Levítico 18:4 - Qullan Arunaka DC

⁴ “Nayan arsutanakaxar phuqhapxam, nayan kamachinakaxarjam sarnaqapxam. Nayätwa Tatit Diosapaxa.

Aymar Bibliia 1986

⁴ “Nayan arsutanacajjaru phokhapjjam, uqhamarac leyinacajjsa phokhapjjaraquim, ucanacarjama sarnakapjjam. Nayätwa jumanacan Tatitu Diosamajja.

Qullan Arunaca

⁴ “Nayan arsutanacajjaru phokhapjjam, uqhamarac leyinacajjsa phokhapjjaraquim, ucanacarjama sarnakapjjam. Nayätwa jumanacan Tatitu Diosamajja.

Levítico 18:4 Jak'a apnaqawi uñst'ayäwi

Salmos 105:45

ukhamat Tatitun arsutanakap imapxañapataki, kamachinakap phuqhapxañapataki. ¡Tatitux jach'añchatäpan!

Salmos 119:4

Jumaw arsutanakam yatiytaxa, arunakamax sum phuqhatäñapataki.

Ezequiel 20:19

Jupanakarusti sarakïyätwa: Nayätwa jumanakan Tatitu Diosamaxa, kamachinakaxsa, arsutanakaxsa sum phuqhapxam,

Ezequiel 36:27

Chuymanakamaruw nayan ajayux uchä, ukhamat kamachinakax phuqhapxañamataki,

Ezequiel 37:24

David luqtirixaw jupanakatakix reyïni, jupa sapakiw jupanakan awatiriparakïni, nayar ist'asaw sarnaqapxani, kamachinakaxsa phuqhapxarakiniwa.

Levítico 18:2

“Israelitanakar akham sarakim: “Nayätwa Tatit Diosapaxa.

Levítico 18:26

Ukampisa jumanak israelitanaka, ukhamarak kawkïri yaqha markat jutasin jumanak taypin jakir jaqinakasa, nayan kamachinakaxar phuqhas sarnaqapxam, janirak uka q'añu luräwinak lurapxamti,

Levítico 18:5

“Nayan arsutanakaxa, kamachinakaxsa phuqhapxapunim. Kawkïri jaqitix ukanak phuqkani ukasti jakaniwa. Nayätwa Tatituxa.

Levítico 19:19

“Nayan kamachinakaxsti phuqhapunim. “Uywanakamsti janipun yaqha uywanakampix katusiyamti. “Uraqimarus janipun yaqha jathanakamp ch'arqhuntasax yapuchamti. “Janirak kunayman telanakat lurat isinakampis isisimti.

Levítico 19:37

“Ukhamasti taqi kamachinakax phuqhapxapunim. Nayätwa Tatituxa.”

Levítico 20:22

“Nayan kamachinakax phuqhapxapunim, ukarjamarak sarnaqapxam. Ukhamat kawkïr uraqirutix irpapksma uka uraqit janiw jumanakarux apanukupkämati.

Lucas 1:6

Jupanakax Diosan nayraqatapan aski jaqïpxänwa, Tatitun arsutaparjama, kamachiparjam phuqhasaw jan khitinsa juchañchat sarnaqapxäna.

Juan 15:14

Kuntix nayax jumanakar sapksma uktix lurapxätaxa, nayan jila masinakaxäpxätawa.

Deuteronomio 6:1

“Aka kamachi arunaka, kamachinaka, arsutanakap Tatit Diosamax nayar churitu jumanakar yatichañataki, ukhamarjam jumanakan sarnaqapxañamataki, kawkïr uraqinaktix jupax churapkätam uka uraqina.