Levítico 19:26 - Qullan Arunaka DC

²⁶ “Janipun kunsa wilanpach manq'apxamti. “Janipun yatirïñ munapxamti, kunatix akat qhiparux luraskani ukanak yatiñarus janipun uskusipxamti.

Aymar Bibliia 1986

²⁶ “Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Qullan Arunaca

²⁶ “Janipun mank'apjjamti cunsa wilanïni ucanacjja. Janipun yatirïñjja munapjjamti, janiraqui cunatejj acat kheparojj lurascani ucanaca yatiñarusa uscusipjjamti.

Levítico 19:26 Jak'a apnaqawi uñst'ayäwi

Génesis 44:5

Uka qirux uywirixan umasiñapawa, yatxatañ qirurakiwa. ¡Jan walpun lurapxtaxa!” —sasa.

Génesis 9:4

Ukampis wilanpach aychxa janiw manq'apxätati, jakañan wilankatap layku.

2 Reyes 17:17

Yuqall wawanakaparusa, imill wawanakaparus nakhantayapxarakïnwa, ukatsti yatirinakampiru, layqanakampiruw jiskt'asipxäna, jupanakas jutir urunakat yatipkaspa ukhama, Tatitun nayraqatapan jan wali lurañanakaruw katuyasipxarakïna, ukham lurasaw jupar q'apisiyapxäna.

2 Reyes 21:6

Ukxarusti wawanakaparux wilañcha luqtasaw nakhantayäna, ukatsti ajayunakar jawsañampi, jamusiñanakampi yatïna, ukatsti ajayunakampi parlaña, layqasiñanakampi utt'ayäna. Luratanakapasti Tatitun nayraqatapan sinti jan walinakänwa, ukhamat Tatitur wali q'apisiyäna.

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

Éxodo 7:11

Uk uñjasinsti faraonax yatiñan jaqinakaparu, layqanakaparuw jawsayanïna, jupanakasti yatiñanakapampix kipkarak lurapxäna;

Éxodo 8:7

7 (3) Yatiri jaqinakasti yatiñanakapampix kipkakirak lurapxäna, jupanakasti Egipto uraqir k'ayra jamp'atunak jutayapxarakïna.

Jeremías 10:2

Tatitux siwa: “Yaqha markanakan luräwinakapar jan arkapxamti, alaxpachan unañchäwinakatsa janirak mulljasipxamti, kunjämatix uka markanakax mulljasipxi ukhama.

Daniel (hebreo) 2:10

Yatiñani jaqinakasti ukxarux sapxarakïnwa: —Janiw khitis aka uraqin utjkiti reyin mayitaparjam qhanañchirixa. Janipuniw khiti reyisa, qawqha jach'a munañanïskpasa ukham maykänti, khiti yatirirusa, layqa jaqirusa, yatiñani jaqirusa.

Levítico 19:25

phisqa mara purinxipan jumanakax uka achunak manq'xapxäta. Ukhamat uka quqax juk'ampi achunakanïni. Nayätwa jumanakan Tatit Diosamaxa.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Levítico 7:26

“Kawkhantix jumanakax jakapkäta, uka chiqanakan janipuniw jamach'inaka, jan ukax uywanakan wilapsa manq'apxätati.

Malaquías 3:5

Taqi ch'aman Tatitux siwa: “Nayaw jumanakar taripir jutä. Ukhamarus nayax uñjkta ukanak arsü khitinakatix layqasipki, yaqha warminakamp sarnaqapki, k'ari juramento lurapki, irnaqirinakarus sallqjapki, ijmanakarusa, wajchanakarus jachayapki, yaqha markat jutir jaqinakarus jan wal uñjapki, nayarus jan axsarapkituti ukanakatakiw arsurakï.

Hechos 15:20

Jan ukasti jupanakar mä qillqat apayañaw wakisispa: ‘Idolonakar luqtat manq'anak jan manq'apxañapataki. Janirak axskatas jiwat uywanak manq'apxañapataki, wilan aycha jan manq'apxañapataki. Ukhamarusa, Moisesan kamachipan jark'atäki uka wachuq jucha lurañanak apanukupxañapataki.’

Deuteronomio 12:16

Ukampis janiw wilxa manq'apxätati jan ukasti uraqiruw waranukupxäta umäkaspas ukhama.

Deuteronomio 12:23

Ukampis janiw kuna laykus wilap manq'apxätati, wilax jakañawa; ukhamasti janiw jakañxa wilampi chika manq'antapkasmati.

Deuteronomio 15:23

Ukampis janiw uka uywanakan wilap manq'ätati, uraqiruw waranuküta, umäkaspas ukhama.

1 Samuel 14:32

ukhamasti kuntix ejercitox uñisirinakapat aparkatayna ukaruw jalxatapxäna; ukat ovejanaka, vacanaka, vaca qallunaka katusin kharirapxäna, aychapsti wilamppach manq'antapxäna.

1 Samuel 14:33

Yaqhipanakasti Saúl reyir yatiyiriw sarapxäna: —Jaqinakax Tatitu nayraqatan wilamppach aycha manq'antasax juch lurasipki —sasa. Ukat Saúl reyix sarakïna: —¡Jumanakax aljantir ch'uxña jaqinakäpxtawa! Mä jach'a qala qurumiyas aka chiqkam apanirapipxita.

1 Samuel 15:23

Jupar kutkatirixa, layqasiñanak luririmpi sasiwa; jan ist'asirïki ukasti, yaqha diosanakar yupaychirimpi sasiwa. Juman arunakapar jan jaysatamatsti, jupax janirakiw juman reyïñam munkiti” sasa.