Levítico 19:30 - Qullan Arunaca

³⁰ “Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Aymar Bibliia 1986

³⁰ “Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Qullan Arunaka DC

³⁰ “Sábado urunak imapxapunim. Nayan utaxatakisti wali axsartañax utjarakpan. Nayätwa Tatituxa.

Levítico 19:30 Jak'a apnaqawi uñst'ayäwi

2 Crónicas 33:7

Ucjjarusti Tatitun templopana c'ari diosana uñnakapa luraycäna ucwa uchayäna, uca toketsti Diosajj Davidarojj ewjjänwa, uqhamarac Salomón yokaparusa, aqham sasa: “Israelana take tribupata ajlliscta, uca Jerusalenanquiri templonwa sutejjajj wiñayataqui ucancani.

2 Crónicas 36:14

Uqhamaraquiw Judá orakenquir jilïrinacasa, sacerdotenacasa, uqhamarac jakenacasa juc'amp jan walinaca lurapjjäna, jucharar marcanacan ajjtcaña luräwinacapa lurasina, uqhamarac Tatitun templopa taquichasina, cuntejj Tatitojj Jerusalenan santuario ajlliscäna uca.

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Éxodo 20:8

“Amtasïtaw samarañ urutjja, uca urojj Diosaru jach'añchañataqui,

Eclesiastés 5:1

Cunapachatï Diosan temploparu saräta ucqhajja, sarnakañanjja sum amuyasim, juc'amp jac'achasim ist'añataqui, pisi amuyt'an jakenacjama mäqui jan arscamti sacrificio churañataqui, jupanacasti janiw amuyasipquiti jan wali luratanacapsa.

Levítico 10:3

Ucatsti Moisesajj Aaronarojj saraquïnwa: —Tatitojj acpï sañ munänjja cunapachatejj siscäna: ‘Qhitinacatejj nayaru jac'achasipjjetani ucanacarusti k'oma cancañajjwa uñacht'ayäjja, take israelitanacarusti c'ajquir khanajjwa uñacht'ayaraquëjja’ —sasa. Aaronasti uca arunaca ist'asajj janiw cunsa siscjjänti.

Levítico 15:31

Uqhamatwa jumanacajj israelitanacatjja take k'añunacjja jayaru apanucjjapjjäta, jan jiwarapjjañapataqui cawqhantejj nayajj utjcta uca cheka k'añuchapjjatap laycu.”

Levítico 16:2

Ucat Tatitojj Moisesarojj aqham saraquïnwa: “Aarón jilamarojj saraquim, jan cuna horasasa mantacpati cawquïri kollan chekantejj velo khepäjjan utjqui uca chekarojja, uqhamaraqui cawquïri tapatejj arca khophitäqui juchat pampachatäñataqui uca nayrakatarusa, jan jiwarapjjañapataqui; nayasti mä kenayanwa uñstaraquï uca juchat pampachatäñäqui uca tapa patjjana.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 26:2

Samarañ urunacajjsti suma uñjapjjaraquim, nayan kollanawja cheksti suma wakaychapjjaraquim. Nayätwa Tatitojja.

Mateo 21:13

Ucatsti saraquïnwa: “Kellkatanjja siwa: ‘Utajjasti Diosat mayisiñ utäniwa’ sasa, ucampis jumanacajj lunthatanacan putupwa wact'ayasipjjatätajja” sasa.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

1 Pedro 4:17

Horasajj purinjjewa, Diosan taripäwipajj wawanacapata kalltañapataqui. Taripäwitejj jiwasampi uqham kalltchi ucajja, ¿cunjämaraquïni qhitinacatejj Diosar jan iyawsapqui ucanacan tucuyapasti?