Lucas 1:78 - Qullan Arunaca

⁷⁸ Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Aymar Bibliia 1986

⁷⁸ Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Qullan Arunaka DC

⁷⁸ Dios Awkisasti, khuyapayasiñapatxa, alaxpachat mä qhispiyir khithanistu, mä machaq urun intin qhantatapjama,

Lucas 1:78 Jak'a apnaqawi uñst'ayäwi

Salmos 25:6

Tatay, amtasiquimaya, munasiñamampi, qhuyapayasiñamampejj wiñayapuniwa;

Isaías 11:1

Uca troncojj Isaí chachawa, jisc'a aliw ch'ichsu, mä aliw saphinacapatjja ch'ichtaniraquini.

Isaías 42:16

Juyqhunacarusti jan uñt'at thaquinacanjamwa irparaquëjja. Jupanacan nayrakatapansti ch'amacjja khanaruw tucuyäjja, kollunacsti pampa orakeruw tucuyaraquëjja. Take ucanacsti lurapunïwa.

Isaías 63:15

Tata, alajjpachatpacha uñtanipjjeta, cawqha kollana, c'ajquiri chekantejj utjcta ucqhatpacha. ¿Cawquincaraqui uca jach'a munasiñamasti, ch'amamasa, colerasiñamasa? ¿Qhuyapayasiñamasti nanacataquejj tucusjjeti?

Isaías 63:7

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Zacarías 3:8

Sum ist'ita, Josué, jumajj jilïri sacerdotëtawa, ist'apjjaracpan jumampïqui uca tantachäwisa, uqhamasti jumanacajj Diosan marcapäpjjtawa mayninacan yatekapjjañapataqui: Nayajj qhitanïwa servirejja, jupajj ‘Machak Cülli’ satawa.

Zacarías 6:12

Saraquïtawa: ‘Take ch'amani Tatitojja arsuwa Machak Cülli sutini chachatjja, ucasti quipca saphinacapat alsusina Tatitun templopa sayt'ayanejja.

Malaquías 4:2

Ucampisa qhitinacatï nayaru ajjsartasa sarnakapcta ucanacataquejj, chekaparu sarnakañajj intir uñtataw khantanini, khanapasti jakenacataquejj khespiyasiñ apanini. Ucatsti jumanacajj cusisiñata jalnakapjjäta cunjämatejj vaca kallunacajj uyut mistusajj jalnakapquejj uqhama.

Números 24:17

Uñjtwa cunatejj khepa urunacan utjcani ucsa, uñjaractwa cunatejj jayancqui ucsa. Mä warawaraw Jacobot mistusinqui, mä reyiraquiw israelan sartasqui. Jupaw Moab orakerojj p'eket takjjatani. Takpachaniruw Set sat chachan wawanacaparojj pampachjani.

Juan 3:16

“Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Filipenses 1:8

Diosaquiw yatejja cunjämtejj nayajj jumanacarojj Jesucriston munasiñapampi munapcsma ucjja.

Filipenses 2:1

Uqhamasti Cristotejj ch'amañchapjjstam, jupan munasiñaparaqui chuymachapjjstam, Ajayuparaqui jumanacampïchi, jupan munasiñapsa qhuyapayasiñapsa uñt'apjjsta ucqhajja,

Colosenses 3:12

Diosajj jumanacarojj munapjjtamwa, jupancapjjañamataquiw ajllisipjjtam. Uqhamajj qhuyapayasiñampi, suma jakëñampi, jisc'ar tucuñampi, llamp'u chuymanïñampi isthapitay sarnakapjjam.

2 Pedro 1:19

Uqhamat profetanacan arupajj juc'amp thurt'at uñjasi. Jumanacasti uca profetanacan arunacapar ist'asinjja walicwa lurasipctajja, uca arunacasti mä lamparjamaw ch'amacanacanjja khani, urojj khanjtaniñapcama, willjta warawarasti mistuniñapcama jakenacan chuymanacapar khant'añataqui.

1 Juan 3:17

Maynitejj kamirïchi ucat, jilapan pist'ayasitapa yatisina jan jupat qhuyapt'ayascchejja, ¿cunjämarac Diosan munasiñapajj chuymapan utjaspasti?

Apocalipsis 22:16

“Naya, Jesusawa, angelajja qhitta iglesianacar aca arunaca yatiyaniñapataqui. Nayätwa Davidat nayrasa, jupat sarakerisa, nayajj khantati warawararaquïtwa.”