Levítico 3:9 - Qullan Arunaca

⁹ “Qhititejj sumancthapiñatac mä oveja Tatitur loktcani ucasti naqhantat ofrendjama loktañapawa, wich'incjja jiqhanitpach qharekani, jiphillanacan liq'ipamppacha,

Aymar Bibliia 1986

⁹ “Qhititejj sumancthapiñatac mä oveja Tatitur loktcani ucasti naqhantat ofrendjama loktañapawa, wich'incjja jiqhanitpach qharekani, jiphillanacan liq'ipamppacha,

Qullan Arunaka DC

⁹ “Khititix sumankthapiñatak mä oveja Tatitur luqtkani ukasti nakhantat waxt'jam luqtañapawa, wich'inkxa jikhanitpach khariqani, jiphillanakan lik'ipamppacha,

Levítico 3:9 Jak'a apnaqawi uñst'ayäwi

2 Samuel 6:17

Tatitun arcapasti apatäjjänwa, uchäwiparu uscutäjjaraquïnwa, mä carpa mankharu cuna carptejj Davidajj arca uscuñataquipuni lurcatayna uca mankharu. Ucatsti Davidajj janc'aquiw sacrificionaca, sumancthapiña loktäwinaca loktaraquïna, Tatitun nayrakatapana.

1 Reyes 3:15

Salomonajj iquita sartasinjja amuyasïnwa mä samcätapa. Ucatsti cunapachatï Jerusalenaru purïna ucqhajja, saränwa Tatituna sumar mantaña arcapa nayrakataru, ucatsti loktänwa nact'at sacrificionaca, uqhamarac sumancthapiñataqui sacrificionaca. Ucatsti take yanapirinacaparuwa jach'a mank'añanaca mank'ayaraquïna.

1 Reyes 8:63

Ucatsti Salomonajj Tatiturojj loktänwa pä tunca payani waranka toronaca, uqhamarac pataca pä tuncani waranka ovejanaca, ucasti sumancthapïwi sacrificionacänwa. Uqhamwa loktapjjäna reyimpi take israelit jakenacampejja Tatitun templopana.

1 Reyes 8:64

Uca uru pachparaquiw reyejj k'omacharaquïna Tatitun templopa nayräjjancqui uca chicachica patiopa, ucanaracwa nact'ayat sacrificionaca loktaraquïna, ucatsti granonacata ofrendanaca, uqhamarac sumancthapïwi sacrificionacata liq'inaca, Tatitun nayrakatapancqui uca broncet lurat altarajj jisc'aquïtap laycu, ucatsti janiw uchañjamäcänti nact'ayat sacrificionacasa, granonacat ofrendanacasa, uqhamarac sumancäwi sacrificionacan liq'inacapasa.

1 Crónicas 16:1

Diosan arcapa apasinjja uchapjjänwa, Davidajj mä carpa uca amtampi waquichcäna ucqharu. Ucjjarojja loktapjjänwa nact'ayata ofrendanaca, uqhamarac sumancthapïwi loktäwinaca Diosan nayrakatapana,

Éxodo 29:22

“Ucjjarusti apsuraquim ovejan liq'inacapa, wich'inqha, jiphilla, q'iwcha, paypach maymurun liq'inacapa; uqhamarac lanqhu chara aycha, aca ovejasti sacerdotenaca loktañataquïtap laycu.

Proverbios 23:26

Munat wawajjay, take chuymamampi yatichäwinacajja catokam, ucatsti uqhamar sarnakaraquim.

Isaías 53:10

Tatituw juparojj uqham t'akhesiyäna. Niyaquejjay jupajj jucha laycu sacrificiot catuyaschïnjja, jichhajj wali jaya maranacaw jacaraquini; wawanacapsti uñjasiraquiniwa, jupa tokeraquiw Tatitun amtatanacapajj suma phokhasini.

Levítico 17:5

Acasti Israelita jakenacan Tatituru loktapjjañapataquiwa, cawquïri uywanactejj pampana jiwayapqui ucanaca. Ucatsti sacerdoten nayrakataparu apjjañapataquiraqui, Tatitumpi Jiquisiñ Carpäquisa uca nayrakataru uscuñapataqui, uqhamat sacerdotejj ucanacjja uca jaketaqui, sumancthapiña sacrificiönacapsa loktjjañapataqui.

Levítico 7:3

Uca uywan take liq'inacapasti: cuna liq'itejj wich'inqhan utjqui, uqhamaraqui jiphillanacansa,

Levítico 8:25

Ucat Moisesajj liq'i caturaqui wich'inqhampi, uqhamaraqui take liq'i jiphillanaca, cuna liq'itejj q'iwcha patjjancqui ucanaca, uqhamaraqui paypacha maymurunaca, liq'inacapamppacha, cupi charampi cuna.

Levítico 9:19

Uca quipcaraquiw wawanacapajj uca orko vacana uqhamaraqui uca orko ovejampina liq'inacapa, wich'inqha liq'inaca, jiphilla liq'inaca, maymurunaca, uqhamarac q'iwchjjancqui uca liq'inaca catuyjjapjjaraquïna,

Números 7:88

Takpach uywanacasti sumancañaru mantañataqui sacrificiotaquejj acanacänwa: pä tunca vaca kallunaca, sojjta tunca orko ovejanaca, sojjta tunca cabritonaca, uqhamarac sojjta tunca mä maran ovejanaca. Aca ofrendanacaw altararu churatäna, cunapachatï catuyatäcäna ucapachajja.

1 Samuel 10:8

Gilgal sisqui uca chekaru nayrt'araquim, ucanwa nayajj jumampi jiquisï nact'ayata holocaustonaca, sacrificionaca sumancañataqui loktaraquëjja. Ucansti pakallko uruw suyt'äta, nayan puriniñajjcama, cuntejj siscäma uca luraraquïta.