Lucas 1:78 - Qullan Arunaka DC

⁷⁸ Dios Awkisasti, khuyapayasiñapatxa, alaxpachat mä qhispiyir khithanistu, mä machaq urun intin qhantatapjama,

Aymar Bibliia 1986

⁷⁸ Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Qullan Arunaca

⁷⁸ Dios Awquisasti munasiñapana, qhuyapayasiñapampita alajjpachatjja khespiyasiñ khanwa churanistu, mä machak urun khantiri,

Lucas 1:78 Jak'a apnaqawi uñst'ayäwi

Salmos 25:6

Tatay, munasiñama, khuyapayasiñam churapkistäyäta ukat amtasikimaya,

Isaías 11:1

Mä jaya maran k'ullu tunuttix mä jisk'a alix külltanchixa, ukhamarakiw Davidan wila masipatxa mä machaq reyix uñstani.

Isaías 42:16

Juykhunakarusti jan uñt'at thakhinakanjam irpä. Jupanakan nayraqatapansti ch'amakxa qhanaruw tukuyä, qullunaksti pampa uraqiruw tukuyä. Taqi ukanaksti lurapunïwa.

Isaías 63:15

Israelasti Tatiturux akham sasaw mayisïna: Tatay, alaxpachatpach uñtanipxita, kawkha qullana, k'ajkiri chiqantix utjkta ukkhatpacha. Munasiñama, ch'amamay uñacht'ayapxita; khuyapayasiñama, munart'asiñamay uñacht'ayapxita. Nanakan ayquñanakaxat janikiy maysar uñtamti.

Isaías 63:7

Nayax Tatitun munasiñapat parlañ munta, yupaychañ q'uchunakap q'uchuña, taqi kuntix jupax jiwasanakatak lurki ukanaka, Israelan wawanakapatak khuyapayasiñapan jach'ätapata, kuntix khuyapayasiñapana, jach'a munasiñapansa lurki taqi ukanakata.

Zacarías 3:8

Josué, sum ist'ita, jumax jilïr sacerdotëtawa, sacerdote masinakamasti ist'apxarakpan, jumanakax Tatitun arunakap mayninakar yatiyir chimpüpxtawa: Nayax luqtirixaruw khithanï, jupax ‘Machaq Külli’ satawa.

Zacarías 6:12

Juparusti sarakim: ‘Taqi ch'amani Tatitux siwa: Machaqa Külli sutini chachatxa, kipka saphinakapat mistusin Tatitun utap wasitat sayt'ayani.

Malaquías 4:2

2 (20) Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

Números 24:17

Tatitux uñacht'aykitu ukax janïräkiwa; ukax akat qhiparüskaniwa. Israelan mä reyiw sartani, jupasti mä warawarar uñtataw k'ajani. Jupaw Moab markarux p'iqit takxatani, Set chachan saraqirinakapar taqpachanir pampachjani.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Efesios 5:14

taqi kunatix qhanankki ukax qhanaruw tuku. Ukat akham sixa: “Juma ikirix p'arxtasim; jiwatanak taypit sarthapim, Cristow qhant'ätam” sasa.

Filipenses 1:8

Diosakiw yati kunjämtix nayax jumanakar Jesucriston munasiñapampi munasipksma uka.

Filipenses 2:1

Ukhamasti, Cristotix ch'amañchañ chuyma churapxstam, munasiñanakam laykutix mayninakar chuymachapxsta, taqinis uka kipka Ajayunïpxsta, chuymanakamansa khuyapayasiñan phuqt'atäpxaraksta ukax,

Colosenses 3:12

Diosaw jumanakarux munasipxtam, jupan qullan markapankañatakiw ajllisipxtam. Ukhamax khuyapayasiñampi, suma jaqïñampi, jisk'ar tukuñampi, llamp'u chuymanïñamp isthapit sarnaqapxam.

2 Pedro 1:19

Ukhamat profetanakan yatiyäwipax juk'amp thurt'at uñjasi. Ukhamax uka arunakar ist'apxam, uka arunakaw Criston kuttaniñapkamax kunjämsa sarnaqapxäta ukanak yatichapxätam, jakañanakamsa sumaruw tukuyarakini.

1 Juan 3:17

Ukampis mayni qamiritix jilapan pist'ayasitap yatkasin jan khuyapt'ayaskchi ukaxa, ¿kunjämarak Diosan munasiñapasti chuymapan utjaspasti?

Apocalipsis 22:16

“Naya, Jesusaw angelaxar khitta iglesianakar taqi akanak yatiyañapataki. Nayätwa David reyit saraqirixa; qhantati ururi warawarätwa.”