Levítico 4:35 - Qullan Arunaca

³⁵ Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Aymar Bibliia 1986

³⁵ Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Qullan Arunaka DC

³⁵ Lik'inakapsti, kunjämtix sumankthapiñatak luqtatäki uka uywanakat apsutaxa, uka kipka apsutarakïniwa, uka lik'sti Tatitutak suma q'apkir waxt'at altarxar nakt'ayxani, ukhamat sacerdotex uka jaqitak juchapat pampachatäñ jikxatani, juchapasti pampachatäxaniwa.

Levítico 4:35 Jak'a apnaqawi uñst'ayäwi

Levítico 12:8

Ucampisa uca taycantejj jan ucacamajj mä orko oveja alañataqui kollkejj utjarapcani ucapachasti, puediraquiniwa pä paloma jan ucajj pä paloma wawanacsa apaniña, maysti takpacha nact'ayasin loktañataqui, maysti jucha luratata loktañataquiraqui; ucapachaw sacerdotejj uca warmitaquejj juchapat pampachatäña jicjjataraquini, uca warmisti k'omachataw uñjasjjaraquini.

Levítico 14:18

Ucat uca aceite jilt'sti cawquïri jaketejj k'omachasisqui ucan p'ekepjjaruraquiw jawsjjani. Uqhamatwa sacerdotejj uca jaketaquejj juchat pampachatäña jicjjatani.

Levítico 14:53

Uca khepatsti jacasquiri jamach'irojja antutjjaraquiniwa, marcat ankäjjaru, uqhamatwa phokharaquini cunatejj uca uta k'omachañataquejj munasqui ucanacampejja.”

Levítico 15:15

Sacerdotesti mayjja jucha luratat sacrificio loktjjaraquini, maysti takpacha nact'ayasaw loktjjaraquini. Uqhamatwa take uca k'omachasïwi lurañanacjja Tatitun nayrakatapana phokharaquini, uca jatha aywiyiri usun jaketaquejja.

Levítico 19:22

Uca oveja sacrificiot loktasaraquiw sacerdotejj uca jaketaquejj Tatitut juchata pampachatäña mayiraquini, ucampisa uca juchajj perdonatäjjaraquiniwa.

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 4:26

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 5:10

Payïrimpisti naqhantayatäñatac ofrenda loktjjaraquini, cunjämarutejj satäqui uqhamarjama, uqhamat uca jucha lurir jaketaquejj, juchanacapat pampachasïwi catokañataqui, uca juchasti perdonataraquïniwa.

Levítico 5:13

uqhamat sacerdotejj cuna casta jucha luratanacatsa uca jaketaquejj pampachasïwi jicjjatañapataqui, uca juchapasti perdonatäjjaraquiniwa. Cunjämatejj granonacat ofrendajj loktatacänjja, uca quipcaraquiw ucat jilt'ajja sacerdotetaquëjjani.”

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Levítico 6:7

Ucatsti sacerdotejj take uca juchanaca, cawquïrïpasa, ucanac luratatsti, uca jaketaquejj juchat pampachatäña jicjjatani, uca juchasti perdonatäjjaraquiniwa.”

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Números 15:25

Ucjjarusti sacerdotew mä loktäwi lurani take Israel marcatac perdón jicjjatañataqui. Nayajj jupanacarojj perdonäwa, jan munasin pantjasipjjatap laycu; ucatsti jupanacajj ofrenda churapjjetani, uqhamarac mä sacrificio juchanacapata.

Números 15:28

Sacerdotesti mä loktäwi lurani nayrakatajjana, uca jaketac perdón jicjjatañataqui, nayasti juparojj perdonäwa.

Romanos 10:4

Cristow Moisesan leyipjja tucuyawayjje, ucatsti take qhititejj jupar iyawsqui ucanacajj Dios nayrakatan catokatäñapataqui.

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

Romanos 8:1

Jichhasti janiw cuna juchañchäwis utjquiti Cristo Jesusanquirinacataquejja, qhitinacatejj jan jacapqui janchin munañaparjama [jan ucasti Ajayun apnakata jacapqui ucanacataquejja].

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Colosenses 1:14

Uca Yokapasti jiwäwipampiw khespiyaraquistu, juchanacasat pampachasa.

Hebreos 1:3

Jupawa Diosan jach'a c'ajquir khanapajja, juparaquiw cunäquitejj Diosajj uc uñacht'ayirejja, juparaquiw ch'aman arupampejj take cuns catjjäsi. Juchanacasat k'omachasinjja, alajjpachanjja Diosan tronopan cupëjjaparuw kont'asi.

Hebreos 4:14

Diosan Yokapa Jesusaw jiwasan jach'a jilïri sacerdotesajja. Juparaquiw Diosan nayrakataparojj mantejja. Ucatwa juparojj take iyawsañasampi arcañasajja.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

Hebreos 9:14

Ucampis ucajj uqhamächi ucajja ¡kawkha juc'amp ch'amanïpachas Criston wilapajja! Ucasti wiñay jaquir Ajayu tokew Cristojj Diosaru jupa pachpa loktasi jan k'añucht'ata, wilapas k'omacharaquistuw chuymasjja jiwañaru apquistus uca jan wali luräwinacatjja, jacquir Diosar sirviñasataqui.

1 Pedro 2:22

Jupajj janiw cuna juchsa lurcänti, janiraquiw qhitirus cunapachas ñankha lurcänti.

1 Pedro 2:24

Jesucristo quipcaraquiw juchanacasjja pachpa cuerpopjjaru apawayjje, crusan jiwasina, uqhamata jiwasajj jucha lurañar jiwañasataqui, mä suma jacañan jacañasataqui. Jupajj chhojjriñchjatänwa jumanacajj c'umaräpjjañamataqui.

1 Pedro 3:18

Cristo quipcaraquiw juchanacas laycojj jiwäwipanjja t'akhesiwayejja jan mayampitaqui. Jupajj asqui jakënwa, ucampis jiwasan jan walïtas laycuw t'akhesiwayi, jiwasar Diosar irpañataqui. Janchinaqui jiwatänjja ucampis ajayupanjja jactanjjewa.

1 Juan 1:7

Jiwasatejj khanan jacstan, cunjämatejj Diosajj khanancqui uqhamjja, mayaquïtanwa maynimpi maynimpisa, Jesucristo Yokapan wilapaw take juchanacasat k'omacharaquistu.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.