Levítico 20:8 - Qullan Arunaca

⁸ Nayan leyinacajjsti phokhapjjapunim, ucarjamaraqui sarnakapjjam. Nayätwa Tatitojja, nayaw jumanacarojj nayataqui yakhachasipjjaracsma.

Aymar Bibliia 1986

⁸ Nayan leyinacajjsti phokhapjjapunim, ucarjamaraqui sarnakapjjam. Nayätwa Tatitojja, nayaw jumanacarojj nayataqui yakhachasipjjaracsma.

Qullan Arunaka DC

⁸ Nayan kamachinakaxsti phuqhapxapunim, ukarjamarak sarnaqapxam. Nayätwa Tatituxa, nayatakiw jumanakarux yaqhachasipxsma.

Levítico 20:8 Jak'a apnaqawi uñst'ayäwi

Éxodo 31:13

“Jumasti israelitanacarojj aqham sasa yatiyam: ‘Jumanacasti nayan samarañ urunacajj-jja imapjjätawa, ucasti mä unanchawa wiñayataqui nayampi jumanacampitjja, uqhamatwa jumanacajj yatipjjäta naya Tatitojj jumanacaru ajllisitajja.

Ezequiel 20:12

Uqhamaraquiwa jupanacarojj yatiyta nayan samaraña urojj toketsa, ucasti mä unañchäwiñapänwa nayampi jupanacampi cuna arust'äwtejj lurapcta uca toketa, uqhamaraqui mä amtasïwiñapänwa naya Tatitojj jupanacaru nayataqui yakhachasitajjata.

Ezequiel 37:28

Cunapachatejj nayan kollan templojjajj jupanac taypin wiñayataqui ucancani ucapachaw yakha marcanacajj nayan Israel marcaru ajllisitajja yatipjjani, nayataquejja mä suma kollana ajllisitajjäcaspas uqhama.’ ”

Levítico 19:19

“Nayan leyinacajjsti phokhapunim. Uywanacamsti janiraqui yakha casta uywanacampi catusiyamti. Janipun orakemarojj take casta jathanaca chharktasin yapuchamti. Janiraqui take casta telanacat lurata isinacampi isisimti.

Levítico 19:37

“Uqhamasti take leyinacajjsa, uqhamarac arsutanacajjsa phokhapjjapunim. Nayätwa jumanacan Tatitu Diosamajja.”

Levítico 20:26

Jumanacajj nayataquejj yakhachatäpjjañanacamapuniwa, naya jumanacan Tatitu Diosamasti jumanacataquejj yakhachatätwa, ucampisa yakha marcanacat sipansa yakhachapjjaracsmawa, jumanacajj nayancapjjañanacamataqui.

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Levítico 22:32

“Nayan kollana sutejjsti janipuni taquisimti, uqhamatwa take israelitanac taypinjja nayajj asquit uñt'atayäjja. Naya Tatituw jumanacarojj nayataqui yakhachasipjjsma,

Mateo 12:50

Qhitinacatejj Awquejjan munañapa lurqui, ucanacawa nayan jilajjajja, cullacajjasa, taycajjaraquisa —sasa.

Mateo 23:17

¡Jan amuyun juyqhunaca! ¿Cunas juc'amp wali waquisirejja, koriti, jan ucajj uca koriru kollana tucuyquisa uca templocha?

Mateo 5:19

Ucatpï sapjjsmajja, take qhititï uca camachir jan phokcchejja, mä jisc'a camachïcchi ucasa, ucatsti uqhamaraqui jakenacarojj yatichchejja, ucasti alajjpach marcanjja sinti jisc'at uñt'atäniwa; ucatsipan qhititejj camachir phokchejja, ucat uqham yaticharacchi phokhañjja, ucasti jach'añchatäniwa alajjpach marcanjja.

Mateo 7:24

“Qhititejj ist'quitu ucat cuntejj siscta uc luraraquejja, ucajj mä suma amuyun jakempi sasiwa, utapsa mä karka pataru lurascaspa uqhama.

Juan 13:17

Acanactejj amuyt'apjjäta, ucat lurapjjaraquïta ucajja, cusisitäpjjätawa.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

1 Tesalonicenses 5:23

Pachpa sumancañ Diosajj jumanacarojj phokhat k'omachäwimp k'omachpan, uqhamarac imaracpan ajaysa, almsa, janchissa, jan acch'a juchani Tatit Jesucristosan jutañapcama.

2 Tesalonicenses 2:13

Ucampis nanacajj jumanacatjja Diosar yuspagarañajj waquisipjjapunituwa, Tatitun munat jilatanaca, jupaw jumanacarojj chhijllapjjtam, nayrïri khespiyatanacäpjjañamataqui, kalltatpachwa ajllipjjtam khespitäpjjañamataqui, Ajayojj k'omachapctamsa uca toke, uqhamarac Diosan arunacapar iyawsapjjatamata.

Santiago 1:22

Ucampis cuntejj Diosan arunacapajj yatichquistu uc lurapjjaraquim, janiraqui alek isch'uquirinacaquïpjjamti, uqham alek isch'uquisajja jumanacpachaquiw sallkjasisipcasma.

Apocalipsis 22:14

“Cusisiñanïpjjewa qhitinacatejj isinacapa t'ajjsusipjje jacañ kokat mank'asiñataqui, uqhamarac marcar puncu chek mantañataquisa.