Jueces 8:21 - Qullan Arunaka DC

²¹ Ukat Zébah, Salmuná reyinakax Gedeonar sapxäna: —¡Ukhamax jumay nanakar jiwayapxita! Ukhamat mä jaqina jan axsarirïtapax yatisi —sasa. Gedeonasti sarthapisin jupanakar jiwarayäna, ukatsti Zébah, Salmuná chachanakan camellonakapan kunkar uchatäkän uka k'achachañanak katuntasïna.

Aymar Bibliia 1986

²¹ Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

Qullan Arunaca

²¹ Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

Jueces 8:21 Jak'a apnaqawi uñst'ayäwi

Salmos 83:1

1 (2) Tatay, janikiy amukïmti, Diosaxay, unxtasikimaya.

Salmos 83:11

11 (12) Oreb, Zeeb uka jilïrinakarux tukjam; Zébah, Zalmuná, uka jilïrinakarjam lurjam,

Salmos 83:12

12 (13) jupanakax Diosan suma uraqinakap katuntasiñ munapxäna.

Isaías 3:18

“Jerusalén markankir warminaka, Uka urux purininiwa, kuna k'achachasiñanakamatix utjki, amparanakamansa, kayunakamansa, ajanumansa, kunkamansa, ñik'utamansa, jinchunakamansa, luk'ananakamansa, wak'antasiñanakamansa, naya Tatitux ukanak q'al aparapxäma. Ukhamarakiw suma q'apkir qullanakamsa, uñkatasiñatak qhispill lirphunakamsa, isinakamsa, wayaqanakamsa, wiskhunakamsa, suma isinakamsa, taqi ukanak q'al aparapxäma.”

Josué 10:26

Uk arsusinsti Josué chachax uka reyinakaruw jiwarayäna, ukatsti sapa mayniruw mä quqar warkkatayäna, ukan jayp'ukam warkut uñjasipxäna.

Apocalipsis 9:6

Uka phisqa phaxsinsti, achjat uñjasipkatayna uka jaqinakax, jiwañak munxapxäna, ukampis jakasipkakïnwa. Jiwax jupanakat jaltkaspa ukhamänwa.

Jueces 15:12

Ukat juparux sapxäna: —Nanakax jumar katjiriw jutapxta, ukat filisteonakan amparapar katuyxañataki —sasa. Sansonasti sänwa: —Juramento lurarapipxita, jumanakan nayar jan jiwayañamataki —sasa.

Jueces 8:20

Ukatsti ukspachaw Jéter sat jilïr yuqapar säna: —¡Sartasim, jupanak jiwarayam! —sasa. Ukampis Jéter yuqapax janiw espadap aysuskänti, waynäskatap layku.

Jueces 8:22

Uka qhipatsti israelitanakax Gedeonarux sapxänwa: —Jumaxay madianitanakan amparapat qhispiyapxchistaxa, ukhamïpansti nanakax munapxtwa juma, ukhamaraki jumat saraqir wawanakamasa nanakaru apnaqañapa —sasa.

Jueces 8:26

Uka sortijanakan quripasti taqpachax tunka llätunkan kilow tupt'asïna, ukarusti janiw k'achachasiñanakasa, alajanakasa, Madián chiqankir reyinakax uskusipkän uka wila telanakasa, camellonakan kunkapana uskutäki uka wallqanakasa jakhutäkänti.

Jueces 9:54

Abimélec chachasti ukspachaw yanapiriparux jawsäna, ukatsti sänwa: “Espadam apsusim ukat jiwayita, janiw nayat ‘Mä warmikiw jiwayi’ sapxañap munkti” sasa. Uka yanapiripasti iyawsasaw espadapampi chhuqhuntäna, ukhamaw Abimélec chachax jiwxäna.

1 Samuel 31:3

Ukatsti Saúl reyir nuwantañatakiw ch'amachasipxäna; mich'i antutt'ir jaqinakapax mich'inakap jupxar puriyapkän ukkhasti, jupax wal axsaräna.

1 Samuel 31:5

Yanapiripasti Saúl reyir jiwata uñjasinxa, jupax uka kipkarakiw espadapxar liwxattasax jiwayasïna.