Levítico 26:16 - Qullan Arunaca

¹⁶ ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Aymar Bibliia 1986

¹⁶ ucapachasti nayajj jumanacampejj acanacwa luraraquëjja: Jumanacjjarojj ajjsarañanacwa apayanëjja, wali ajjsarcañ usunaca, nayra usunaca, uqhamarac janchiman aynacht'añanaca; inamayaw yapuchasipcäta, uca yapuchasitanacamsti uñisirinacamaw mank'antapjjani.

Qullan Arunaka DC

¹⁶ nayax jumanakampix akanak lurarakï: axsarañanaka, jiwayir usunaka, junt'u usunaka, nayra usunaka, janchin aynacht'añanaka, taqi uka usunak apayanï; inamayaw yapuchasipkäta, uka yapuchasitanakamsti uñisirinakamaw manq'antapxani.

Levítico 26:16 Jak'a apnaqawi uñst'ayäwi

1 Reyes 8:37

“Cunapachatï aca orakena utjcani mach'anacasa, usunacasa, ayrunacasa lupimpi wañsjjani, sirq'is sirq'intjjani, t'ijut'ijunacasa wal utjani ucqhajja; cunapachatï uñisirinacajj marcanacajjaru muyuntasina nuwantapcani, jan ucajj cuna jan walt'añanacasa usunacasa jutani ucqhajja,

Job 18:11

Take toketwa ajjsarañajj jutaraqui; sarnakäwipansti take chekansa juparus arcnakapcaspa uqhamwa amuyasiraqui.

Job 20:25

Mä flechaw cuerpopjja maysat maysa chhoksuni, uca flechan puntapasti q'iwchapa chekwa misturaquini. Ajjsarañampiw phokhantasini;

Job 31:8

ucapachasti yakhanaca yapojjatjja mank'pan, cuntejj ayruscta ucanacsa saphitpacha jiq'inucuracpan.

Salmos 109:6

Ñankha lurir jakeruy taripiripatac ucham, pachpa arjjatiripajj juchañchpan;

Salmos 73:19

Acatjamat t'unjatajj uñjasipjjani, ajjsarañamp tucjataw tucusipjjaraquini.

Salmos 78:33

Ucat Diosajj jacañ urunacap mä phust'arjamac tucuyäna, wali t'akhesiñ taypina.

Éxodo 15:26

Saraquïnwa: “Jumanacatejj naya Tatitu Diosaman arunacajja suma ist'apjjäta, ucat munañajjarjam lurapjjaraquïta, uqhamarac camachinacajjarusa, leyinacajjarusa phokhapjjaraquïta ucqhajj janiw cawquïr usunactejj egipcionacar apaycta ucanacampejj t'akhesiyapcämati. Nayätwa jumanacar c'umarachir Tatitumajja” sasa.

Proverbios 3:33

Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.

Isaías 10:4

Janitejj jisc'achatäpcäta, uqhamaraqui janitejj preso apatäpcäta, ucapachajj jaken jiwayatcamaw jiwarapjjäta. Ucampisa Tatitun colerasiñapajj janiw apaktquiti, jichhas jupajj ajjsarayascaquiwa.

Isaías 62:8

Tatitusti ch'amani cupi amparap aytasaw juramento luri: “Janipuniw mayampsa uñisirinacamampejj juman trigomjja mank'aycäti, janiraquiw jaya marcat jutir jakenacampis vinomjja umaycäti, ch'amamampi jicjjatatäsquiwa;

Isaías 7:2

Ucapachawa rey Acazaru familiapampiru aca yatiyäwi yatiyapjjäna: —Siria jakenacajj Efraín marcampiw mayacht'asjje —sasa. Ucapachasti reyisa, take jakenacasa ajjsarañat qhathatipjjäna cunjämatejj kokanacajj montenjja thayataquejj qhathatejj uqhama.

Jeremías 12:13

Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Jeremías 15:3

“Naya Tatituw ucjja arsta: Jichhajj pusi casta mutuyäwinacwa apayanipjjäma: Guerran jiwarapjjäta, anunacaw katatnakapjjätam, siwek'aranacaw mank'apjjätam, montenquir animalanacaw mank'apjjaraquïtam.

Jeremías 15:8

Jupanac taypinsti ijma warminacjja, kotalac ch'allanacat sipansa juc'ampi jila jaytaractjja. Chica urpachaw jiwañsa puriyaniractjja, jach'a wawanacani warminacjjarusa, acatjamatwa jupanacjjarojj llaquisiñampi ajjsarañampi puriyaniracta.

