Levítico 19:30 - Qullan Arunaka DC

³⁰ “Sábado urunak imapxapunim. Nayan utaxatakisti wali axsartañax utjarakpan. Nayätwa Tatituxa.

Aymar Bibliia 1986

³⁰ “Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Qullan Arunaca

³⁰ “Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Levítico 19:30 Jak'a apnaqawi uñst'ayäwi

2 Crónicas 33:7

Ukhamarak Diosan utaparux yaqha diosar uñtasit luraykatayna uk uchayäna, uka tuqitsti Diosax Davidampiru, Salomón yuqapampirux sataynawa: “Israelan ayllunakap taypit Jerusalenankki uka uta ajllista, sutixan wiñayatak ukankañapataki.

2 Crónicas 36:14

Judá uraqinkir jilïrinakasa, sacerdotenakasa, marka jaqinakasa juk'amp jan walinak lurapxäna, jucharar markanakan axtkañ luräwinakap lurasa, ukhamarak Tatitun ajllit utap jan axsart'as takichasa.

Salmos 89:7

7 (8) Taqi ch'aman axsarkay Diosätawa, alaxpachankirinakampi muyuntatätawa.

Éxodo 20:8

“Sábado urut amtasïta, uka urun Diosar jach'añchañataki.

Eclesiastés 5:1

1 (17) Kunapachatix Diosan utapar sarkät ukkhaxa, sarnaqäwim uñakipasim, ñanqha lurir jaqinakan wilañchap luqtañat sipansa, ist'añatak jupar jak'achasim.

Levítico 10:3

Moisesasti Aaronarux sarakïnwa: —Tatitux akpï sañ munänxa kunapachatix siskäna: “Nayar jak'achasirinakarux q'uma kankañax uñacht'ayä, taqi israelitanakarusti k'ajkir qhanax uñacht'ayarakï” —sasa. Aaronasti uka arunak ist'asax janiw kunsa siskxänti.

Levítico 15:31

ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Levítico 16:2

Ukat Tatitux Moisesar säna: Aarón jilamarux akham sas yatiyam, jan kuna pachas mantkpati kawkïr qullan chiqatix velo qhipäxan utjki uka chiqaruxa, janirak arcar qhupxatatäki uka nayraqatarus mantkpati, ukhamat jan jiwañapataki; nayasti mä qinay taypin uka juchat pampachayasiñäki uka qhuphiñ patxan uñstarakï.

Levítico 19:3

“Sapa maynisa awkiparu taykaparu yäqas sarnaqpan. “Nayan sábado urunakaxsa imapxarakim. Nayätwa jumanakan Tatit Diosamaxa.

Levítico 26:2

Nayan qullan utaxsti sumpun yäqapxam, sábado urusti samarapxarakim. Nayätwa Tatit Diosaxa.

Mateo 21:13

ukat sarakïna: —Qillqatanxa siwa: ‘Utaxasti Diosat mayisiñ uta satäniwa’, ukampis jumanakax lunthatanakan putup tukuyxapxatätaxa —sasa.

2 Corintios 6:16

Janiw Diosan utapampi yaqha diosanakan utapampix mayakïkaspati. Jiwasax jakkir Diosan utapätanwa, kunjämtix Dios kipka siski ukhama: “Jupanak taypin jakä, sarnaqarakï; nayaw jupanakan Diosapäyä, jupanakasti nayan markaxäniwa” sasa.

1 Pedro 4:17

Diosax markapar taripañ qalltkani uka urux purinxiwa. Uka taripäwitix jiwasampi ukham qalltchinixa, khitinakatix Diosar jan iyawsapki ukanakan tukuyäwipax, ¿kunjamäpachanisa?