Jueces 8:21 - Qullan Arunaca

²¹ Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

Aymar Bibliia 1986

²¹ Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

Qullan Arunaka DC

²¹ Ukat Zébah, Salmuná reyinakax Gedeonar sapxäna: —¡Ukhamax jumay nanakar jiwayapxita! Ukhamat mä jaqina jan axsarirïtapax yatisi —sasa. Gedeonasti sarthapisin jupanakar jiwarayäna, ukatsti Zébah, Salmuná chachanakan camellonakapan kunkar uchatäkän uka k'achachañanak katuntasïna.

Jueces 8:21 Jak'a apnaqawi uñst'ayäwi

Salmos 83:1

Tatay, janiquiy amuquïmti, Diosajjay, onjjtasiquimaya.

Salmos 83:11

Jilïr jakenacaparojj Oreb, Zeeb jilïrinacarjam luram, irpanacaparusti Zeba, Zalmuna, jakenacarjam luraraquim,

Salmos 83:12

jupanacajj Diosan ch'iji orakenacap catuntasiñ munapjjäna.

Isaías 3:18

Uca urunjja, Tatitojj k'alwa uca k'achachasiñanacapjja chhaktayani, cayunacapan c'achachasitanacapa, diademanaca, lunetanaca,

Josué 10:26

Uc arsusinsti Josué chachajj jiwayänwa uca reyinacarojja, ucatjja pheska kokanacaruw warccatayaraquïna jayp'ucama.

Apocalipsis 9:6

Uca urunacanjja jakenacajj: Jiwaquirista, sapjjaniwa, ucampis janiw jiwjja jicjjatapcaniti. Jiwañ munapcani ucqhasa, jiwajj jupanacatjja jaltjjaniwa.

Jueces 15:12

Ucatsti jupanacajj sapjjaraquïnwa: —Nanacasti jutapjjtwa jumaru catuntasa filisteonacar irpjjaruyañataqui —sasa. Ucat Sansón chachajj saraquïnwa: —Juramento lurarapipjjeta jumanacajj jan nayaru jiwayapjjañamataqui.

Jueces 8:20

Ucjjarusti Jeter sat jilïr yokaparuw saraquïna: —¡Sartasin jiwarayam! —sasa. Ucampis Jeter satajj waynäscatap laycojja janiw espadapa aysuña muncänti.

Jueces 8:22

Ucampis israelitanacajj Gedeonarojj sapjjaraquïnwa: —Jumajjay madianitanacan t'akhesiyatäñatjja khespiyapjjchistajja, uqhamïpansti nanacajj munapjjtwa juma, uqhamarac wawanacamasa nanacaru apnakañapa —sasa.

Jueces 8:26

Take uca kori surtijanacajj apthaptänwa tunca llätuncan kilonaca. Ucarusti janiw jaqhutäcänti adornonacasa, ni joyanacasa, ni wila k'ellu telanacata Madián chekanquir reyinacajj uchasipcän uca telanacasa, uqhamarac ni camellonacan cuncapana uchatäcän uca adornonacasa.

Jueces 9:54

Abimelec chachasti janc'aquiw yanapiripa jawsäna, ucatsti sänwa: “Espadamampi jiwayjjeta, janiw nayajj muncti: ‘Mä warmiquiw jiwayi’ sañanacapjja” sasa. Ucatsti yanapiripajj iyawsasaw espadapampi jiwayjjäna. Uqhamaw Abimelec chachajj jiwjjäna.

1 Samuel 31:3

Ucatsti Saúl reyircamaquiraquiw take ch'amanacap cutiquipstayanipjjäna; cunjämatejj flecha antutt'iri jakenacapajj flechanacjja cawqhanccäntejj jupanacajj ucacama puriyapjjän ucapachasti jupanacajj wali ajjsarapjjaraquïna.

1 Samuel 31:5

Yanapiripasti Saúl reyiru uqham jiwata uñjasinsti, uca quipcaraquiw jupajj espadapjjaru liwjjattasin jiwayasiraquïna, jupampi chica.