Jueces 6:16 - Qullan Arunaca

¹⁶ Diosasti sascaquïnwa: —Lurätawa, nayawa jumampiscäjja jumasti atipjätawa madianitanacarojja cunjämtejj qhitisa mä sapa jakeru atipjqui uqhama —sasa.

Aymar Bibliia 1986

¹⁶ Diosasti sascaquïnwa: —Lurätawa, nayawa jumampiscäjja jumasti atipjätawa madianitanacarojja cunjämtejj qhitisa mä sapa jakeru atipjqui uqhama —sasa.

Qullan Arunaka DC

¹⁶ Tatitusti sänwa: —Nayaw jumampiskä, madianitanakarux atipjätawa, kunjämtix mä sapa jaqiruki atipjkasma ukhama —sasa.

Jueces 6:16 Jak'a apnaqawi uñst'ayäwi

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Hechos 11:21

Tatitun ch'amapasti jupanacampïnwa. Ucatwa walja jakenacajj Tatitur iyawsapjjäna, take jan wali luräwinacap apanucusa.

Deuteronomio 20:1

“Cunapachatejj jumanacajj uñisirinacamampi nuwasiñatac mistuwayapjjäta, ucatsti uñjapjjäta jupanacarojj soldadonacapa caballonacar lat'jjatata, nuwasiñ carronacani, uqhamaraqui ejercitopas jumanacat sipansa juc'ampi waljani, ucapachajj jan jupanacaru ajjsarapjjamti; Egipto marcat irpsunipctam uca Tatitu Diosamaw jumanacampïsqui.

Josué 1:5

Take jacañamansti janiw qhitis atipañ puedcätamti. Nayaw jumampïscä cunjämatejj Moisesampïcäyätjja uqhama; janipuniw jaytcämati ni apanuccaraquïmasa.

Josué 10:8

Ucatwa Diosajj Josué chacharojj säna: “Jan jumajj ajjsarayasimti, nayaw jumar catuysma, janiraquiw cawquïri reyis jumampi nuwasiñjja puedcaniti” sasa.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.

Jueces 6:12

Diosan angelapajj uñstasinjj sänwa: —¡Diosajj jumampïsquiwa, ch'amani, jan ajjsarir jake! —sasa.

Jueces 6:36

Gedeonasti Diosarojj saraquïnwa: “Jumatejj nayaru yanapchitäta Israel marcamaru khespiyañataqui, cunjämtejj juma pachpa siscta uqhamarjama ucajja.

Rut 2:4

Uqhamaruw Booz chachajj Belén marcata purini takpachanir aruntasa: —Diosasti jumanacampïpan —sasa. Jupanacasti sapjjänwa —Diosasti jumarojj bendizpan —sasa.