Jueces 8:6 - Qullan Arunaca

⁶ Ucampis Sucot sat chekanquir jilïrinacajja sapjjaraquïnwa: —¿Jumajja, Zeba, Zalmuna uca reyinacarojj catjtati, ucatti nanacajj ejercitomarojj mank'ayapjjäjja? —sasa.

Aymar Bibliia 1986

⁶ Ucampis Sucot sat chekanquir jilïrinacajja sapjjaraquïnwa: —¿Jumajja, Zeba, Zalmuna uca reyinacarojj catjtati, ucatti nanacajj ejercitomarojj mank'ayapjjäjja? —sasa.

Qullan Arunaka DC

⁶ Ukampis Sucot chiqankir jilïrinakax sapxänwa: —¿Zébah, Salmuná reyinakar niyat katjanta, ejercitomar manq'añ churasipkañaxatakisti? —sasa.

Jueces 8:6 Jak'a apnaqawi uñst'ayäwi

Génesis 25:13

wawanacapasti acanacaraquïnwa, nacitatjamajja: Nebaiot, ucasti jilïri yokapänwa; ucjjarusti Cedar, Adbeel, Mibsam,

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Génesis 37:28

Madianita, alaquipa jakenacajj uca cheka pasquipansti, jilanacapajj uca phuch'ut Josearojj irpsunipjjäna, uca ismaelita jakenacaruw pä tunca kollkeru alj-jjapjjäna. Uqhamwa Josearojj Egipto marcar irpasjjapjjäna.

1 Reyes 20:11

Ucjjarusti Israelan reyipajj qhitaraquïnwa saniñapataqui, aqham sasa: “Janïra horasäquipanjja, jan ‘Atipjtwa’ siscamti” sasa.

2 Reyes 14:9

Ucampis Joás reyejj aqham yatiyäwracwa apayaraquïna: “Ch'aphejja qhitänwa Libanonquiri cedro kokar saniñapataqui aqhama: ‘Phuchama yokajjaru churjjam warmipäñapataqui’ sasa. Ucampis Libanonquir animalanacaw uca chekanjama pasasina ch'aphir takjjatawayasa pallallji.

Proverbios 18:23

Pobre jakejj suma arumpiw achict'asi; kamir jakesti jach'a tucuñampiwa parli.

Filipenses 2:21

Takenisa jupanacanquiricwa thakapjje, Cristo Jesusataquisti janiw cunsa thakapquiti.

Jueces 5:23

Diosan angelapasti yatiyiwa: ‘¡Meroz sat marcjjaru, uqhamarac ucan jaquirinacjjarusti jutaniwa mä jach'a maldiciona!’ sasa. Jupanacasti janiw jutapquiti Diosan yanapapampejja, cunjämtejj Diosan yanapata ch'amaninacajj jutapqui uqhamjja.

Jueces 8:15

Gedeonajj, Sucot sat marcaru mantasinjja ucanquir jakenacarojj sänwa: —¿Amtapjjtati cunjämtejj nayar sawcasipquitu Zeba, Zalmuna ucanacata ucjja? Amtapjjaraquim jumanacajja jakenacajjarojj janiw mank'añsa churañ munapcäyätati cunapachatejj wali karjata thayjtatäpcän ucqhajja, jumanacasti sapjjayätawa: ‘Ni catjapquisa acanacajj,’ ¿ampi? sasa. ¡Acajjay uñjapjjamaya!

Jueces 8:5

Sucot sat chekanjja Gedeonajj ucan jaquirinacarojj mayïnwa: —Achict'asipjjsmawa, nayampi chicäpqui uca jakenacaru mank'aña churapjjam, jupanacasti wali thayjtata karjatäpjjewa. Nanacasti Zeba, Zalmuna sat madianitanacan reyinacaparuw arctasipcta —sasa.