Levítico 5:1 - Qullan Arunaca

¹ “Maynitejj jawsatäni cuntejj uñjqui, jan ucajj ist'qui uca khanañchañapataqui, ucat ist'casinsa uqhamarac uñjcasinsa jan khanañchañ muncaniti ucapachajj jucha lurjje, ucat uca juchasti jupjjancjjewa.

Aymar Bibliia 1986

¹ “Maynitejj jawsatäni cuntejj uñjqui, jan ucajj ist'qui uca khanañchañapataqui, ucat ist'casinsa uqhamarac uñjcasinsa jan khanañchañ muncaniti ucapachajj jucha lurjje, ucat uca juchasti jupjjancjjewa.

Qullan Arunaka DC

¹ “Kuntix maynix uñjki, jan ukax ist'ki uk qhanañchañapatak jawsatäni, ukat jan qhanañchañ munkani ukaxa, uka jaqix juch luri, uka jucha luratapatsti mutuñapawa.

Levítico 5:1 Jak'a apnaqawi uñst'ayäwi

1 Reyes 22:16

Ucjjarusti reyejj sänwa: —¿Kawkha cutis säma juramento luratajj laycu: ‘Cunatejj chekäqui uca yatiyita Tatitun sutipjjaru’ sasa?

1 Reyes 8:31

“Cunapachatejj maynejj jake masip toke jan wali lurani, ucatsti aca templona altaramana juramento lurayapjjani ucqhajja,

2 Crónicas 18:15

Ucampis reyejj ucjjarojj sänwa: —¿Cawkha cutisa nayajj jumarojj säma Tatitun sutip laycu juramento luratata chekaqui nayar parlañamjja? —sasa.

Salmos 38:4

Juchanacajjajj sintipuniw jatjjattitu, ch'amajjajj janiw ucanacamp k'ewtasirjamäquiti;

Éxodo 22:11

uywanac catuyatäqui uca jakejja Tatitun sutiparuw juramento lurañapa, masipajj catuyasqui uca uywa jan imantatapa, ni uñjatapatsa. Ucampis uywanejj arunacaparojj iyawsañaparaquiwa, ucatsti maynejja janiw cunsa pagañapäquiti.

Proverbios 29:24

Lunthataru yanapirejj jupa pachpaw uñisisi; lunthatjjat khanañchirinaca ist'casinsa jupajj janiw arsquiti.

Proverbios 30:9

Nayajj kamirëjjerista ucajja inas jumatjja armasjjerista: “¿Qhitirac Diosasti?” sasa; pobrërista ucasti inas lunthatasjjerista, uqhamat kollan sutimwa nayajj p'enkachayirista.

Isaías 53:11

Uqham sinti t'akhesiña tucusitapatsti jupajj khana uñjani, uc yatisitapatsti c'uchiquiw uñjasjjaraquini; Tatitun cheka sirviripasti waljaniruw khespiyani, jupanacan juchanacapsti aparaquiniwa.

Jeremías 23:10

Aca marcasti wachoka jucha lurir jakenacan phokhantatawa, ñankha lurañaru jalir jakenacana phokhantatawa, ch'amanacapsti jan walinac lurañataquiquiw apnakapjje. Ucatwa Tatitojj aca orakjja maldecïnjja, aca orakesti wañsuwayjjaraquiwa, wasara tokenquir pastonacasa k'alaw pharsuwayjjaraqui.

Ezequiel 18:20

Qhititejj jucha lurqui ucaw jiwascanejja. Wawajj janiw awquin juchapatjja phokcaniti, awquis janiw wawan juchanacapatjja phokcaraquiniti. Asqui jakejj asqui lurataparjamaw suma wajjt'asïwi catokani, ñankha jakesti ñankha lurataparjamaraquiw mutuyäwi catokaraquini.

Ezequiel 18:4

Take jakenacajj nayanquiwa, awquis, yokasa nayanquiwa, cawquïritejj jucha lurcani ucasti jiwaraquiniwa.

Levítico 17:16

Ucampisa janitejj isinacapa t'ajjsokascani ni jupa quipcasa umampi jarekascaraquini ucapachasti uca ñankha luräwipampi k'añuchataquïscaniwa.”

Levítico 19:8

qhititejj mank'cani ucasti juchapa uñt'asiraquini, uqhamarac take jakenac taypitjja jiwayatäjjaniwa, cunatejj Tatitur loktatäqui uca jan yäkatap laycu.

Levítico 20:17

“Maynitejj cullacaparu warmt'asini, ucajj awqui toketa jan ucajj tayca toketsa cullacapäscpan, ucat jupanacajj jucha lurasa sarnakapjjaraquini ucanacasti marca masinacapan uñjcata jiwarayatäpjjañapawa, uqhamana pachpa cullacaru warmisiñajj mä p'enka luräwïtap laycu, qhititejj uca casta jucha lurcani ucasti juchañchatäñapawa.

Levítico 4:2

“Israelitanacarusti saraquim: Maynitejj jan amuyasisina Tatitun arunacap contra juch lurani cunatejj jan waquisqui ucanac lurasa, ucatsti aqham lurañapawa:

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Levítico 5:17

“Maynitejj Diosan arunacapa contra jucha luranejja, janis amuyascchi, ucajj juchañchatäniwa, ucat uca jucha luratapatjja phokjjañaparaquiwa.

Levítico 7:18

Ucampisa maynitejj uca sumancthapiñataqui loktatäqui uca uywan aychapjja quimsa ururus mank'ascaquinejja, uca loktäwejj janiw catokatäcaniti, janiraquiw uca loktatajj cunataquis asquïcaniti; uca aychasti jan muncaña aychäcaspas uqhamaru uñjataraquïniwa, ucat uca aycha mank'erisa uqhamaru uñjataraquïniwa, uca juchasa jupjjancaraquiniwa.

Números 9:13

Ucampisa cawquïritejj Pascua fiesta amtañ apanucuni, k'oma jicjjatascasina, uqhamarac jan saräwinccasina, ucajj jilanacap taypitjja apanucutäniwa, uqham Tatitu Diosar jan ofrenda loktatap laycu, juchanacapatjja mutuyäwi catokaraquini.

Mateo 26:63

Jesusasti janiw cuns arscänti. Ucatwa sacerdotenacan jilïripajj juparojj säna: —Jacquiri Diosan sutiparuw juramentompi maysma chek arsuñamataqui. Sapjjeta: ¿Jumätati Diosan Yokapa Cristojja? —sasa.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

Jueces 17:2

Jupasti taycaparuw arsüna: —Nayätwa waranka patacani kollke lunthatctam ucajja. Nayawa catuscta, ucampis jumajj maldistawa qhititejj catqui ucarojja —sasa. Ucatsti taycapajj saraquïnwa: —¡Diosasti jumaru bendizpan, wawajja! —sasa.