Levítico 18:5 - Qullan Arunaca

⁵ “Nayan arsutanacajjsti, uqhamarac leyinacajjsa phokhapjjapunim. Cawquïri jaketejj ucanaca phokcani ucasti jacaniwa. Nayätwa Tatitojja.

Aymar Bibliia 1986

⁵ “Nayan arsutanacajjsti, uqhamarac leyinacajjsa phokhapjjapunim. Cawquïri jaketejj ucanaca phokcani ucasti jacaniwa. Nayätwa Tatitojja.

Qullan Arunaka DC

⁵ “Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Levítico 18:5 Jak'a apnaqawi uñst'ayäwi

Nehemías 9:29

Jumasti jupanacarojj ewjjt'äyätawa leyinacama phokhapjjañapataqui; ucampis jupanacajja walicjamacwa amuyasipjjäna, ucatsti janiw arunacamarojja ist'apcänti. Ucatsti jupanacajj janiw phokhapcänti camachi arunaca, qhitinacatejj phokhasina jacaña jicjjatapjjañanacapäcäna ucjja; jupanacajj juma contraw tucupjjäna, uqhamarac chuymanacapa kalarayasisa janiw ist'apcänti.

Éxodo 6:2

Diosasti Moisesar parlasinjja sänwa: —Nayätwa TATITOJJA.

Éxodo 6:29

saraquïnwa: —Nayätwa Tatitu Diosajja. Jichhasti Egiptonquir faraón reyiru cuntejj nayajj siscäma ucanaca yatiyanim.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Isaías 55:3

Nayan ucar jutapjjam, ucatsti ist'apjjeta, ist'apjjeta, ucatsti jacapjjätawa. Nayaw jumanacampejj wiñay arust'äwi lurä, uqhamat phokharaquï cuntejj mä uru Davidarojj munasiñampi arscta ucjja.

Ezequiel 18:9

Leyinacajjarjamaw cunsa luraraqui, camachi arunacajjarus phokharaquiwa. Uca jakejj chekpachansa asqui, cheka jakewa, jupasti jacaraquiniwa. Naya Tatituw ucjja arsta.

Ezequiel 20:11

ucanwa jupanacarojj leyinacajja, camachi arunacajj churaracta, qhititejj uca arunacajjarjam sarnakqui ucanacasti jacañwa catokapjjaraquini.

Ezequiel 20:13

Ucampisa jupanacajj wasara tokenjja naya tokew sayt'asjjapjji, leyinacajjarusti janiraquiw jaysapquisa; cuna camachi arunactejj nayajj jupanacaru churcäyät ucanacsa apanucupjjaraquiwa, jupanacasti uca camachi arunacar phokhasajj jacañwa catokapjjasapänjja, uqhamaraqui samaraña urojjsa k'alwa taquisipjjaraqui. Ucatwa nayajj jupanacjjaru colerajj wartaniñ munayäta, pachpa wasaran jupanacar tucjañataqui.

Ezequiel 20:21

“Ucampisa jupanacan wawanacapajj nayataquejj sayt'asipjjaraquiquïnwa. Leyinacajjsa, camachi arunacajjsa janiw phokhapcaraquïnti ni ucarjamas sarnakapcaraquïnti, uca arunacasti qhitinacatejj ucarjama sarnakapqui ucanacarojj jacaña churi, samaraña urunacajjsa taquisipjjaraquïnwa. Nayasti uca pachpa wasaranwa jupanacarojj colerasiñajj wartaniñ munäyäta, pachpa wasaran jupanacar tucjaña, uqhamat colerasiñajjajj samarañapataqui.

Levítico 18:6

“Janipuniw cawquïri jakesa pachpa familiapana utjiri warmirojj jac'achasiñapäquiti uca warmimpi jucha lurañataquejja. Nayätwa Tatitojja.

Malaquías 3:6

“Nayätwa Tatitu Diosajja, nayasti pachpaquïsctwa. Ucatwa jumanacajj Jacobon wawanacapa jan t'unjatäpctati.

Mateo 19:17

Jesusasti sänwa: —¿Cunatsa ‘asquinacjjat’ jisct'ista? Mayaquiw asquejja utji, ucasti Diosawa. Ucampis wiñay jacañarutejj mantañ munstajja, camachinac phokham.

Lucas 10:28

Ucjjaruw Jesusajj saraqui: —Walic sistajja, actï lurätajja jacätawa —sasa.

Romanos 10:5

Leyirjam Diosampi catokatäñäqui ucjjatjja Moisesajj aqhamwa kellkawayi: “Take qhitinacatejj ley phokcani ucanacajja, uca phokhatapatwa jacani.”

Romanos 7:10

Ucampis ac jicjjatta, leyejj jacañatacjamäcchïna ucasa, jiwañacwa nayarojj churitu.

Gálatas 3:12

Moisesan leyipasti janiw iyawsañamp phokhañaquïquiti, jan ucasti aqham siwa: “Qhititejj acanac phokqui ucajja, uca phokhatap tokeraquiw jacani.”

Deuteronomio 30:20

Tatitu Diosamarusti munapjjam, ist'apjjaraquim, suma iyawsañampi arcapjjaraquim, jacañajj jupat jutatap laycu, jumanacan walja maranac jacapjjañamataqui, cawquïri oraktï Tatitu Diosajj arupampi arsusin Abrahamaru, Isaacaru, uqhamarac Jacob awquinacamaru churä siscatayna ucanjja.”

Deuteronomio 30:6

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.

Deuteronomio 4:1

“Jichhasti Israelit jakenaca, ist'apjjam cawquïri leyinactï, yatichapcsma ucanaca. Uqhamarac uca leyinacar phokhasarac sarnakapjjam, jacapjjaraquimsa, cawquïri oraktï awquinacaman Tatitu Diosapajj churapctam ucanjja.