Levítico 9:9 - Qullan Arunaca

⁹ Ucjjarusti wawanacapajj wila apcatapjjaraquïna, Aaronasti uca wilampi luc'ananacapa juricht'asajja altaran wajjranacaparuw jawsuraquïna, ucata uca wila jilt'sti altar cayuruw warnokjjaraquïna.

Aymar Bibliia 1986

⁹ Ucjjarusti wawanacapajj wila apcatapjjaraquïna, Aaronasti uca wilampi luc'ananacapa juricht'asajja altaran wajjranacaparuw jawsuraquïna, ucata uca wila jilt'sti altar cayuruw warnokjjaraquïna.

Qullan Arunaka DC

⁹ Ukxarusti yuqanakapax wila apkatapxäna, Aaronasti luk'anap uka wilampi juricht'asaw altaran waxranakapar jawsüna, jilt'ki uka wilsti, altar kayuruw warnuqxarakïna.

Levítico 9:9 Jak'a apnaqawi uñst'ayäwi

Ezequiel 43:15

Amstäjjanquirïqui ucasti cawqhantejj sacrificio loktäwinacajj naqhantayascän uca chekasti altorojj pä metroniraquïnwa. Pusi wajjranacaniraqui, ucasti amsta toker uñtatänwa.

Ezequiel 43:20

Ucat janc'aquiw mä juc'a wilampi uca altaranquir pusi wajjranacaru warjjataraquïta, uqhamaraqui taypinquiri perkarusa, pusi esquinanacaparu uca quipcaraqui thiyanacaparusa. Uqhamatwa k'ala k'omachasïta jucha luratanacamatjja.

Levítico 16:18

ucatjja mistunjjaraquiniwa cawquïri altaratejj Tatitun nayrakatapancqui ucqharu. Ucatsti uca vacan wilapatjja mä juc'a aptaraquini, uqhamaraqui cabriton wilapatsa, uca wilampejj altaran wajjranacaparuw jawiquiparaquini,

Levítico 4:25

Ucjjarusti sacerdotejj juchat sacrificio loktat cabriton mä juc'a wilamp luc'anaparu juricht'asajj, naqhantatäñatac loktaña altaran esquina wajjranacapwa jawirt'araquini; ucatsti wila jilt'jja pachpa altaran cayuparuw wartjjaraquini.

Levítico 4:30

ucatsti sacerdotejj mä juc'a wilamp luc'anap juricht'asajj naqhantatäñatac loktaña altaran esquina wajjranacaparuw jawt'araquini, ucatsti wila jilt'jja pachpa altaran cayuparuw wartjjaraquini.

Levítico 8:15

Ucat Moisesajj qharinucjjaraquïna, ucatsti luc'ananacapampi wila aptasajja altaran utjcänsa uca wajjranacwa uca wilampi jawiräna, uqhamat k'omachañataqui, ucat jilt'iri wilsti altar cayuruw warnokjjaraquïna. Uqhamaw altarajj k'omachata, uqhamaraqui Tatitur loktata uñjasjjaraquïna.

Levítico 9:10

Ucjjarusti janc'aquiw altarjjaru nact'ayjjaraquïna take liq'inaca, maymurunaca, uqhamarac cawquïri uywatejj juchata sacrificio loktatäcän uca uywan liq'ipsa, cunjämtejj Tatitojj Moisesar siscatayna uqhamarjama phokhasa.

Levítico 9:12

Aaronasti, cawquïri uywatejj takpacha naqhantayatäñataqui loktañataquïcäna uca uywa qharinucuraquïna, wawanacapasti wila apcatapjjaraquïna, uca wilampisti Aaronajj altararuwa patjjata, uqhamarac thiyanacata waraquiparaquïna.

Levítico 9:18

Uqhamaraquiw Aaronajj qharinucuraquïna, cawquïri orko vacampi, orko ovejamptejj israelitanacajj irpanipcatayna sumancthapiñataqui sacrificiot loktañataqui ucanaca. Wawanacapaw uca wiljja catuyapjjaraquïna, ucat Aaronajj uca wiljja altar patjjaru, uqhamarac take toketa altararojj waraquiparaquïna.

Hebreos 2:10

Jupïpanaracwa take cunas Diosataquejj utjasqui, Diosasti muniwa take wawanacapanjj utjañapa jupan jach'a khapak marcapana. Ucatwa Diosajj t'akhesiña toke sum tucuyäna jupanacan Jesucristo khespiyiriparojja.