Levítico 18:5 - Qullan Arunaka DC

⁵ “Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Aymar Bibliia 1986

⁵ “Nayan arsutanacajjsti, uqhamarac leyinacajjsa phokhapjjapunim. Cawquïri jaketejj ucanaca phokcani ucasti jacaniwa. Nayätwa Tatitojja.

Qullan Arunaca

⁵ “Nayan arsutanacajjsti, uqhamarac leyinacajjsa phokhapjjapunim. Cawquïri jaketejj ucanaca phokcani ucasti jacaniwa. Nayätwa Tatitojja.

Levítico 18:5 Jak'a apnaqawi uñst'ayäwi

Nehemías 9:29

Jumax kamachinakam wasitat phuqhapxañapatakiw jupanakar iwxt'äyätaxa; ukampis jupanakax walikjamak amuyasipxäna, ukat kamachinakamarux jan jaysapkänti; kamachinakarjam sarnaqirinakar jakañ churir arsutanakamaruw ñanqhachapxäna; jupanakax jumatakiw sayt'asipxäna, chuymanakap qalarayasisax janiw ist'apkänti.

Éxodo 6:2

Diosax Moisesar akham säna: —Nayätwa TATITUXA.

Éxodo 6:29

jupar sänwa: —Nayätwa Tatituxa. Jichhasti taqi kuntix nayax siskäma ukanak Egiptonkir faraón reyir yatiyanim —sasa.

Éxodo 6:6

Ukhamasti saram, israelitanakar akham sarakim: “Naya Tatituw t'aqhisitanakamat qhispiyapxäma, sinti ch'ama lurañanak jumanakar egipcionakan lurayatapatsa qhispiyapxarakïma. Jach'a ch'amax uñacht'ayä, chiqa aski kankañaxampiw qhispiyapxäma.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Ezequiel 18:9

kamachinakaxar phuqhasaw kunsa luri. Uka jaqix chiqätapat jakaskapuniniwa. Naya, Tatituw uk arsta.

Ezequiel 20:11

ukan jupanakarux kamachinakaxampi, arsutanakaxampi yatiyta, uka arunakaxarjam sarnaqirinakasti jakañ katuqapxi.

Ezequiel 20:13

Ukampis jupanakax wasar tuqin nayatakiw sayt'asxapxi, jupanakar churata kamachinakarus janiw jaysapkiti; janirakiw sábado urunsa nayarux yupaychapkituti, jupanakasti uka kamachinakar phuqhasax jakañ katuqapxasapäna. Ukat nayax jupanakxaru q'apisiñaxa samarasiñ amtäyäta, pachpa wasaran tukjañataki,

Ezequiel 20:21

“ ‘Ukampis jupanakan wawanakapax nayatakix sayt'asipxarakikïnwa. Janiw kamachinakaxsa arsutanakaxsa jaysapkänti; jakañ churiri arunakaxarjamas sarnaqapkänti, sábado urunakaxsa takisipxarakïnwa. Nayasti wali phiñasitapunïyätwa, uka phiñasiñax apaqtayasiñatakix pachpa wasaran tukjañ amtäyäta,

Levítico 18:6

“Janipuniw khiti chachasa pachpa wila masipankir warmiparux warmisiñapäkiti. Nayätwa Tatituxa.

Malaquías 3:6

“Nayätwa Tatit Diosaxa, nayax pachpakïsktwa. Ukat jumanakax Jacobun wawanakapa, jan tukjatäpktati.

Mateo 19:17

Jesusasti juparux sänwa: —¿Kunatsa kunatix askïki ukxat jiskt'ista? Dios sapakiw askix utji. Ukampis wiñay jakañarutix mantañ munstaxa, kamachinak phuqham —sasa.

Lucas 10:28

Jesusasti sarakïnwa: —Walik sasktaxa. Uktix lurätaxa, jakaskätawa —sasa.

Romanos 10:5

Chiqa kankañan kamachxar utt'ayatätapatxa, Moisesax akham qillqawayi: “Kamachirjam phuqhir jaqix uka kamachir phuqhatapampiw jakani” sasa.

Romanos 7:10

nayasti jiwañaruw purta. Ukhamasti kawkïr kamachitix nayar jakañ churañapäkän ukax jiwañarukiw puriyitu,

Gálatas 3:12

Kamachi tuqitix wiñay jakañ jikxatañax utjaspaxa, Diosar iyawsañax janiw wakiskaspati; kamachi arunakar jaysañakïspawa. Qillqatan siwa: “Kamachinak phuqhirix, jaysatap laykuw qhispiyasini” sasa.

Deuteronomio 30:20

Tatit Diosamar munasipxam, jupar ist'apxam, suma iyawsañamp arkapxarakim, ukankiw jumanakan jakañamaxa, Tatitux Abrahamaru, Isaacaru, Jacob nayra awkinakamar churañ amtkatayna uka uraqin walja maranak jakañamasa.”

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

Deuteronomio 4:1

Moisesasti saskakïnwa: “Jichhasti Israelit jaqinaka, yatichapksma uka kamachi arunak ist'apxam, uka kamachi arunakarjam phuqhas sarnaqapxarakim, kawkïri uraqtix nayra awkinakaman Tatit Diosapax churapkätam ukan jakapxañamataki.