Levítico 7:7 - Qullan Arunaca

⁷ “Yatcasina pantjasïwi juchat loktäwisti, jucha luratat cunjämatejj ofrendajj loktasqui uca quipcaraquiw loktasiñapa, yatichäwinacasti paypachataquejj uca pachparaquiwa. Uca loktatasti, cawquïri sacerdotetejj jucha luratanacat pampachatäñataqui loktqui ucataquïniwa.

Aymar Bibliia 1986

⁷ “Yatcasina pantjasïwi juchat loktäwisti, jucha luratat cunjämatejj ofrendajj loktasqui uca quipcaraquiw loktasiñapa, yatichäwinacasti paypachataquejj uca pachparaquiwa. Uca loktatasti, cawquïri sacerdotetejj jucha luratanacat pampachatäñataqui loktqui ucataquïniwa.

Qullan Arunaka DC

⁷ “Yatkasin pantjasïwi juch luratat wilañcha luqtäwisti, jucha luratat kunjämatix wilañchax luqtaski uka kipkarakiw luqtasiñapa, yatichäwinakasti paypachatakix uka pachparakiwa. Uka luqtatasti, kawkïr sacerdotetix jucha luratat pampachañatak luqtki ukatakïniwa.

Levítico 7:7 Jak'a apnaqawi uñst'ayäwi

2 Reyes 12:16

Ucatsti juchañchäwita, uqhamarac juchata apanita kollkjja, janiw templor apanitäcänti, ucajj sacerdotenacar wact'atap laycu.

2 Reyes 12:17

Qhaya tiemponjja Siria marcanquiri Hazael reyejja Gat marcar nuwir jutasinjja catuntasïnwa, ucatsti Jerusalén tokeruraquiw sararaquïna.

Levítico 14:13

Uca orko ovejsti cawqhatejj sacrificiot loktañataqui uywanaca qharinucuña chicajj yakhachatäqui ucqhanwa qharinucjjañaparaqui. Jucha luratata sacrificio loktäwisti sacerdotetaquïniwa, uqhamarac pantjasïwi juchat loktatasa sacerdotetaquiraquïniwa, ucanacajj mä sinti kollana yänacätap laycu.

Levítico 2:10

Uca ofrenda jilt'asti Aaronampitaqui, wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Levítico 2:3

Uca ofrenda jilt'asti Aaronampitaqui, uqhamaraqui wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Levítico 6:17

Janiw levadurani phayapjjañapäquiti. Jupanacaruw churjjaracta cuna ofrendanacatejj nact'ayasina nayar loktatäqui ucanacata, cunatejj jupanacaru wact'qui ucanaca, ucanacasti wali kollanaraquiwa, cunjämäpquitejj juchata uqhamaraqui jan yatcasina pantjasïwi juchanacat loktat ofrendajj uqhamaraqui.

Levítico 7:8

Uca quipcaraquiwa maynitejj mä uywa loktatäñataqui churani, altarjjan naqhantayatäñataqui, uca lip'ichisti sacerdotetaquiraquïniwa.

Números 5:8

Uqhamaraqui cawquïri ñankha lurat jaketï jiwjje, ucat janiraqui utjcchiti cawquïri jac'a familiapasa uca cuttayañataqui, ucapachajj uca cuttayañajj Tatituruw churatäjjani, uqhamarac sacerdoteru, uqhamaraquiw mä ovejampi churañapa, sacerdoten loktañapataqui, uca jaken juchapat perdón jicjjatañapataqui.

1 Corintios 10:18

Israel marcata amuyasipjjam; sacrificion churata yänacat mank'erinacajja mayaquïpjjewa maynit maynicama uqham mank'apjjatap laycu.

1 Corintios 9:13

Jumanacajj asquiw yatipjjtajja, templon irnakerinacajja uca pachpa templotwa mank'apjjaraquejja. Altaran sacrificionacajj churasisqui ucanacan yanapasirinacasti, uca pachpa sacrificat aychanacracwa mank'apjjejja.