Jueces 6:5 - Qullan Arunaka DC

⁵ Jupanakax chhujlla utanakapampi, ukhamarak walja uywanakapampi jutasin taqi kunanak tukjayapxäna. Jupanakax t'iju t'ijunakar uñtataw walja camellonakapampi jutantapxäna.

Aymar Bibliia 1986

⁵ Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.

Qullan Arunaca

⁵ Jupanacasti utanacapampi, uqhamarac walja uywanacapampi jutasinwa take cunanaca tucjayapjjäna. Walja camellonacampi jutasinsti, walja t'ijut'ijunacjamaw jutapjjäna.

Jueces 6:5 Jak'a apnaqawi uñst'ayäwi

Cantar de los cantares 1:5

Jerusalenankir warminaka, nayax ch'iyär janchinïtwa, ukampis munkañätwa; Quedar chiqankir chhujllanakjam ch'iyärätwa, Salomonan uta cortinanakapjam jiwakirarakïtwa.

Isaías 13:20

Babilonia markan janipuniw jaqix juk'ampi utjkxaniti, Árabe jaqinakas janiw mayampsa ukar utjantaskxapxaniti, awatirinakas janirakiw uywanakaparux ukan manq'ayaskxapxaniti.

Isaías 60:6

Walja camello tamanakan phuqhantataw uñjasïta, ukanakasti Madián, Efá uka chiqanakat jutapxani; Sabá tuqinkirinakasti taqiniw jutapxani quri, incienso ukanak apt'ata, ukatsti Tatitun suma luräwinakap yatiyapxani.

Jeremías 46:23

¡Uka jach'a ch'uminakapsti phat'arpayapxaniwa! Naya, Tatituw uk arsta. T'iju t'ijunakjam waljanipunïpxänwa, jan khitinsa jakt'kañjamaraki.

Jeremías 49:29

Chhujllanakapsa, uywanakapsa, taqi yänakapsa katuntasipxam. Camellonakap aparapxam, jach'at art'asin mulljapxam: ‘¡Taqi chiqansa axsarañakiw utjaski!’ sasa.

Jeremías 49:32

¡Camellonakapsa, taqi uywanakapsa lunthatjapxam! Taqi tuqiruw jupanak ananukü, p'iqi parapat ñik'ut murusir markarux; taqi tuqit jupanakatakix jan walt'añanak apayanï. Naya, Tatituw uk arsta.

Jeremías 51:14

Taqi ch'amani Tatitusti, jakañap laykuw juramentompi arsu: “¡Uñisirinakamampisti t'iju t'iju laq'unakampjamaw phuqhantäma, jupanakasti jumar atipjasinxa jach'at arnaqasipxani!”

Deuteronomio 28:33

Jan uñt'at jaqinakaw yapunakamat manq'asini, jumasti t'aqhisiyata jan wali uñjatapuniw sapürus sarnaqäta.

Jueces 7:12

Madianitanaka, amalecitanaka, inti jalsu tuqinkir jaqinakax qhirwa chiqawjan t'iju t'ijunakjamaw ch'iqitatapxatayna, jupanakan camellonakapax quta thiyan utjir ch'allar uñtatänwa.

Jueces 8:10

Zébah, Salmuná reyinakax tunka phisqan waranqa jaqinakampiw Carcor chiqankasipkäna, inti jalsu tuqinkir ejercitot ukkhakiw jilt'xäna, jupanakat patak pä tunkan waranqaw jiwarapxatayna.

Jueces 8:21

Ukat Zébah, Salmuná reyinakax Gedeonar sapxäna: —¡Ukhamax jumay nanakar jiwayapxita! Ukhamat mä jaqina jan axsarirïtapax yatisi —sasa. Gedeonasti sarthapisin jupanakar jiwarayäna, ukatsti Zébah, Salmuná chachanakan camellonakapan kunkar uchatäkän uka k'achachañanak katuntasïna.

1 Samuel 30:17

Ukhamasti Davidax willjtat jayp'ukamaw jupanakarux q'al tukjäna, ukampis pusi patak waynanakakiw camellonakapar lat'xatawayasin jaltxapxatayna.