Levítico 3:9 - Qullan Arunaka DC

⁹ “Khititix sumankthapiñatak mä oveja Tatitur luqtkani ukasti nakhantat waxt'jam luqtañapawa, wich'inkxa jikhanitpach khariqani, jiphillanakan lik'ipamppacha,

Aymar Bibliia 1986

⁹ “Qhititejj sumancthapiñatac mä oveja Tatitur loktcani ucasti naqhantat ofrendjama loktañapawa, wich'incjja jiqhanitpach qharekani, jiphillanacan liq'ipamppacha,

Qullan Arunaca

⁹ “Qhititejj sumancthapiñatac mä oveja Tatitur loktcani ucasti naqhantat ofrendjama loktañapawa, wich'incjja jiqhanitpach qharekani, jiphillanacan liq'ipamppacha,

Levítico 3:9 Jak'a apnaqawi uñst'ayäwi

2 Samuel 6:17

Tatitun arcapax mä chhujllaru apatäxänwa, Davidaw uka chhujlla wakichatayna. Ukatsti Davidax jank'akiw nakt'at waxt'anaka, sumankthapiñ wilañchanak Tatitun nayraqatapan luqtäna,

1 Reyes 3:15

Ikit p'arxtasinsti, Salomonax mä samkätap amuyasïna. Ukatsti Jerusalenar purisaxa, Tatitun arust'äwi lurat arcapa nayraqataruw uñstäna, ukatsti nakt'at wilañchanaka, sumankthapiñ waxt'äwinak luqtäna. Uka qhipatsti taqi yanapirinakapatakiw jach'a manq'äwi wakichayäna.

1 Reyes 8:63

Salomonasti Tatiturux sumankthapiñ wilañchanak luqtäna: pä tunka payani waranqa urqu vacanakampi, patak pä tunkan waranq ovejanakampi. Reyimpi, taqpach israelit jaqinakampisti, Tatitun utap ukham luqtapxäna.

1 Reyes 8:64

Ukürpachaw reyix Tatitun utapa uñkatasinkki uka chikachik utänqap luqtäna, ukan nakt'ayat wilañchanaka, granonakat waxt'äwinaka, sumankthapiñ wilañchanakan lik'inakap luqtarakïna, Tatitun nayraqatapan utjir broncet lurat altarax jisk'akïtap layku.

1 Crónicas 16:1

Tatitun arcapasti, Davidax uka amtampi lurkatayna uka chhujllar uchatänwa. Ukspachaw Dios nayraqatan nakt'at luqtäwinaka, sumankañ wilañchanak luqtäna,

Éxodo 29:22

“Ukxarusti ovejan lik'ip apsurakïta, wich'inkhata, jiphillapata, k'iwchapata, paypach maymurupata, kupi lankhu charapata; uka ovejan sacerdotenak luqtañatakïtap layku.

Proverbios 23:26

Munat wawaxay, taqi chuymamamp nayar ist'ita, iwxa arunakaxarjam sarnaqarakim.

Isaías 53:10

Tatituw juparux ukham t'aqhisiyäna. Niyakixay jupax juchanakas layku luqtasiwaychixa, jichhax wali jaya maranakaw jakani; wawanakaparus uñjarakiniwa, kuntix Tatitux munki uk phuqhani.

Levítico 17:5

Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.

Levítico 7:3

Uka uywan taqi lik'inakapasti: kuna lik'itix wich'inkhan utjki, jiphillanakana,

Levítico 8:25

Moisesasti uka urqu ovejan wich'inkhapa, kuna lik'inakatix jiphillanakana, k'iwchana, paypach maymurun utjkäna, kupi charampi, taqi ukanak aptäna.

Levítico 9:19

Uka kipkarakiw yuqanakapax uka urqu vacana, urqu ovejampin lik'inakapa, wich'inkhanaka, jiphill lik'inaka, maymurunaka, k'iwchxankki uka lik'inak katuyxapxäna,

Números 7:88

Sumankxañ wilañcha luqtañataki uywanakax, taqpachasti pä tunk pusin vaca qallunaka, suxta tunk urqu ovejanaka, suxta tunk chivonaka, suxta tunka mä maran ovejanaka, ukanakänwa. Taqi uka waxt'anakaw altar katuyxañatak luqtasïna, kunapachatix katuyatäkän ukapacha.

1 Samuel 10:8

Jichhasti Guilgal chiqar nayraqat sarkam, ukan nayax jumampi jikisï nakt'ayat waxt'äwinaka, sumankthapiñ wilañchanak luqtañataki. Nayan puriniñaxkamasti paqallqu uruw ukan suyäta, ukapachaw nayax jumar kuntix lurañamäki uk saskäma —sasa.