take jakenacapampi. Naya Tatituw ucjja arsta.’ ”

Ezequiel 32:18

“Jumasti chacha, yakha marcanacanquiri warminacampi chica aca alma imäwi k'ochu k'ochuraquim Egiptonquiri walja jakenac laycu, uqhamaraqui take jilïrinacap laycusa: ‘Ch'amaninacasti mankhapacharuw sarjjapjje, qhitinacatejj sepulturancjjapjje ucanacampi chica.

Ezequiel 32:20

“Jupanacasti guerran jiwaririnacampi chicaw aynacht'apjjani. Espadasti niya waquicht'ataraquiwa. Ucanacampi chicaraquiw walja jakenacapajj sarjjapjjani.

Ezequiel 32:27

Jupanacasti janiw nayra aytat jakenacamp chica imantatäpquiti, qhitinacatejj nuwasiñ armanacapamp chica mankha pacharu jakontatäpqui, espadanacapas p'ekep mankhana, escudonacapas janchip patjjana, jaquirinac taypin jach'a ajjsarcañanac sartayirinaca.

Abdías 1:4

Ucampisa mä pacar uñtatasay altor maqhatascam, uqhamaraqui warawaranacarusay tapachasiscam, ucatpachwa nayajj jumarojj jakokanïma.” Tatitojj siwa:

Mateo 10:28

Jan jumanacajj janchir jiwayirirojj ajjsarapjjamti, ucampis almarojj janiw jiwayapcaspati. Qhititï almampiru janchimpiru infiernojj t'unjcaspas ucaru ajjsarapjjam.

Mateo 11:23

Uqhamaraqui jumajj Capernaum marca, ¿amuyastati alajjpachcama jach'aru aptatäña? Infierncam apakatäyätawa. Sodomantejj acan lurasqui uca milagronacajj lurasisapänjja, uca marcajj jichhürcamaw utjascasapäna.

Mateo 4:13

Janiraquiw Nazaretar kheparcänti, jan ucasti Capernaum marcaruw sarjjäna; uca marcasti kota thiyancänwa, Zabulón, uqhamarac Neftalí sisqui uca chekana.

Lucas 13:28

Ucanwa wararipjjäta, laca ch'aqhanacamsa t'urusipjjaraquïta, Abrahamampi, Isaacampi, Jacobompi, uqhamarac take profetanacampi Diosan reinopancatapa uñjasina, jumanacasti ankaru jakonucutäpjjatamataraqui.

Lucas 16:23

“Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Deuteronomio 1:28

Jichhasti ¿cawqharurac sarañäni? Jiwasan jilanacasasti sapjjewa wali ch'amani jach'a tansa jakenac utjatapa, uqhamaraqui jach'a perkanacani marcanaca utjatapa, Anac jaken yokanacapas ucancatapa. Take ucanacaw jiwasarojj wal ajjsarayapjjestu’ sasa.

2 Pedro 2:4

Diosajj janiw jupa contra juch lurir angelanacarus perdoncänti, jan ucasti infiernoruw jakontänjja, ch'amacanacaruraquiw jayti cadenanacampi ñach'antata taripäwi urutaqui.