Levítico 19:26 - Qullan Arunaca

²⁶ “Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Aymar Bibliia 1986

²⁶ “Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Qullan Arunaka DC

²⁶ “Janipun kunsa wilanpach manq'apxamti. “Janipun yatirïñ munapxamti, kunatix akat qhiparux luraskani ukanak yatiñarus janipun uskusipxamti.

Levítico 19:26 Jak'a apnaqawi uñst'ayäwi

Génesis 44:5

Uca copajj uywirejjan umasiñapawa, uqhamarac yatjjataña coparaquiwa. ¡Jan walpun lurapjjtajja!’ —sasa.

Génesis 9:4

Ucampis wilanpach aychjja janiw mank'apjjätati, jacañajj wilancatap laycu.

2 Reyes 17:17

Uqhamaraquiw yokall, imill wawanacaparusa naqhantayapjjäna, ucatsti jupanacajj yatirinacaru, laykanacaruw jisct'asipjjäna, ucatjja Tatitun nayrakatapanjja jan wali lurañanacaruwa catuyasipjjäna, uqhamata jupar colerayasina.

2 Reyes 21:6

Ucjjarusti wawanacaparuwa naqhantayäna sacrificion loktasina. Ucatsti yatïnwa ajayunacaru jawsaña, uqhamarac yatirinaca apnakañsa, ucatjja utt'ayänwa ajayunacampi parlaña, uqhamarac laykasiñanaca. Tatitun nayrakatapansti luratanacapajj sinti jan walinacänwa, uqhamatwa Tatitur wali colerayäna.

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

Éxodo 7:11

Uca uñjasinsti faraonajj wali amuyt'an jakenacaru, uqhamarac jupanacan wali yatiri jakenacaruw jawsayanïna, ucatsti uca jakenacajj yatiñanacapampejja quipcaracwa lurapjjaraquïna;

Éxodo 8:7

Ucampis jach'a yatiri jakenacajja yatiñanacapampejj quipcacracwa lurapjjaraquïna, jupanacasti c'ayranacapjja Egipto orakerojj jutayapjjaraquïnwa.

Jeremías 10:2

Tatitojj siwa: “Jan yakha marcanacan luräwinacapa arcapjjamti, janiraqui alajjpachan unañchäwinacatsa sustjasipjjamti, cunjämatejj uca marcanacajj sustjasipjje uqhama.

Daniel (hebreo) 2:10

Yatiñani jakenacasti ucjjarojj sapjjaraquïnwa: —Janiw qhitis aca orakenjja utjquiti, jach'a reyejj, cuntejj munqui uca khanañchirjamajja. Uqhamarusa janipuniw qhiti reyisa, kawkha jach'a munañanïscpasa, qhiti magorusa, layka jakerusa, yatiñani jakerusa maycänti cunjämatejj jumajj maycta uqhamjja.

Levítico 19:25

pheska mara purinjjepansti jumanacajj uca achunacatjja mank'jjapjjaraquïtawa. Uqhamatwa uca kokajj juc'ampi jumanacataquejj achuraquini. Nayätwa jumanacan Tatitu Diosamajja.

Levítico 3:17

“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Levítico 7:26

“Cawqhantï jumanacajj jacapjjäta, uca chekanacanjja janipuniw jamach'inaca, ni uywanacan wilapsa mank'apjjätati.

Malaquías 3:5

Take ch'aman Diosasti siwa: “Nayaw jumanacaru juchañchiri jutä. Uca quipcaraquiw nayajj testigot sayt'ä qhitinacatejj laykasipqui, yakha warminacampi sarnakapqui, c'ari juramento lurapqui, irnakerinacarusa jan pagapquiti, ijmarus wajcharus jachayapqui, yakha marcat jutir jakenacarus jan wal uñjapqui, uqhamaraqui jan ajjsarapquituti take ucanacjjarojja.”

Hechos 15:20

Waquisispaw jupanacar aqham sas kellkaña: ‘Yakha diosanacar loktatäquis ucanacjja jan mank'apjjamti. Janirac wachoka juchsa lurapjjamti, ni cuncat jaychjat jiwayat uywanacsa, ni wilsa mank'apjjamti’ sasa.

Deuteronomio 12:16

Ucampis janiw wiljja mank'apjjätati jan ucasti orakeruw waranucupjjäta umäcaspas uqhama.

Deuteronomio 12:23

Ucampis janiw cuna laycus wilapjja mank'apcasmati, wilajj jacañätap laycu; uqhamajj janiw jacañjja wilampi chica mank'antapcasmati.

Deuteronomio 15:23

Ucampis janiw wilapjja mank'ätati, jan ucasti orakeruw waranucüta umäcaspas uqhama.

1 Samuel 14:32

Uqhamasti ejercitojj cuntejj uñisirinacapat aparapcatayna, ucaruw jaljjatapjjäna; ucat ovejanaca, vacanaca, vaca kallunaca catusinsti qharirapjjänwa, ucat aychapjja wilamppacha mank'antapjjäna.

1 Samuel 14:33

Ucampisa yakhepanacajj Saúl reyir yatiyiriw sarapjjäna: —Jakenacajj Tatitu contraw jucha lurasqui, aycha wilamppacha mank'asajja —sasa. Ucat Saúl reyejj saraqui: —¡Jumanacajj jan wali jakenacäpjjtawa! Mä jach'a kala acacama korumiyasa apanirapipjjeta.

1 Samuel 15:23

Jupa contra sayt'asirejja, qhititejj laykasiñanac lurqui ucampi sasiwa; yakha diosanacar yupaychirimpi sasiwa qhititejj jupar jan ist'qui ucajja. Cunjämatejj jumajj arunacapar apanuctajja, jichhajj uqham luratam laycuw jupajj reyitjja apanucjjtam.”