Levítico 6:6 - Qullan Arunaca

⁶ Tatitur loktäwipasti mä c'umara, uqhamaraqui jan camacht'ata orko ovejäñapawa, uca ovejan alapsti jumaw tantiyaraquïta, uca ovejsti jupajj tamat catokanini, ucat sacerdoten ucaruw aparaquini jucha luratat sacrificio loktañataqui.

Aymar Bibliia 1986

⁶ Tatitur loktäwipasti mä c'umara, uqhamaraqui jan camacht'ata orko ovejäñapawa, uca ovejan alapsti jumaw tantiyaraquïta, uca ovejsti jupajj tamat catokanini, ucat sacerdoten ucaruw aparaquini jucha luratat sacrificio loktañataqui.

Qullan Arunaka DC

⁶ 6 (25) Tatitur luqtäwipasti mä jan kamacht'at urqu ovejäñapawa, uka ovejan alapsti jumaw qawqhänisa uk sisxäta, uka ovejsti oveja tamapat aptanini, ukat sacerdoten ukaruw jucha luratat wilañcha luqtañatak aparakini.

Levítico 6:6 Jak'a apnaqawi uñst'ayäwi

Esdras 10:19

jupanacasti take chuymawa arsusipjjäna warminacaparu qhitanucjjañataqui, ucatsti mä ovejwa uchapjjäna juchanacapata ofrenda loktañataqui.

Nehemías 10:35

Uqhamaraquiw amtasipjjaracta Tatitun temploparu apañataqui sapa mara yapunacajjata nayrïri achunaca, uqhamarac take fruta alinacatsa,

Ezequiel 40:46

uqhamaraqui cawquïri utatejj amsta toke uñtatäqui ucasti cawquïri sacerdotenacatejj altaran sirvipqui ucanacataquiraquiwa. Jupanacasti Sadoc sat chachan wawanacapäpjjewa, levitanacatsti jupanac sapaquiraquiw, Tatitun altarapan sirviñataqui jac'achasipjjaspajja” sasa.

Levítico 14:12

ucat uca ovejanacat maynïri caturaquini, uca chicat litro aceitempi chicwa loktjjaraquini, jucha luratat mä sacrificiöcaspas uqhama, uqhamat Tatitun nayrakataparu uñstayasa.

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Levítico 5:18

Uqhamasti oveja tamanacapatjja mä c'umara jan camacht'ata orko oveja apaniraquini, uca ovejan alapsti jumaw tantiyaraquïta, ucatsti sacerdoten ucaruw apataraquïni, uca jucha luräwit loktañataqui, uqhamat cuntejj uca jakejj jan amuyascasina jucha lurcatayna ucat perdón jicjjatañataqui, ucat uca juchapasti perdonatäjjaraquiniwa.

Levítico 5:7

“Janitejj kollkejj ucacama utjarapcani mä jisc'a oveja alañataquejja, ucapachasti Tatitun ucarojj pä paloma, jan ucajj pä paloma wawa aparaquini uca jucha luratapatjja; ucanacat mayasti jucha luräwit loktani, maynïrsti naqhantayatäñatac ofrendat loktaraquini.