Levítico 7:7 - Qullan Arunaka DC

⁷ “Yatkasin pantjasïwi juch luratat wilañcha luqtäwisti, jucha luratat kunjämatix wilañchax luqtaski uka kipkarakiw luqtasiñapa, yatichäwinakasti paypachatakix uka pachparakiwa. Uka luqtatasti, kawkïr sacerdotetix jucha luratat pampachañatak luqtki ukatakïniwa.

Aymar Bibliia 1986

⁷ “Yatcasina pantjasïwi juchat loktäwisti, jucha luratat cunjämatejj ofrendajj loktasqui uca quipcaraquiw loktasiñapa, yatichäwinacasti paypachataquejj uca pachparaquiwa. Uca loktatasti, cawquïri sacerdotetejj jucha luratanacat pampachatäñataqui loktqui ucataquïniwa.

Qullan Arunaca

⁷ “Yatcasina pantjasïwi juchat loktäwisti, jucha luratat cunjämatejj ofrendajj loktasqui uca quipcaraquiw loktasiñapa, yatichäwinacasti paypachataquejj uca pachparaquiwa. Uca loktatasti, cawquïri sacerdotetejj jucha luratanacat pampachatäñataqui loktqui ucataquïniwa.

Levítico 7:7 Jak'a apnaqawi uñst'ayäwi

2 Reyes 12:16

16 (17) Ukhamasti, jaqinakax juchanak luratat pampachatäñatak churapkän uka qullqxa, janiw Tatitun utapar apatäkänti, uka qullqinakax sacerdotenakatakïnwa.

2 Reyes 12:17

17 (18) Khä urunakanxa, Siria markankir Hazael reyixa, Gat filisteo markar nuwantasin uka marka katuntäna, ukatsti Jerusalén tuqirurakiw saräna, uka marka katuntañ amtampi.

Levítico 14:13

Uka urqu ovejsti kawkhantix wilañcha luqtañataki uywanakax kharinukusirïki ukkhan kharinukxañapa. Sumankthapiñataki, ukhamarak jucha luratat wilañchanak luqtäwisti sacerdotetakïniwa, ukanakan qullana yänakätap layku.

Levítico 2:10

Uka waxt'at jilt'ki ukasti, Tatitutak aski qullanätap laykux Aaronampitaki, wawanakapampitakïniwa.

Levítico 2:3

Uka jak'u waxt'at jilt'ki ukasti, aski qullanätap laykuxa, Aaronampitaki, wawanakapampitakïxaniwa.

Levítico 6:17

17 (10) Janiw levadurani phayapxañapäkiti. Jupanakaruw churxarakta kuna waxt'anakatix nakt'ayasina nayar luqtatäki ukanakata, kunatix jupanakaru wakt'ki ukanaka, ukanakasti wali qullanarakiwa, kunjämäkitix juchata, ukhamarak jan yatkasin pantjasïwi juchanakat luqtat waxt'ax ukhama.

Levítico 7:8

Uka kipkaraki, maynitix altarxan mä uywa nakt'ayañatak churani, uka uywan lip'ichipax wilañcha luqtir sacerdotetakïniwa.

Números 5:8

Ñanqhachat jaqitix jiwaspa, ukat janirak khiti wila masipar ukanak kuttayañas utjkaspa ukapachasti, ukax Tatitutakïniwa, sacerdoten katuqañapataki. Ukhamarus, ñanqhachir jaqix mä urqu oveja sacerdoten ukar apañapa, wilañcha luqtañapataki, ukhamat juchapat pampachäwi jikxatañapataki.

1 Corintios 10:18

Israel markat amuyapxam: Wilañcha luqtat uywanakat manq'irinakaxa, Diosampi, altaran luqtapki ukanakampix mayakïpxiwa.

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.