Jueces 6:5 - Qullan Arunaca

⁵ Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.

Aymar Bibliia 1986

⁵ Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.

Qullan Arunaka DC

⁵ Jupanakax chhujlla utanakapampi, ukhamarak walja uywanakapampi jutasin taqi kunanak tukjayapxäna. Jupanakax t'iju t'ijunakar uñtataw walja camellonakapampi jutantapxäna.

Jueces 6:5 Jak'a apnaqawi uñst'ayäwi

Cantar de los cantares 1:5

Jerusalenanquir warminaca, nayajj ch'iyar janchinïtwa, ucampis muncañätwa. Wasaranquir Cedar carpanacjam ch'iyarätwa, Salomonan palaciopan cortinanacapjama jiwaquiraquïtwa.

Isaías 13:20

Janipuniw jakejj ucanjja juc'ampi utjcjjaniti, janipuniw qhitis ucan juc'ampi jacjjaniti. Arabe jakenacajj janiw mayampsa ucar purisajj carpanacap sayt'ayascjjapjjaniti, janiraquiw awatirinacas uywanacapjja ucan samart'aycjjapjjaniti.

Isaías 60:6

Walja camello tamanacaw muyuntapjjaraquïtam, ucanacasti Madián, uqhamaraqui Efa sisqui uca chekanacatwa jutapjjani; Sabá tokenquirinacasti takeniw jutapjjani kori, incienso ucanac apt'ata, ucatsti Tatitun suma luräwinacapwa yatiyapjjaraquini.

Jeremías 46:23

¡Uca jach'a ch'uminacapsti phat'arapjjaraquiniwa! Naya Tatituw ucjja arsta. T'ijut'ijunacat sipansa juc'ampi waljanïpjjewa, janiraquiw qhitis jupanacarojj jact'añataquejj ch'amanïcänti.

Jeremías 49:29

Carpanacapsa, uywanacapsa, lonanacapsa take yänacapsa catuntasipjjaraquim. Camellonacapsti anarapjjam, art'apjjaraquim: ‘Take chekansa ajjsarañaquiw utjasqui’ sasa.

Jeremías 49:32

¡Camellonacapsa, take uywanacapsa aparapjjaraquim! Take tokeruw jupanacjja anatataraquï, uca p'eke parapat ñic'uta murusir marcarojja; take toketwa jupanacataquejj jan walt'añanaca apaniraquï. Naya Tatituw ucjja arsta.

Jeremías 51:14

Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Deuteronomio 28:33

Yapunacaman cosechanacapa uqhamaraqui take irnakañaman achunacapjja jan uñt'at jakenacaw mank'antapjjani, ucatsti t'akhesiyata jan walin uñjatapuniw sarnakäta.

Jueces 7:12

Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

Jueces 8:10

Zeba, Zalmuna sat reyinacasti Carcor sat marcancasipcänwa tunca pheskan waranka jakenacampi. Jupanacasti inti jalsu toket ejercitojj jutqui ucat jilt'iriquïnwa. Ucampis jupanacatjja patac pä tuncan waranka jakenacaw jiwarapjjäna.

Jueces 8:21

Ucampis Zebampi, Zalmunampejj, Gedeonarojj sapjjaraquïnwa: —¡Jumay nanacaru jiwarayapjjetajja! Uqhamatwa mä jakena jan ajjsarirïtapajj yatisi —sasa. Ucatsti Gedeonajj sartasinwa jiwarayi, uqhamaraqui Zeba, Zalmuna ucanacan camellonacapan cuncapan adornonacajj uchatäcäna ucanacsa catuntasiraqui.

1 Samuel 30:17

Uqhamasti Davidajj alwata, jayp'ucamawa jupanacarojj nuwaräna, k'alwa jupanacarojj tucjaraquïna, ucampisa pusi patac waynanacaquiw camellonacaparu lat'jjatasina jaltjjapjjatayna.