Jeremías 20:4

Tatitusti siwa: ‘Jumarusti mä ajjsarcañaruw juma pachpataqui, take amigonacamataquisa tucuyäma. Juman uñjcatawa amigonacamajj uñisirinacan espadanacapampi jiwarayata uñjasipjjani. Take Judá oraken utjirinacarusti Babilonianquir reyin amparaparuw catuyaraquëjja, juparaquiw preso aparaquinejja Babilonia orakcama, jan ucasti cuchillompi thiyat jiwarayaracchini.

Jeremías 5:17

Jupanacasti yapunacamwa catuntasipjjani, t'ant'amsa mank'antapjjaraquini, imill wawanacamsa, yokall wawanacamsa mank'antapjjaraquiniwa, ovejanacamsa, vaca kallunacamsa mank'antapjjaniwa, uqhamaraqui uva yapunacamsa, higo yapunacamsa. Jumajj alcatascta uca jach'a perkani marcanacamsa armanacapampiw t'unjapjjani.”

Ezequiel 24:23

Janiraquiw k'ara p'ekesa, k'ara cayusa sarnakcjjapjjätati. Janiraquiw jaqhusjjapjjätasa, ni jachcjjapjjaraquïtasa. Ñankha juchanac lurapjjatam laycusti jan ch'amaniw uñjasipjjäta, ucatsti jumanaccamaw jachapjjaraquïta.

Ezequiel 33:10

“Jumasti, chacha, Israel marcarojj saraquim: ‘Jumanacajj sapjjtawa: Juchanacampi jan wali lurañanacampi phokhantatätanwa. Ucatpï jichhajj jacquirpacha ñusantasctanjja. ¿Cunjämaraqui jiwasasti jacsna? sasa.

Amós 5:11

Janiw kalat lurasipcta uca suma utanacan jacapcätati, janiraquiw uca suma uva yapunac yapuchasipcta ucats vino umapcätati. Pobrenacar taquichasipjjatamata, uqhamarac trigotsa impuesto apsupjjatamampitjja.

Miqueas 6:15

Yapuchascätawa, ucampis janiw cosech apthapcätati; aceitunanacsa pekascätawa, ucampis janiw aceitjja apscätati; uva tacsuscätawa, ucampis janiraquiw vinjja umcätati.

Hageo 1:6

Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Zacarías 14:12

Cawquïr marcanacatejj Jerusalenampi nuwasipcän ucanacarojja Tatitojj walpuni mutuyanejja, jakenacarojj jacquirpacharuw janchipas ñusantanejja, nayranacapas pachparuw ñusantaraquinejja, lajjranacapas laca pachparuraqui.

Malaquías 2:3

“Nayaw yapunacamarus ñankhacharaquï, take ch'amanacamsa apakapjjaraquïmawa, ucatsti cawquïri uywanactï sacrificio loktañataqui apanipcäta uca uywanacan wanupampiraquiw ajanuta khallcatapjjäma. Ucatsti uca quicpa wanumpi chicaraquiw pichanucutäpjjäta.

Deuteronomio 28:51

Jupanacasti uywanacaman kallunacapa, orakenacaman achunacapwa mank'antapjjaraquini jan cunan tucuyañcama; janiraquiw trigomsa, ni aceitemsa, ni vinomsa, ni vacaman, ni ovejaman kallunacapsa jilt'aycaniti, ucapachasti jumajj mank'atjamaw jiwaraquïta.

Deuteronomio 32:25

Thaquinacansa, wawanacapajj espadampi jiwarayatäpjjaniwa, uta mankhepansa ajjsarañaquiw utjani; yokall wawasa, imill wawasa jiwarapjjaniwa.

Hebreos 10:31

¡Wali ajjsarcañawa jacquir Diosan amparaparu jalt'añajja!

Jueces 6:11

Ucatsti Diosana mä angelapajj jutasinjja Ofra sat chekansti encina sat koka patjjaruw kont'asïna. Aca orakesti Joás sat chachancänwa, jupajj Abiezer sat familianquirïtap laycu. Gedeón sat Joás sat chachan yokapasti mä jamasa chekanjja trigo thalascäna, cawqhantejj uvanaca taquipjjerïcäna vino lurañataqui ucqhana, jani madianitanacampi uñjayasiñataqui.

1 Samuel 2:33

Ucampisa familianacamat mä kawkhanirojja altarajj jac'aruw kheparayaraquï uqhamat nayranacapas envidiascäwi tucusiñapataqui almanacapas t'akhesiñat tucusipjjañapataqui, ucatsti take mayni wawanacamajj jiwarayataraquïniwa.