Levítico 20:9 - Qullan Arunaca

⁹ “Qhititejj awquiparu, uqhamarac taycaparusa maldicini ucasti jiwayatäñataqui juchañchatäniwa. Jupajj awquiparu, uqhamarac taycaparuwa maldicejja, uca laycu jupa quipcaw jiwatapatjja juchanïscani.

Aymar Bibliia 1986

⁹ “Qhititejj awquiparu, uqhamarac taycaparusa maldicini ucasti jiwayatäñataqui juchañchatäniwa. Jupajj awquiparu, uqhamarac taycaparuwa maldicejja, uca laycu jupa quipcaw jiwatapatjja juchanïscani.

Qullan Arunaka DC

⁹ “Khititix awkiparu, taykaparu ñanqhachani ukax jiwayatäñatak juchañchatäniwa.

Levítico 20:9 Jak'a apnaqawi uñst'ayäwi

2 Samuel 1:16

Davidasti ucatjja saraquïnwa: —Jumapachaw jiwatamat juchanïsctajja, jumapacharaquiw juchamsa arsusiscaractajja, Tatitun ajllit reyiparu jiwayatamjja —sasa.

1 Reyes 2:32

Tatituwa jupana jiwatapatjja juchañchascani, Joab chachasti jan awquejjaru yatiyasawa, jupat sipansa juc'ampi pä asqui suma chachanacaru cuchillompi chhokhontasina jiwayäna: Ner jaken Abner yokaparu, jupasti Israelan ejercitopan jilïripänwa, Jeter ucan Amasa yokaparuraqui, jupasti Judá ejerciton jilïriparaquïnwa.

Éxodo 21:17

“Uqhamarac qhititejj awquiparu, taycaparu maldiscani jan ucajj cuna jan wali arunacampis tokcani ucajja jiwañaparaquiquiwa.

Proverbios 20:20

Qhititejj awquiparu, taycaparu ñankhachqui ucajja, wali ajjsarcaña ch'amacanwa jiwani.

Proverbios 30:11

Yakhep jakenacajj awquiparojj ñankhachapjjewa; janiraquiw taycaparus bendisipquiti.

Proverbios 30:17

Qhititejj awquiparu jisc'achqui, uqhamarac chuyman taycapatsa sawcasqui ucajja, waquisiwa cuervo sat jamach'impi jupan nayranacapajj apsutäñapa, janchipas siwek'aranacan mank'antatäñapa.

Ezequiel 18:13

Kollkepsa walja ganancianac jicjjatañataqui mayt'ani, uqhamaraqui walja interesanac mayiraquini; uca jakesti jiwaniwa, janiw jaccaniti. Take ucanaca, cuntejj nayajj ajjtascta ucanaca luratapatsti jiwaniwa, jiwatapatsti jupa pachparaquiw juchanïscani.

Ezequiel 22:7

Jakenacamasti janiwa awquinacaparusa, taycanacaparusa suma uñjapcaraquiti, yakha marcat jutiri jakenacarusa ñankhachapjjaraquiwa, wajchanacarusa, ijma warminacarusa inaquiw irnakayapjje.

Levítico 20:16

“Mä warmitejj mä uywampi lat'ayasini, cuna cast uywäscpasa, ucasti jiwayatäniwa, uqhamarac uca uywasa; jupanacpacharaquiwa juchanïsipcani jiwatanacapatjja.

Levítico 20:27

“Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Mateo 15:4

Diosasti siwa: ‘Awquimar taycamar jach'añcham. Awquiparu taycaparu ñankhachirejja jiwañapawa’ sasa.

Mateo 27:25

Take jakenacaraquiw ucjjarojj mayac arsupjjäna: —¡Nanacaw wawanacajjamppacha juchanïpjjä uca jaken jiwäwipatjja! —sasa.

Marcos 7:10

Moisesasti sänwa: ‘Awquimaru taycamaru jach'añcham.’ ‘Qhititejj awquipar taycapar maldicinejja, jiwayatäpan’ sasa.

Deuteronomio 27:16

‘Maldicitäpan cawquïritejj awquiparus taycaparus jan munasiñampi uñjcan ucajja.’ Ucatsti takpach marcaraquiw saraquini: ‘Uqhamäpan’ sasa.

Josué 2:19

Uta mankhanquirit cawquïritï ankaru mistuni ucasti jupa pachpaw jiwascani, janiw nanacati juchanïpcäjja. Ucatsti cawquïritejj uta mankhancascani ucar jiwayañ munapjjanejja, nanacaw jupatjja arjjatapjjä.

Jueces 9:24

Uqhamata Abimelec chachajja Jerobaal awquipan pakallk tunca yokanacapa jiwarayatapat pago catokañapataqui, uqhamarac Siquem marcanquirinacasa pago catokapjjañapataqui yanapapjjatap laycu.