Jueces 7:9 - Qullan Arunaca

⁹ Uca arumasti Diosajj, Gedeonarojj saraquïnwa: “Sartasim ucatsti sarakam madianitanacampi nuwasiñataqui, nayasti jichhawa jupanacjja amparanacamaru catuyäma.

Aymar Bibliia 1986

⁹ Uca arumasti Diosajj, Gedeonarojj saraquïnwa: “Sartasim ucatsti sarakam madianitanacampi nuwasiñataqui, nayasti jichhawa jupanacjja amparanacamaru catuyäma.

Qullan Arunaka DC

⁹ Uka arumasti Tatitux Gedeonar sänwa: “Sartasim, madianitanakar katuntir saram, nayaw jupanakxa amparamaru katuyäma.

Jueces 7:9 Jak'a apnaqawi uñst'ayäwi

2 Crónicas 20:17

Janiw jumanacati nuwasipcätajja, ucampis jumanacajj sum waquichasipjjam, alekt'apjjaquiraquim, ucatsti uñjapjjätawa cunjämtï Tatitojj jumanacar khespiyapcätam uca. ¡Jerusalenanquiri, Judá orakenquir jakenaca, jan ajjsarapjjamti, janirac sustjasipjjamsa; arumanthi alwasti jupanacamp nuwasir sarapjjam, Tatitusti jumanacampïsquiwa!’ ” sasa.

Job 4:13

Arumajj cunapachatejj jakejj iquirasqui, ucapachasti nayarojj mayaw jan iquiyquituti.

Mateo 1:20

Uqham lup'isquipansti Tatitun mä angelapaw samcan uñstäna, ucatsti saraquïnwa: “José, Davidan wawapa, jan ajjsaramti Mariaru warmimat catokañjja, nascani uca wawasti Kollan Ajayutwa juti.

Mateo 2:13

Magonacan sarjjapjjatapatsti, Diosan mä angelapaw Josearojj samcan uñstäna, ucatsti sänwa: “Sartasim ucatsti wawampiru María taycapampiru irpjjarum Egipto marcar sarjjam; ucancaraquim cunapachcamatï nayajj siscäma ucürcama, Herodesasti wawarojj jiwayañataquiw thakani” sasa.

Hechos 27:23

Jichha arumajj mä angelaw uñstitu, Diosan qhitanita. Nayajj uca Diosancaractwa, juparuraquiw sirviracta.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Josué 11:6

Ucampis Diosajj Josué chacharojj sänwa: “Jan ajjsaramti ni cuna laycusa, nayasti jumarojj arumanthi alwat aca quipca horasaruw juman amparamar catuyäma, jiwarayañamataqui. Ucatsti jumajj caballonacapan cayunacap p'aquiräta, uqhamaraquiw carronacaparus ninampi phichhantäta” sasa.

Josué 2:24

Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Jueces 20:28

Ucampis israelitanacajj Diosaruw jisct'apjjäna: “¿Waquisispati wastatampi nuwasiña Benjamín sat tribunquir jilanacajjampi, jan ucajj atipjatäjjapjjaquïcha?” sasa. Ucat Diosajj saraquïnwa: “Sarapjjam wastata nuwasiri kharüruwa nayajj atipjayapjjäma” sasa.

Jueces 3:10

Diosan ajayupawa Otoniel chachjjaru jutäna ucatsti israelitanacaruw khespiyi. Cunapachatejj nuwasiri mistscäna ucqhajja Diosawa atipt'ayäna Cusan-risataim sat reyirojja.

Jueces 3:28

Aod chachajj sänwa: —Sarañäni, Diosawa atipjayistani, moabita uñisirinacasarojja —sasa. Ucatsti jupanacajj sarasinjja Jordán jawira thiya orakenacwa catuntasipjjäna, ucampis janiw qhitsa ucarojj mantayapcänti.

Jueces 7:10

Ucampis jumatejj jupanacampi nuwasiña ajjsarsta ucajja Fura sat uywatamampi sarakam campamentonacaparu.

Jueces 7:8

Gedeonajj chicata jakenacarusti qhitjjänwa utanacaparu. Ucampis janïra sarapquipanjja jupanacatjja apthapiyänwa wacullanacapa, ovej wajjra pututunaca. Jupasti uca quimsa pataca ajllita jakenacampiquiw kheparjjäna, ucatsti jupanacajj campamento lurasipjjäna, madianitanacan campamentopat valleta amsta tokeru.

1 Samuel 14:8

Ucat Jonatanajj saraquïnwa: —Acajjay jichhajj qhurcataruw maqhatañäni cawqhancquitejj uca chachanacajj ucaru, ucatsti uñjayasiraquiñäniwa.

1 Samuel 23:4

Uqhamasti Davidajj wasitatwa Tatiturojj jisct'asiscaquïna, Tatitusti saraquïnwa: —Jumajj sarascaquim Keila marcaru, nayaw amparamaru filisteonacjja catuyascäma —sasa.