Levítico 9:9 - Qullan Arunaka DC

⁹ Ukxarusti yuqanakapax wila apkatapxäna, Aaronasti luk'anap uka wilampi juricht'asaw altaran waxranakapar jawsüna, jilt'ki uka wilsti, altar kayuruw warnuqxarakïna.

Aymar Bibliia 1986

⁹ Ucjjarusti wawanacapajj wila apcatapjjaraquïna, Aaronasti uca wilampi luc'ananacapa juricht'asajja altaran wajjranacaparuw jawsuraquïna, ucata uca wila jilt'sti altar cayuruw warnokjjaraquïna.

Qullan Arunaca

⁹ Ucjjarusti wawanacapajj wila apcatapjjaraquïna, Aaronasti uca wilampi luc'ananacapa juricht'asajja altaran wajjranacaparuw jawsuraquïna, ucata uca wila jilt'sti altar cayuruw warnokjjaraquïna.

Levítico 9:9 Jak'a apnaqawi uñst'ayäwi

Ezequiel 43:15

Amstäxankki ukasti, kawkhantix wilañcha luqtäwinakax nakhantayatäkän uka chiqax alayarux pä metronïnwa. Amsta tuqir uñstat pusi waxranakanïnwa.

Ezequiel 43:20

Ukatsti uka altarankir pusi waxranakaru, patxa pusi esquinaparu, thiyanakaparu taqi ukanakaruw mä juk'a wilampi warxatäta. Ukhamat uka altarxa q'uma tukuyäta.

Levítico 16:18

kawkïri altaratix Tatitun nayraqatapankki ukar q'umachañatakiw mistunini. Uka vacan wilapata, cabriton wilapat mä juk'a aptani, uka wilampix altaran waxranakaparuw jawikipani,

Levítico 4:25

Ukxarusti sacerdotex juchat wilañcha luqtat chivon mä juk'a wilap luk'anapar juricht'asaxa, altaran waxranakaparuw jawirt'ani; ukat jilt'ki uka wilsti, pachpa altaran kayuparuw wartxani,

Levítico 4:30

Ukatsti sacerdotex mä juk'a wilampi luk'anap juricht'asax altaran waxranakaparuw jawirt'ani, ukat jilt'ki uka wilsti, pachpa altaran kayuparuw wartxani.

Levítico 8:15

Ukatsti Moisesax uka urqu vaca kharinukxäna, luk'anap uka wilar juricht'asaw altaran utjkän uka waxranakar jawirt'äna, ukhamat q'umachañataki, ukat jilt'ir wilsti altar kayuruw warnuqxarakïna, ukhamat uka altarax q'umachata, ukhamarak Tatitur luqtatäxäna ukawjan juchanakat pampachatäñ jikxatañataki.

Levítico 9:10

Ukxarusti jank'akiw altarxarux kawkïri uywatix juchata wilañcha luqtatäkän uka uywan lik'ipa, maymurunaka, k'iwchan lik'inakax utjki ukanak nakt'ayxäna kunjämtix Tatitux Moisesar siskatayna ukhamarjam phuqhasa.

Levítico 9:12

Aaronasti, kawkïr uywatix taqpacha nakhantayas luqtañatakïkäna uka uywa kharinuküna, yuqanakapasti uka wila apapxäna, uka wilampisti Aaronax altar thiyanakaruw warakipäna.

Levítico 9:18

Aaronasti kawkïri urqu vacampi, urqu ovejamptix israelitanakax sumankthapiña wilañcha luqtañatak irpanipkatayna ukanak kharinukurakïna. Yuqanakapasti Aarón awkiparuw uka wila luqtapxäna, Aaronasti uka wilampix altar thiyanakaruw warakipäna.

Hebreos 2:10

Taqi kunaw Diosanki, jupan luratarakiwa, taqi wawanakapan qhapaq markapankañap muni. Ukat Diosax t'aqhisiñ tuqi Jesucristorux askir tukuyäna, jupanakan qhispiyiriparuraki.